Бала басты байлығымыз тәрбие тақырыбындағы ой бөлісу

«Бала - басты байлығымыз, ал ең асылымыз – оның тәрбиесі» атты тақырыпта ой бөлісу

Жоспары:

Кіріспе сөз

Ой бөлісу

Жаттығу «Отбасындағы ата – ананың бала тәрбиесіндегі жауапкершілігі мен міндеттері» туралы

Жаттығу «Ізгі тілек»

Қорытындылау

ӨТУ БАРЫСЫ

Кіріспе сөз.

Армысыздар, құрметті ата – аналар және ұстаздар! «Бала - басты байлығымыз, ал ең асылымыз – оның тәрбиесі» тақырыбында сіздермен ой бөліскім келіп отыр . Әрбір мемлекеттің болашағы, мектепте білім мен тәрбиемен шыңдалады емес пе?. Болашақта ел тізгінін ұстар азаматтар – бүгінгі мектеп оқушылары. Елбасымыз Н.Ә.Назарбаевтың «Ұлт болашағы білімді ұрпақ қолында» деп айтқан сөзі бізге жарқын болашаққа апарар жолды меңзеп тұрғандай. Шын мәнінде бүгінгі жас - ертеңгі елдің мызғымас тірегі, келешек келбеті. Сол себепті олардың білімді, бәсекеге қабілетті, жан-жақты әлеуметтенуі ел дамуындағы аса маңызды фактор болып табылатыны анық. Бала тәрбиесi – игiлiктi iс. Берерi де, сұрауы да, жемiсi де мол тәрбие саласының ең өзектiсi. Халықта «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Сондықтан баланың бойына жастайынан ізгілік, мейірімділік, яғни адамгершілік құнды қасиеттерді сіңіріп, өз-өзіне сенімділікке тәрбиелеуде отбасы мен педагогтар шешуші роль атқаратыны белгілі. Бүгінгі ұл – ертеңгі әке, ол әкеге қарап өседі.Бүгінгі қыз –ертеңгі ана,ол шешеге қарап өсіп, бой түзейді. Балаға білім,тәрбие беруде басты тұлға ұ

2.Ой бөлісу.

А.С. Макаренко өзінің «Ата – аналар» кітабында: «Тәрбие ішінде ешбір ұсақ – түйек нәрсе жоқ. Еш нәрсені ұсақ – түйек деуге, ұмытыуымызға хақымыз жоқ. Өз өмірімізде немесе балаңыздың өмірінде бір нәрсені ерекше деп бөлек алып, соған қатты зер салып, қалғандарын елемей қалдырсаңыз, қателіктің ең зоры сол болып шығады. Ұсақ – түйектер үздіксіз, күнбе – күн, сағат сайын кездесіп отырады және өмірдің өзі сол ұсақ – түйектен құралады, өмірдің бұл жағына басшылық көрсету және оны ұйымдастыру сіздің ең жауапты міндетіңіз» деген. Олай болса барлықтарыңыздың балаларыңыз мектеп оқушылары болғандықтан, сіздерге әр түрлі ситуациялық сұрақтарды шешуге тура келеді.

Ой бөлісуге арналған сұрақтар:

Балаларыңызбен сырласасыз ба? Қай тақырыпта?

Балаңызға ұрсасыз ба? Қандай жағдайда?

Егер балаңыз дегеніңізді орындамаса қалай түсіндіресіз?

Қазіргі кезеңдегі жанұядағы ата мен әже рөлінің маңызы?

Отбасының бақыты үшін не керек? (татулық, достық, бауырмалдық, сыйластық, білім , тәрбие, денсаулық, мейірімділік, салауаттылық т.б.)