Бала өмірінің қауіпсіздігі ата-ананың рөлі коучинг жоспары

Тақырыбы: «Бала өмірінің қауіпсіздігі ата-ананың рөлі»

Мақсаты: жәбірлеу мәселесі бойынша ата — аналарды ақпараттандыру және жәбірлеуді болдыртпайтын және алдын алатын мүмкіндікке әкелетін ата — ананың тәртібінің алгоритмін дайындау.

Міндеті:

· ата — анаға бала өз бала шағынан қауіпсіздік сезімімен өтуі керектігін естеріне түсіру;

· жәбірлеу туралы нақты ақпарат беру;

· ата — аналарға бала тәрбиесінде есепке алатын ескертулер ұсыну.

Кіріспе сөз

Құрметті, ата — аналар! Бала өз бала шағынан қауіпсіздік сезімімен өтуі керек. Шетел мамандары қауіпсіздіктен арылған, түрлі жәбірлеуден өткен балаларды «дамуға бейімделген» дап атайды. Мұндай қобалжулардың әсерлері қайтымсыз және өмір бойы өз септігін тигізеді. Мәселенің маңыздылығына байланысты «жәбірлеу» мен «баламен қатал болу» түсініктерінің мәнін анықтау қажет.

Ата — аналарды ІІ топқа бөліп,төмендегі сұрақтарға жауап берулерін сұраймын.

1. Бала тәрбиесіндегі қатыгездік дегенді қалай түсінеміз?

2. Балаға қатысты зорлық дегенді қалай түсінеміз?

1. Ата — аналарға тақтадағы жағдаяттарды шешу ұсынылады.

а) 7 жастағы Дамирдің ақыл ойы жақсы дамыған, агрессивті емес, жиі сұрақтар қояды,үлкендермен пікір-таласқа қабілетті. Ертегілер мен ертегі кейіпкерлеріне қызықпайды. Бала өзінң сыныптастары мен құрдастарымен қарым-қатынаста қиындық көреді, қарым-қатынас жасағысы келмейді, сюжеттік-рөлдік ойындардан бас тартады. Оның отбасында тек интелектуалдық ойындар ойналады, пікір -таластарда бала тек фактілерге сүйенеді. Ертегіні сахнада көрген кезде, ол : « Қалай жануарлар сөйлей алмайды ғой?» -Деп таң қалды. Ол баламен қалай жұмыс істеуге болады?

б) Анасы 5 жастағы Сәулені психологқа ақыл-кеңеске алып келді. Анасы психологқа « Сәуле анасын кішкентай қызға қызғана ма?» деген сұрақ қойды. Зерттеу нәтижесінде Сәуле анасын кішкентай алаға қызғанбайтынын көрсетті, бірақ өзі -өзі бағалауы жоғары. Сәуле екінші баланың туу себебінен өзіне деген аз көңіл бөлуді сезбеу үшін отбасындағы барлық адамдар оның тілектері мен еркелігін орындайды. Әр қимылы мен ісін мақтайды, жағымсыз қылықтары туралы пікірлерді тыңдамайды. Қияңқы әрі ерке болып өсіп келеді. Ол баланы қалай дұрыс тәрбиелеу керек?

в) Сіз балаңызды жазаладыңыз, бірақ ол кінәлі болмай шықты. Осындай жағдайда сіз не істер едіңіз?