Бала басты байлығымыз тақырыбы бойынша оқу материалы

Шымкент қаласы , Қаратау ауданы қазақ тілі мен әдебиет пәні мұғалімі

Илхамжанова Умида Шарифжановна

Бала - басты байлығымыз, Ал ең асылымыз – оның тәрбиесі

Жарық дүниеде ата-ананың бақыты, қуанышы мен арманы – бала сүю. Сол баланы тәрбиелеу, оны жетілдіру өте маңызды. Өйткені, баланы тәрбиелеу көне заманнан бері күні бүгінге дейін күн тәртібіндегі маңыздылығын жоймаған. Бүгінгі бала – елдің ертенгі болашағы. Келешегін ойлайтын саналы ел ертеңгі күннін бүгіннен жоспарлап, бүгіннен ойластырары хақ. Сондықтан болса керек, дана халқымыз бала тәрбиесіне еш уақытта бей-жай қарамаған.«Баланы жастан...», «Әке көрген- оқ жанар, шеше көрген,- тон пішер»деген нақыл сөздер осыны айғақтаса керек.Тәртіпті де, тәрбиелі ұрпақ өсіру – отбасылық өмірдің мақсаттарының бірі. Жалпы, бала дүниеге келген кезде пәк, болмысы таза болады. Содан кейін ата-анаға аманат етіледі. Ата-ана бұл аманатты тиісінше өз дәрежесінде орындауы тиіс. Бұл ретте, бала тәрбиесінде келешекте қай бағытты таңдайтындығына ата-ананың рөлі маңызды. Міне, ата-ана өз баласының болмысы бұзылмау үшін оларға жастайынан ақиқаты үйретуі, дұрыс жолда тәрбиелеуі керек.Балалық шақ және жас өспірімдік кезең – адам өміріндегі сенім, мінез құлық, әділдік сияқты басты ұстанымдарды қалыптыстыратын мезгіл. Тәрбиенің бесігі отбасы. Отбасының үлгі бола алуы, игі ұрпақты тәрбиелеп шығаруда басты рөл ата