Құстар туралы мектепке дейінгі ашық оқу қызметі

Тәрбиеші:Сисенгалиева Нурганым Толяевна.

Күні: 24.12.2018

Кіріктірілген білім беру саласы: «Таным» , «Шығармашылық»

Ұйымдастырылған оқу қызметі: Жаратылыстану, мүсіндеу.

Тақырыбы: «Қанатты достар» «Құстарға жем шашайық» Мақсаты: Балаларға қыстап қалған құстардың тіршілігі туралы түсінік беру, оның ішінде торғаймен жақынырақ таныстыру, немен қоректенетіні туралы білімдерін кеңейту.Сары түсті ермексазды алақан арасына салып дөңгелек пішінді мүсіндей білуге үйрету.

Дамытушылығы: Құстар туралы ой-өрістерін, танымдық қабілеттерін, тілдерін дамыту.

Тәрбиелігі: Құстарды қорғауға, қамқор болуға тәрбиелеу.

Әдіс-тәсілдері:Сын тұрғысынан ойлау технологиясы,түсіндіру, көрсету, сұрақ-жауап, ой-қозғау.

Көрнекілігі: Слайд,Торғай.

Жүру барысы:

-Балалар, бүгін ерекше күн. Біздің оқу қызметімізге қатысуға қонақтар келіп отыр.Олай болса, қонақтармен сәлемдесейік.

Шаттық шеңбер.

Арайлап таң атты,

Алтын сәуле таратты.

Жарқырайды күніміз,

Жарқырайды даламыз.

Қайырлы таң апайлар.

-Балалар, қазір жылдың қай мезгілі?

-Қыс мазгілінде қандай ерекшеліктер болады ?

-Қар жауады, адамдар жылы киінеді, күн суытады.

-Дұрыс айтасыңдар.

Үнтаспадан құстардың дауыстарын тыңдату.

-Балалар сендер ненің дауысын естіп тұрсыңдар?

-Бұл құстардың дауысы екен.

Ғажайып сәт: Есік қағылып Дымбілмес келеді.

Дымбілмес: - Сәлеметсіңдер ме, балалар! Мен сендерге қызық көрсетейін деп келдім. (тордағы торғайды көрсетеді) Міне – торғай, жаңа ғана ұстап алдым. Ой, балалар сендерге қызық емес пе не?

Дымбілмес сен құстарды ұстауға болмайтынын білмейсің бе? Қыстайтын құстарға тиіспей, оларға қамқор болу керек. Сенің қыстайтын құстар туралы білгің келе ме? Онда балалармен бірге отырып тыңда. -Балалар жылы жаққа ұшпайтын, суыққа төзімді құстарды қыстап қалған құстар деп атаймыз. Құстар біздің досымыз. Құстардың табиғатқа пайдасы өте зор. Құстар зиянкес жәндікермен қоректенеді.Құстардың қысқа қарай қауырсындарының астындағы мамық жүндері қалыңдайды, сондықтан олар суықта тоңбайды, төзімді болады.Құстарға тас лақтыруға, ұясын бұзуға болмайды. Қыстап қалған құстарға қарға, көгершін, торғай жатады.Солардың бірі- торғаймен жақынырақ танысамыз.

Торғай– ағаш қуыстарында. үй – жайларды мекендейді.Денесі сопақша, басы дөңгелек, тұмсығы үшбұрышты, қанаты ұзын, сұрғылт боз түсті болып келеді. Бұталардың дәнімен, қоректенеді. Қар бетіне түскен қалдықты теріп жейді.