Бала-бақша – біздің үйіміз мектепке дейінгі сабақ

Тақырыбы: Балабақша екінші үйіміз.

Мақсаты: Балалардың балабақша туралы түсініктерін кеңейту. Тапсырмаларды дұрыс орындай білуге, ойындардың шартын түсініп ойнай білуге үйрету.Татулыққа,сыйластыққа тәрбиелеу.

Көрнекіліктер: құс,хат, ертегіге керекті заттар (сыпыртқы, жұмыртқа, сағыз, тары,шелектер,таразы,ертегі кейіпкерлерінің бетперделері),слайд,таратпа қағаздар,қаптар,геометриялық пішіндер.

Оқу іс-әрекетінің барысы:

Балаларды жылулық шеңберіне тұрғызу.

Біз қандаймыз,қандаймыз,

Шұғылалы таңдаймыз,

Күлімдеген күндейміз,

Ренжуді біз білмейміз .

Қуанамын мен де,

Қуанасың сен де .

Қуана бер достарым

Арайлап атқан күнге.

Тәрбиеші: Балалар сендер күнде таң ертең қайда келесіңдер?

Балалар:Біз балабақшаға келеміз.

Тәрбиеші:Балабақшадағы бір күніміз қалай өтеді?

Балалар:Таңғы жаттығуды орындаймыз,ойнаймыз,тамақ ішеміз,табиғатқа серуенге барамыз,ұйықтаймыз,сурет салып,санауды үйреніп, тақпақтар мен өлеңдер жаттаймыз.

Тосын сәт.Топқа құс ұшып кіреді.(Хаты бар.)

Тәрбиеші: Ой,балалар бұл не болды екен?

Балалар:құс

Тәрбиеші:Дұрыс айтасыңдар,құстың аузында не бар екен?

Балалар: хат.

Тәрбиеші:Бұл хат бізге келген сияқты иә балалар,қане бірге ашып оқиық.

(хатты ашып оқу) Сәлеметсіңдер ме сүйкімді балақайлар! Мен сендердің Білгішпен аталарың боламын.Сендер балабақшаға келгенде кіп-кішкентай балапандар едіңдер,енді міне жыл өте сендер бір жасқа үлкейдіңдер,күз кезінде мектепке барасыңдар,сол себепті мен сендер қаншалықты білімді екендеріңді тексергім келеді.Менің тапсырмаларымды орындайды деп сенемін. Сәлеммен аталарың.

Тәрбиеші: балалар,атайдың тапсырмаларын орындайсыңдар ма?

Балалар: иә

Білгішпек атайдың тапсырмаларын орындау.

1 тапсырма. Балабақша туралы қандай тақпақтар мен өлеңдер білесіңдер?

Тақпақтарды зулатып,

Би де билеп береміз,

Апай әнді бастайды,

Қосыламыз басқамыз,

Ешкім мұннан қашпайды,

Үйіміз ғой бақшамыз.

Гүлге толы бақшамыз

Біз өсеміз толамыз

Бәрімізде ертең-ақ

Үлкен жігіт боламыз.

Кішкентаймыз әлі біз,

Үлкендерге сенеміз,

Тәрбиеші апайларды,

Сыйлап жақсы көреміз.

Біздің топта ұл – қыздар

Тату –тәтті ойнаймыз.

Әлемдегі бар адамға

Тек жақсылық сыйлаймыз.

Шашымды да тарадым,

Айнаға да қарадым,

Ерте тұрдым ұйқыдан,

Мен бақшаға барамын.

Көңілдіміз күлеміз,

Сандарды біз білеміз.

Бақша біздің үйіміз

Тату-тәтті жүреміз.

Балабақша есігін,

Үшке тола ашқанбыз,

Балапандай өсіріп,

Мәпелейді бақшамыз.

Ұшағым бар ойыншық,

Ұщырмасам ұшпайды.

Айналам деп аспанды,

Шаршағанға ұқсайды.

Ойыншығым көжегім,

Қорықпайды, қашпайды.

Тәтті сәбіз ұсынсам,

Ұстай алмай тастайды.

Ойыншықтарым көп менің,

Бәрін жақсы көремін.

Кешке дейін жалықпай,

Бірге ойнап жүремін.

Ойыншығым қуыршақ,

Не берсем де жемейді.

Еркелігі соншама,

Көтермесем жүрмейді.

«Балабақша» әні (шеңберге тұрып барлығы айтады.)