Бала тәрбиесіндегі ата-ана тақырыбы бойынша материал

«Жаңғызтөбе орта мектеп-балабақша кешені»КММ

Тренинг тақырыбы: «Бала тәрбиесіндегі ата-ана»

Педагог-психолог М.Т.Мухаметкалиева

2018ж Мақсаты: Қазіргі кездегі баланың дамуына, жеке тұлға болып қалыптасуына ықпал етіп, ата-ана тәрбиесінің әдіс-тәсілдерін жетілдіре отырып, жағымды қарым-қатынас орнату.

Ұйымдастыру кезеңі. Психолог сөзі: Сәлеметсіздер ме, құрметті ата-аналар! Бүгінгі біздің «Бала тәрбиесіндегі ата-ана» атты тренинг-сабағымызға хош келдіңіздер! Ата-ананың тілегі – баласының жақсы адам болуы, еңбексүйгіштігі, оқу мен еңбектегі табыстары.

Ұлы данамыз Әл-Фараби ең бірінші білім емес, тәрбие берілуі керек, тәрбиесіз берілген білім адамзаттың қас жауы дегені бәрімізге мәлім. Адамға тәрбиені ата-ана, мектеп, қоғам береді. Бала тәрбиесіндегі басты тұлға, алғашқы ұстаз – ата-ана. Баланы жастан бақпасаң, Жамандықтан қақпасаң, Қадірден жұрдай қасқа боп, Кешкенің өмір босқа тек. – дегендей, баланың ыстық суығына күймейтін, жақсылығына сүйінбейтін ата-ана жоқ шығар. Бүгінгі ұл ертеңгі әке, ол әкеге қарап өседі. Бүгінгі қыз ертеңгі ана, ол шешеге қарап өсіп, бой түзейді. Балаға білім, тәрбие беруде басты тұлға ұстаз болса оны жалғастырушы, демеуші – ата-ана.

Бейнебаян «Ата- ананың тәрбиесіндегі қателіктер»

« Әрқашан күн сөнбесін! » жаттығуы

Тақтаға бұлт басқан күннің суреті ілінеді. Әр бұлтта жағдаяттар берілген. Соларды орындау барысында күннің көзі ашылады.

Жағдаятты сұрақтар: 1. Сіз балаңызға ұялы телефон сатып алып бердіңіз. Енді ол оны айналшақтап, тамақтанса да, теледидар алдында да, тіпті сабаққа дайындалып отырған кезде де үнемі қолынан тастамайды. Сіздің әрекетіңіз қандай болар еді?

2. Сізге мектептегі мұғалімдерден «Сіздің балаңыз басқа балаларды ұрады» деген бірнеше шағым айтылады. Тағы көрші ата-аналардан да «біздің баланы ұрды» деген сөз естуге тура келеді дейік. Не істейсіз? Балаңызды қалай тәрбиелейсіз?

3. Кейбір ата-аналардың баласының әрбір іс-әрекетіне көңілі толмай: «Сен сала алмайсың, сен істей алмайсың»,-деп айтып жататынын байқаймыз. Бала іс-әрекетіне теріс баға беруге қалай қарайсыз? Неліктен?

4. Балаңыз сабақтан қашып, мектептен ерте келді, не істейсіз? 5. Сіздің балаңыз сыныптағы жақсы оқитын оқушылардың бірі, алайда бір күні сынып жетекшісі оны үлгерімі нашарлағаны жайлы айтты, сіздің іс-әрекетіңіз?

6. Балаңыз мектепте бір мұғаліммен тіл табыса алмай жүр. Балаңызға қандай кеңес берер едіңіз?

7. Балаңыз белгілі бір пәнді ұнатпай, сабақ оқығысы келмейтінін айтты. Сіздің әрекетіңіз?

«Менің балам қандай?» ойыны