Бала тілі мәнерлеп оқу сайысына арналған 3 сынып сабақ

“ Бала тілі- бал” бастауыш сыныптар арасында мәнерлеп оқу сайысы.

Мақсаты: Оқушыларға мемлекеттік тілдің өркендеп, оянуына, мемлекеттік тілімізді сүюге, мемлекеттік тілді аяққа баспай, мәртебесін биік ұстау жөнінде, әр ұлттың өзіндік ерекшеліктері, салт-дәстүрі, діні, тіл ерекшелігі болатынын түсіндіру. Оқушылардың ой- өрісін, дүниетанымын кеңейту, сөздік қорын молайту, жұрт алдында еркін ауыз екі сөйлеуге баулу.

1-жүргізуші: Тілім менің қайыршы емес қаңғыбас, Тілім тұлпар – қуған желге шалдырмас. Кенже ұлдай үлкен үйге мұрагер Жер иесі – менің тілім мәңгі жас.

2-жүргізуші: Әуезов, Абайды өткен дәріс тілі, Тіл қатқан Тоқтар, Талғат ғарыш тілі. Қанша Заң қабылдаймыз, жетер енді, Естілсін мемлекеттік әр істе үні!

1-жүргізуші: Құрметті ұстаздар мен оқушылар, бүгінгі «Бала тілі - бал» атты мәнерлеп оқу сайысына қош келдіңіздер.

2-жүргізуші: Қазақ осы ағыл-тегіл көл- көсір, Қазақ осы « Өнер алды- тіл дейтін», Қазақ осы қарасыңба, ақсыңба, Қоңырсыңба жатырқауды білмейтін,- деп ақын атамыз Қадыр Мырзалиев айтқандай, ұлы қазақ даласында 130- дан астам ұлт өкілдері татулықта, сыйластықта өмір сүріп жатыр. Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезіну қажет. Осындай мақсатпен мектебімізде 1-4 сыныптар арасында осы сайыс ұйымдастырылып отыр.

1-жүргізуші: Тіл мәселесі – ежелден қашан да өткір, өзекті мәселе. Халқымыздың өз ұрпағын өз тілінде сөйлетудің өзі арман болғанын көріп, өз келешегін өзі шындап уайымдай бастады. Тілді елдік ұранға айналдыра келген ерекше ғасыр сол мәселені қайтадан күн тәртібіне қойып, 22-қыркүйекті – Қазақстан халықтарының Тілдері мерекесі деп жариялады. Тарих бетіне қалдырды.Ендігі жерде тілімізді сақтап

қалудағы жеңісіміз, еліміз бен елдігімізді, жерімізді сақтап қалудағы жеңісімізбен жалғасты.

2-жүргізуші: Қазақстан Республикасы Тәуелсіздік алғаннан бастап, осы бір атаулы – Қазақстан Республикасы халықтарының Тілдері күнін жыл сайын мерекелеу назардан тыс қалған емес. Күнтізбемізде атаулы, айшықты мерекелер көп. Алайда ,Адамзат қоғамынан Тіліміз еншілеген күн-22 қыркүйек. Бұл – біздің атымызды асқақтатып, айбынымызды көтерген төл мерекеміз.

1-жүргізуші: Туған тілім қазынам,алтын кенім, Жаңа алыпқа өзіңді алып келдім. Қош келдің туған өлке,бесігіңе, Қасиетті бабамның тілі менің. Сайысымыз әділ болу үшін әділқазы алқаларымен таныстырып өтейік. Қазақ тілі мен әдебиеті пәні мұғалімі Бекей Жанбота Қазақ тілі мен әдебиеті пәні мұғалімі Санакова Анар Жомартқызы 2-жүргізуші: Ортаға сайысқа қатысушыларды шақырамын. 1. 1 “А”сынып оқушысы Төленді Дария 2.1 “А” сынып оқушысы Қайролла Ерхат 3. 1 “А” сынып оқушысы Мақсұтбек Шуақ 4. 1 “А” сынып оқушысы Мұхаметбек Кәусар 5. 1 “А” сынып оқушысы Серикова Дарина 6. 2 “А” сынып оқушысы Калакова Жанар 7. 2 “А” сынып оқушысы Калаков Бақдәулет 8. 2 “А” сынып оқушысы Сәрсенбаев Елдос 9. 3 “А” сынып оқушысы Төленді Ерасыл 10.3 “А” сынып оқушысы Сирамхан Айбек 11. 4 “А” сынып оқушысы Қабылтай Ботагөз

1 –жүргізуші: Елім деген мына отырған халықты, Талай жастар тәлім алып,мән ұқты - деп жырлаған Ерейментаулық ақын,суретші,аудандық мәдениетті және тілдерді дамыту бөлімінің басшысы Жылқыбаев Сайлау Қабыкенұлы,1958 жылы Ақмола облысы,Ерейментау ауданы,Бозтал ауылында туған. Абай атындағы Қазақтың мемлекеттік педагогика институтының көркемсурет – графика факультетін бітіріп,көп жылдар ауылда ұстаздық қызмет еткен.2003 жылы “Ауылдың