Бала бақыты мен жарқын болашақ конференциясы

«Бала бақыты-жарқын болашақ» атты конференция сценарийі

Бейнеролик «Мен бақытты баламын»

Жүргізуші: Біздің өміріміздің мәні-бала, сәні-бала! Салтанаты, махабаты, мәртебесі-бала! Өйткені баланың өсуі отбасының көрмесі сияқты.

Жас өскіннің бой алып кетуі үшін оның топырағы ылғалды және құнарлы болуы керек. Ал бала жанұя жарасымдылығын көріп, ата мен ана әлдиіне тербеліп өседі. Гүлге ылғалдылық пен құнарлылық қаншалықты қажет болса, балаға да отбасы ынтымағы мен әлеуметтік жағынан қамтамасыз етілуі соншалықты қажет. Гүл қуат алатын күн шуағы мен таза ауа жеткілікті болса, ол құлпырып жайнай түседі. Қоршаған орта мен тәрбиешінің оң ықпалындағы жеке тұлға тап сондай күй кешеді.

Жүргізуші: Сәлеметсіздер ме, құрметті қонақтар, конференцияға қатысушылар! Бүгінгі өткізгелі отырған «Бала бақыты-жарқын болашақ» атты конференциямызға қош келдіңіздер! Шарамыздың шымылдығын алғашқы бейнероликпен ашсақ. Назарларыңыз экранда болсын.

(№1 бейнеролик көрсетіледі.)

Жүргізуші: Ана мен бала... Егіз ұғым. Бұл екеуі қорғауды, қолдауды қажет ететін қоғамның әлсіз бірақ ең негізгі мүшелері.ҚР Президенті, Елбасы Н.Ә.Назарбаевтың «Қазақстан 2050 стратегиясы қалыптасқан мемлекеттің жаңа саяси бағыты» атты Қазақстан халқына жолдауында аналықты және балалық шақты қорғау мемлекеттің жаңа сатыдағы әлеуметтік саясатының маңызды құрамдас бөлігі ретінде белгіленген. Ана мен баланың қауіпсіздігін қамтамасыз ету қоғамның өзекті мәселесіне айналып отыр.

Бүгінгі ұйымдастырылып отырған «Бала бақыты-жарқын болашақ» атты шарамыздың негізгі мақсаты – қатысушыларға балаларға жасалатын зорлық-зомбылық туралы түсінік беру және оның түрлерімен таныстыру, тұрмыстық зорлық-зомбылықтың алдын алу болып табылады.

Жаңа ғана бейнеролигімізде көрсетілгендей, үйдегі заңсыздыққа бойы үйренген бала басқаның да құқығын сыйламайтын, ол туралы ойланбайтын болатын және де отбасында көргенін болашақта өз тәжірибесінде іске асыруы әбден мүмкін. Бала тәрбиесінің дұрыс жолға түсуі, оны қоршаған ортаға, әсіресе отбасы мен ұстаздар қауымының парасаттылығына байланысты. Осы орайда, бала құқығын қорғауда білім беру ұйымдарының біршама функционалдық міндеттері бар. ҚР 2009 жылғы 9 желтоқсандағы №214 «Тұрмыстық зорлық-зомбылықтың профилактикасы туралы» Заңының 11-бабына сәйкес білім беру саласындағы уәкілетті орган:

Тұрмыстық зорлық-зомбылыққа ұшыраған білім алушылар мен тәрбиеленушілердің арнаулы әлеуметтік қызметтер көрсету стандарттарына сәйкес арнаулы әлеуметтік қызметтердің көрсетілуіне мұқтаждарының мониторингін жүргізуді және оларға талдау жасауды қамтамасыз етеді;

Тұрмыстық зорлық-зомбылық профилактикасы саласындағы нормативтік құқықтық актілерді әзірлеуге қатысады;

Білім беру ұйымдарының білім алушылары мен тәрбиеленушілерінің заңға мойынсынушылық мінез-құлқын қалыптастыруға бағытталған бағдарламалар мен әдістемелерді әзірлейді және білім беру ұйымдары жұмысының практикасына енгізеді.

Осы уәкілеттіктердің негізінде білім беру органдарының алдында келесі міндеттер тұр:

кәмелетке толмағандарға қатысты мектеп оқушыларымен өзге оқу орындарының оқушыларына қатысты зорлық-зомбылық жағдайларын анықтау;

қиын өмірлдік жағдайға тап болған әйелдерге, кәмелетке толмағандар мен басқа да отбасы мүшелеріне қатысты зорлық зомбылық профилактикасы;

азаматтардың, полицияның, үкіметтік және қоғамдық ұйымдардың арасында пайдалы конструктивті сұхбатты орнату;

жәбірленушілердің сәйкес ведомостволарға өтініш беру процесінің жеделдігін, ыңғайлылығы мен сапасын қамтамасыз ету;

зорлық-зомбылықтан зардап шеккен әйелдерді көмек алуға уәждеу және оларды кәсіби мекемелерге жолдау;

заңмен және ведомостваоаралық әрекеттесу туралы осы құжатпен қарастырылған жағдайларда ішкі істер органдарына әлеуметтік қорғау және /немесе денсаулық сақтау мекемелеріне хабарлау (ақпараттандыру);

зорлық-зомбылықтан зардап шеккен кәмелетке толмағандарға мектеп және өзге оқу орындарының оқушыларына көмек көрсету;

әйелдер мен кәмелеттік жасқа толмағандарға мектеп және басқа да оқу орындарының оқушыларына қарсы кемсітушілікті жоюға бағытталған ақпараттық компанияларды ұйымдастыру және өткізу.

Зорлық-зомблық дегеніміз не өзі?

Зорлық – зомбылыққа анықтама берер болсақ, бір адамның екінші адамға билік пен бақылау орнатуы және сақтауы мақсатында бір адамның әртүрлі нысандарды қолдану арқылы ықпал етуге негізделген жүріс-тұрыс жүйесі.

Зорлық - зомбылықтың негізгі 4 түрі бар:

Психологиялық зорлық-зомбылық

Күш көрсету зорлық зомбылығы

Нәпсіқұмарлық зорлық-зомбылығы

Экономикалық зорлық-зомбылық

(№2 бейнеролик. Мальчик и девочка)

Баланы үнемі немесе мерзімді түрде сөзбен қорлау, қоқан лоққы көрсету және оның жеке басының абыройын түсіру, өзі кінәлі емес заттарға қатысты айыптау, ата-аналарының немесе өзге мүшелері тарапынан жек көру және озбырлық…