Жыл құстары туралы оқу қызметінің сабақ жоспары

Бекітемін: Күні: 4 – 8 қазан, 2021 жыл

Тобы: Ақкөгершін, Бәйтерек, Ақсұңқар

Ересек топтағы ұйымдастырылған оқу қызметінің

технологиялық картасы

Білім беру саласы: Шығармашылық

Ұйымдастырылған оқу қызмет түрі: Сурет

Тақырыбы: Жыл құстары

Мақсаты: Балалардың құстар туралы түсініктерін кеңейту, құстардың үнін, қимыл қозғалысын бейнелеп дене бөліктерін ажырата білуге үйрету. Сурет салуға деген қызығушылықтарын арттыру. Құстарға қамқорлық жасап, қорғай білуге тәрбиелеу.

Қолданылатын көрнекі құралдар: Демонстрациялық материалдар, сурет дәптері, субояқ, қылқалам.

Сөздік жұмыс: құстар, қамқорлық.

Қызмет кезеңдері

Педагогтың қызметі

Балалардың қызметі

Мотивациялық- қозғаушылық

Сәлеметсіздер ме, балалар!

Шаттық шеңбері

Достарды біз қолдаймыз,

Қиын шақта қорғаймыз.

Біздің топта ұл қыздар,

Тату тәтті ойнаймыз.

Қазір жылдың қай мезгілі?

Қандай құстарды білесіңдер?

Балаларға көктемгі құстардың сайраған дыбысын тыңдату. Құстардың жылы жақтан келуі, балалардың құстарға арнап ұя жасап жатқан суреттерін көрсете отырып, көктемдегі құстардың тіршілігі туралы әңгімелеу.

Балалар құстар қалай ұшады?

Құстар қалай дыбыстайды?

Балаларға құстардың қалай ұшатынын, дыбысын қимыл қозғалысын көрсету. Құстарды қорғап қамқор болу керектігін түсіндіру. Құстардың ұясын бұзуға, жұмыртқасын жаруға болмайды. Көктемде құстарға ұя жасап беруіміз керек. Құстарды таспен атуға , балапандарын өлтіруге болмайды.

Сәлеметсіз бе!

Балалар шеңбер құрып қол ұстасып тұрады.

Көктем мезгілі.

Балалар өздері білетін құстарды айтады.

Құстардың сайраған дыбыстарын естігендерін айтады

Суретке қарап өздеріне таныс құстарды атайды.

Құстардың қанат жайып ұшуын, жем шоқып жеуін, торғай сияқты секеңдеп жүруін қимылмен көрсетеді.

Құстар, торғай сөздерін қайталап айтады.

Ұйымдастырушылық ізденістік

Альбоммен жұмыс.

Балаларды құстардың дене бөліктерімен таныстыру: басы, денесі, қанаттары, құйрығы, аяғы.(сызбадан көрсету)

Балаларға құстардың бейнесін салуды ұсыну. Дайын сурет үлгісі бойынша құстардың денесі сопақша, дөңгелекке, тұмсығы, қанаттары, құйрығы үшбұрышқа ұқсайтындығын түсіндіру. Торғайдың бейнесін ауада салып көрсету. Балаларға дайын торғайдың суреті салынған дәптерді тарату. Дәптердегі торғайдың суретін бояуды тапсыру. Бояу қарындашпен тегіс, біркелкі бояу тәсілін көрсету.

Сергіту сәті.

Торғай болып ұшайық,

Ұшып ұшып алайық.

Бүркіт болып аң аулап,

Қыран құс боп самғайық.

Балалар құстардың дене бөліктерін атайды.

Балалар суретке қарап құстардың дене бітімін сипаттап айтады.