Балабақша туралы ашық оқу қызметінің жоспары

Бекітемін:____________ Күні: 1 – 3 қыркүйек, 2021 жыл

Тобы:Болашақ, Алпамыс, Ертөстік

Ортаңғы топтағы ұйымдастырылған оқу қызметінің

технологиялық картасы

Білім беру саласы: шығармашылық

Тақырыбы: Балабақша

Мақсаты: Түрлі бағытта түзу сызықтарды олардың қиылысуын жүргізе білуді үйрету, балабақша ауласындағы жолды ондағы гүлзардың суретін салу

Қолданылатын көрнекі құралдар: сурет салуға арналған ақ қағаз, түрлі-түсті майлы қарындаштар

Іс- әрекет кезеңдері

Педагогтың іс- әрекеті

Балалардың іс- әрекеті

Мотивациялық- қозғаушылық

Тәрбиеші балалардың назарын өзіне аударады. Ертегі айтып береді. Қазір мен сендерге ертегі айтып беремін. Ерте, ерте, ертеде...бір қорап өмір сүріпті.Ол, міне, мынадай екен (қорапты көрсетеді). Сыртқы қандай әдемі безендірілген (сыртқы суреттеріне тоқталып өтеді де, )оның ішінде не бар екен?

Ертегіні тыңдайды.

Өздерінің көңіл күйлерін білдіреді.

Ұйымдастырушылық ізденістік

(Қорапты қозғалтып, ішіндегі қарындаштарды тықырлатады.) Тыңдап көріңдерші, бұл қорап ерекше, сиқырлы қорап болды.

Өйткені, ішіндегі таяқшалар да сиқырлы көрінеді. Кәне, ашып көрейік, -деп майлы қарындаштарды жартылай ашып көрсетіп, -бұл таяқшалардың түстері де сан алуан екен. (Қызыл және қара түсті қарындаштарды алып, балалардан олардың қандай түсті екенін сұрайды.)

Қарындаштар көңілді би билей алады. (қағаз бетіне жоғарыдан төмен қарай бірнеше түзу сызықтар жүргізеді.)

Қандай әдемі түстер. Мынау қандай қарындаштың ізі, кім айтады?

Қызыл, көк, қара сызықтарды сызғанда қолды батыл, үзіліс жасамай жүргізіп көрсетіп, балалардың қол, саусақ қимылдарын жетілдіруге көңіл аударады. Қарындашты қалай ұстау керектігін көрсетіп, 2-3 рет ауада сызық жүргізеді.

Осы сызықтарды енді алдарындағы ақ қағазға түсіріп көріңдер.

Қағаздарды тәрбиеші жинап алады да, қарындашпен салынған суреттерді балаларға көрсетіп, әрқайсысын бағалап әңгімелейді.

«Өз түсіңді тап!» ойынын ұйымдастырады.

Қораптағы дыбысты тыңдайды.

Балалар түстерін айтады.

Ол – қағаз. Түсі- ақ

Ауада 2-3 рет саусақтарымен сызықтар жүргізеді.

Әр бала өзінің қарындашының қандай із түсіргенін түсіндіріп айтады.

Сызықтарды батыл, дұрыс, түзу сыза білуге жаттығады, бірнеше рет сызықтар жүргізеді.

Рефлексиялық – түзетушілік

Балалар жұмысқа кіріскенде аралап, іс-әрекетіне басшылық жасап, бағыт беріп, жұмыстарын мадақтап, сабақты аяқтайды

Балалар бір-бірінің жұмыстарын қарап, өздерінің еңбектеріне назар аударады.

Күтілетін нәтиже: