Байланыс кабельдерінің конструкциясы бойынша ашық сабақ

Сабақтың №__

Өткізілетін күні : _______________

Топ мамандығы : «Электр байланысы жүйелі құрылысы мен сымдық тарату жүйелерінің электрмонтері »

Курсы : ___ топ : №___

Сабақтың тақырыбы : «ҚТЖ-да қолданылатын байланыс кабельдерінің конструкциясымен танысу»

Сабақтың мақсаты : Оқушыларға кабель конструкциясының схемасымен таныстыру, білімін арттыру, ойлау қабілетін кеңейту, өз мамандығына деген ынтасын ,сабаққа деген ынтасын арттыру, зиялы білім негізін қалыптастыру,ТҚ ережелерін сақтауға, құрал-саймандарды тиімді, ұқыпты пайдалануға баулу.

Сабақтың материалдық- техникалық жабдықталуы: кабель түрлері т.б.

Сабақтың көрнекілігі: интерактивті тақта, карточкалар, нұсқау картасы.

Сабақта қолданылатын әдіс-тәсілдер: баяндау, түсіндіру, сұрақ-жауап, тірек-сызба.

Сабақтың өткізілу уақыты: 900-1530

Сабақтың өтілетін орны: №2 зертхана. №22 кабинет

Сабақтың барысы:

І. Ұйымдастыру кезеңі:

1. Студенттермен сәлемдесу.

2. ҚР Әнұранын орындау.

3. Студенттердің өндірістік оқыту сабағына дайындығын тексеру (арнайы жұмыс киімнің, оқу құралдарының, жұмысқа қажетті құрал-жабдықтардың болуын қадағалау)..

ІІ. Кіріспе нұсқау:

1.Студенттерді сабақтың тақырыбы және мақсатымен таныстыру.

2. Студенттерге сабақтағы жұмыс тәртібін түсіндіру.

3.Өткен тақырыпты пысықтау .

4.Жаңа тақырыпты түсіндіру

ҚТЖ-да қолданылатын байланыс кабельдерінің конструкциясымен танысу

Телефон байланысын іске асыратын кабельдер бөлек- бөлек жекеленген өткізгіштерден тұрады, олар жұппен немесе төрттен оралып, металдан, пластмассадан немесе металлопластмасадан жасалған саңылаусыз қабаттардың ішінде орналасады. Кабельдерді төсеу тәсілдеріне байланысты осындай су өткізбейтін қабатының сыртында қорғауыш жабындары болуы мүмкін.

Кабельдерді айырмашылықтарымен бөлгенде: тағайындалуына қарай- қалааралық, алқаптық, қалалық және селолық; конструкциясына қарай-симметриялық, коаксиалдық және талшықты-оптикалық; қолдануға қарай-кабель канализациясына тартуға тікелей жерге салуға, су астындағы және әуе байланыс линияларының тіректермен тіреулерге ілетін кабельдер болдаы.

Өзара және сыртқы электрлік әсерлерді азайту, икемді бөлу үшін телефон кабельдерінің талшықтарын бірімен-бірін жұпты немесе төртті түрде орайды, оларды топтар деп атайды. Жұпты бұралғанда, жекеленген екі талшықты бірімен-бірін, бар ұзындықтың бойымен тең қадаммен (80-100 немесе 200-250мм, 5-а сурет) бұрайды, ол кабельді өз осінің бойында бір айналымға жететіндей қадаммен жасалады. Кабель талшықтары 200-250мм бұрау қадаммен бұралғанда, мақта қағаз жіппен немесе лентамен спираль түрде сыртынан оралады.

5 сурет. Кабель өзегінің конструкциясы: а-тең қадаммен, б-жұлдызды.