Бала Ахмет тақырыбына сабақ жоспары, 3 сынып

Бекітемін:

Пән: Әдебиеттік оқу

Бөлім: Атақты тұлғалар

Күні: 04.03.2019

Сынып: 3

Мектеп: «Қ.Байсықов атындағы ОЖББМ» КММ

Мұғалімнің аты-жөні: Бияшева Г.И.

Қатысқандар саны:

Қатыспағандар саны:

Сабақ тақырыбы

Халық ұстазы Қоғабай Сәрсекеев «Бала Ахмет»

Оқу мақсаттары

3.1.2.1* шығарманың мазмұнын бірлесе құрастырған жоспар бойынша немесе өз сөзімен толық/таңдауына қарай мазмұндау/ сахналау;

3.3.1.1 Мұғалім көмегімен оқылған шығарманы логикалық бөліктерге бөліп, әр бөлікке ат қойып жоспар құру;

3.2.1.2 Шығарманы іштей саналы түрде түсініп, көз жүгіртіп/ шолып/ қажетті ақпаратты тауып/ белгі қойып/сын тұрғысынан бағалап оқу.

Сабақ мақсаттары

Барлық: шығарманың мазмұнын өз сөзімен айтады;

Көптеген оқушылар: шығарманы құрастырған жоспар бойынша толық мазмұндайды, мәтіннен қажетті ақпаратты түртіп алып оқиды; мәтінді құрылымдық бөліктерге бөледі;

Кейбір оқушылар: мәтін бөліктеріне ат қояды, жоспар құрастырады.

Бағалау критерийлері

мәтінді түртіп алып оқиды;

мәтін мазмұнын жүйелі баяндайды;

сөздерді мағынасына сәйкес орынды қолданады;

мәтін бойынша сұрақтарға жауап береді;

мәтіннің мазмұнын құрастырған жоспары бойынша айтады;

мәтіннің құрылымдық бөліктерін анықтайды;

мәтін бөліктеріне тақырып қояды.

Тірек сөздер

Оқушылар: Мәтінді түсініп оқиды. Оқығаны бойынша өз сөзімен мазмұндайды.

Пәнге қатысты лексика мен терминология:

Сарытүбек, Зерделі бала, Есенжол Жанұзақұлы, Сейдахмет, пікір, жоспар, сипаттау.

Диалог құруға /жазылымға қажетті сөздер топтамасы: Сейдахмет ақын Ахмет туралы не дейді?

Құндылықтарды дарыту

Бұл сабақ академиялық өмір бойы білім алуға ынталандырады, еңбек пен шығармашылық және топта жұмыс істеу, жауапкершілік және көшбасшылық құндылықтарын дамытуға бағыталған. Құндылықтарды қалыптастыру топта жұмыс істеу ережелерін орнату, қабілеті төменірек оқушыларға қолдау көрсету арқылы жүзеге асырылады.

Пәнаралық байланыстар

Ел-жер атауларын тани алуы барысында дүниетану пәнімен байланыс пайда болады. Мәтіннің құрылымдық бөліктерін анықтауда, жоспар құруда қазақ тілі пәнімен байланыс пайда болды.

АКТ қолдану дағдылары

Интербелсенді тақта

Алдыңғы білімді игерулері

Оқушылар атақты тұлғалар туралы біледі. Жоспар құра алады, жоспар бойынша мәтінді өз сөзімен таңдауына қарай немесе толық мазмұндайды.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

0-3 минут

Ширату тапсырмасы. «Ыстық картоп ойыны» лездемелік тапсырмалар

Оқушыларды 3 топқа біріктіру.

І топ. Ақын ІІ топ. Ұстаз ІІІ топ. Ғалым

Үй тапсырмасын алдыңғы сабақты қысқаша қайталау,сыныптың білім деңгейін анықтау. ҚБ: «Мұғалімнің мадақтауы» (Өте жақсы! Жақсы!).

Сабақ тақырыбы және оқу мақсаттарымен таныстыру.

Оқушылармен бағалау критерийін құрастыру немесе таныстыру.

«Ыстық картоп ойыны»

Сабақтың ортасы

(МК, Ұ) «Миға шабуыл» әдісі. Төңкерілген суреттер. Қазақ әдебиетінің бес арысы Шәкәрім Құдайбердиев, Міржақып Дулатов, Жүсіпбек Аймауытов, Мағжан Жұмабаев, Ахмет Байтұрсынов бұл ақын - жазушылар білім мен ғылым саласында ерен еңбек еткен. Олардың қаламынан туған туындыларда әлеуметтік -қоғамдық жағдайлар, қазақ халқының азаттығы мен теңдігі кең орын алған. Бұл кісілерді жалпы қалай атауға болады? (Бес арыс)- балалар бұл адамдарды неге «Бес арыс» дейді? (Өйткені бесеуі де елдің мұңын жырлап қараңғы халықты ағартушылыққа бет бұруды көздеген азаматтар болған.

Шәкәрім Құдайбердиев, Міржақып Дулатов, Жүсіпбек Аймауытов, Мағжан Жұмабаев, Ахмет Байтұрсынов суреті

4-10 минут

11-15 минут

16-25 минут

26-30 минут

31-37 минут

Шығармаларын ағартушылыққа арнаған ақын - жазушылар. Бірақ өз ойын, мақсатын соңына дейін жеткізе алмай арманда кеткен арыстар. Қазақта ер азаматтың дүниеден ерте өткенін «арысым - ай» деп жоқтаған. Бұлардың барлығы дүниеден ерте кеткен азаматтар. Сондықтан арыс деген сөздің мағынасы кең, терең болған.)

Бүгінгі біздің тақырыбымыз осы бес арыстың біреуі – Ахмет Байтұрсынұлы туралы болмақ . Балалар, сендер Ахмет Байтұрсынұлы туралы не білесіңдер? Ахмет Байтұрсынов туралы білетіндерін бөліседі.

Ахмет

Үлгі: Ақын, ғалым, ұстаз, аудармашы, «Әліппе» авторы, 1872- 1937жж

Ахмет Байтұрсынұлы 1873жылы Торғай уезінің Тосын болысы (қазіргі Қостанай облысының Жангелдин ауданындағы) Аққөл ауылында дүниеге келді.Ахмет Байтұрсынұлы — қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері. Қазақ халқының 20 ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым...1-тапсырма «Идеяларды толықтырамыз» әдісін сүйеніп берілген пікірлерді пайдаланып мұғалімнің көмегімен Ахмет Байтұрсынов туралы әңгімелейді.

Ахмет Байтұрсынұлы – халықтың рухани көсемі. (М. Әуезов)

Ахмет Байтұрсынұлы ұлтын шын сүйетін. (С.Сейфуллин)