Балабақшадағы тәрбиелеу процесі циклограммасы

ТӘРБИЕЛЕУ-БІЛІМ БЕРУ ПРОЦЕСІНІҢ ЦИКЛОГРАММАСЫ

Білім беру ұйымы (балабақша/ шағын орталық, мектепалды сыныбы)

Топ/сынып

Ортаңғы топ

Тобы, топтың реттік саны, атауы

Балалардың жасы

3 жасар балалар

Педагогтің аты-жөні

Жоспардың құрылу кезеңі (апта күндерін, айды, жылды көрсету)

28.11-02.12.2022ж.

Апта күндері

Дүйсенбі

Сейсенбі

Сәрсенбі

Бейсенбі

Жұма

Күн тәртібі

Балаларды қабылдау

Таңғы сүзгі: балалардың терісін, дене қызуын, сыртқы келбетін тексеру. Балаларды жақсы көңіл күймен қарсы алу және оларға қолайлы жағдай жасау. Баланың көңіл күйін, оның жеке пікірін, қызығушылығын анықтау. (сөйлеуді дамыту)

Ата-аналармен әңгімелесу, кеңес беру

Әңгімелесу. Баланың балабақшадағы тәртібі жайлы ақпарат беру; ата-аналарды мазалап жүрген сұрақтарына жауап беру.

Балалардың дербес әрекеті (баяу қимылды ойындар, үстел үсті ойындары, бейнелеу әрекеті, кітаптар қарау және тағы басқа әрекеттер)

"Еңбекке баулу"

Мақсат-міндеттері. Балалардың белгіленген рет бойынша киінуі, шешіну дағдыларын меңгеруге бәтеңкесінің бауын байлау, түймелерін түймелеу, киімдерін іліп немесе ұқыпты түрде бүктеп қоюға, үлкендердің көмегімен киімін дер кезінде ретке келтіру, тазалау, кептіру тағы басқа іскерліктерін жетілдіру.

"Еңбекке баулу"

Мақсат-міндеттері. Балалардың балабақшадағы ойын бұрышындағы кезекшілік атқару іскерліктерін жетілдіру.

"Еңбекке баулу"

Мақсат-міндеттері. Балабақшадағы арнайы жабдықтарды дұрыс пайдалану, қадірлеу, қайта орнына қою, бір-біріне көмек көрсетуге тәрбиелеу.

"Еңбекке баулу"

Мақсат-міндеттері. Балаларды тамақ ішкенде табақша, қасықтарды қою, ішіп болғанда ыдыстарды жинасуға ынталандыру.

"Еңбекке баулу"

Мақсат-міндеттері. Ұйымдастырылған іс-әрекет кезінде оқу құралдарын тарату және орнына жинауға ынталандыру.

"Туыңды тап" дидактикалық ойыны.

Педагог:

– Балалар, қазір біз "Туыңды тап" дидактикалық ойынын ойнаймыз.

– Ойынның шартын айтайын. Тақтадан көптеген мемлекеттің тулары көрсетіледі. Сендер еліміздің туын көрген кезде "Қазақстан" деп айтасыңдар. Еліміздің туы қанша рет қайталанса, сендер сонша рет "Қазақстан" деп айтасыңдар.

Педагог балалармен бірге ойынды қадағалап отырады, соңында жақсы ойнаған балаларға жалауша бейнеленген таңбалауыштар үлестіріледі.

(сөйлеуді дамыту)

"Не артық?" дамытушылық ойыны.

Мақсат-міндеттері. Балаларды заттарды шарттарда берілген белгілер бойынша жіктеуге машықтандыру; ойлау қабілеттерін дамыту.

Құралдары: түрлі заттар мен ойыншықтар немесе заттық сурет-карточкалар.

Педагог түрлі заттарды немесе суреттерді төртеуден тізбекке қояды немесе салады. Әрбір төрт зат немесе суреттің арасында біреуі артық болып саналады.

Артықты табу үшін балалар төрттің арасынан бәріне ортақ қасиеті жоқты іздеп атайды.

(сөйлеуді дамыту, қазақ тілі, танымдық дағдылар)

"Не өзгерді?" дидактикалық ойыны.

Мақсат-міндеттері. Көру арқылы ойлау қабілеттерін арттыру.

(сөйлеуді дамыту)

"Лото "Жануарлар" үстел ойыны.

Мақсат-міндеттері. Үй жануарлары мен жабайы жануарларды топтастыруды және жалпы атауларын атауды үйрету; зейінді, байқауды дамыту.

Балалар берілген суреттерді топтастырады: үй жануарлары мен жабайы жануарлардың суреттері бойынша.

(сөйлеуді дамыту, қазақ тілі, танымдық дағдылар)

Саусақ жаттығуын айтқызу.

Ақшақарлар қалықтап (алақандарды ашу, саусақтарды көрсету)

Ұшып барады, асықпай. (саусақтармен кезек-кезек жыбырлату)

Айналып, оңға ұшып, (қолдарымен бір жаққа бұраңдау)

Айналып, солға ұшып, (қолдарымен екінші жаққа бұраңдау)

Мамықтай жерге түсіп, (алақандарымен жоғары бұлғап, төмен қарай түсіру)

Тыныш жатыр, бізді күтіп. (алақандарды үстел басына, тізеге салу)

(сөйлеуді дамыту)

"Домино", "Лото" үстел үсті ойындары.

Мақсат-міндеттері. Ойлау қабілеттерін дамыту, ұқыптылық пен бастаған істі соңына дейін жеткізу дағдысын қалыптастыру. (танымдық дағдылар, сөйлеуді дамыту, қазақ тілі)

"Бұл қай мезгілде болады?" дидактикалық ойыны.

Мақсат-міндеттері. Балаларға жыл мезгілдерін белгілеріне қарай атауды үйрету; ойлауды, есте сақтауды, зейінді дамыту.

Барысы: педагог балаларға жыл мезгілдері туралы жұмбақтар айтады, балалар жұмбақтың шешімін тауып, суреттерден сәйкес мезгілдерді тауып тақтаға іледі. (сөйлеуді дамыту, қоршаған ортамен танысу)

Саусақ жаттығуы.

Мақсат-міндеттері. Көркем сөзді мәнерлеп айтуға дағдыландыру; қолдың ұсақ моторикасын дамыту.

Мұзафар Әлімбаев "Он саусақ".

Жалғыз саусақ тіпті де, (сұқ саусақты ашамыз, қайта жұмамыз)

Ұстай алмас жіпті де.

Екі саусақ бірікті, (бас бармақ пен сұқ саусақты қосамыз)

Ине қолға ілікті.

Үш саусағым орамды, (бас бармақ пен сұқ саусақты және ортаңғыны қосып қимыл жасаймыз)

Жүгіртеді қаламды.

Өнерлі екен он саусақ! (он саусақты көрсетеміз)

Қала салсақ, жол салсақ. (қолымызды алға қарай созамыз)

(сөйлеуді дамыту)

Санамақтар айтқызу.

"Жеті ұл".

Сәл демалып, тынып ал.

Тақпақ тыңдап, ұғып ал.

Апта деген ағайдың

Жеті бірдей ұлы бар:

Біріншісі - Дүйсенбі,

Екіншісі - Сейсенбі,

Үшіншісі - Сәрсенбі,

Төртіншісі - Бейсенбі,

Жұма деген - Бесінші ұл,

Алтыншы ұл - Сенбі,

Жетіншісі - Жексенбі.

(сөйлеуді дамыту)

"Не (кім), қалай қимылдайды?" дамытушылық ойыны.

Мақсат-міндеттері. Балаларды жан-жануарлардың суретін көріп, қалай қимылдайтындарын айтуға машықтандыру; байланыстырып сөйлеуді жетілдіру, сөздік қорларын дамыту.

Құралдары: жан-жануарлардың суреттері.

Мысалы.

Ат - шабады, жүреді, желіп жүреді, жортады, жатады, аяңдайды, секіреді.

Құрт - жорғалайды, жатады.

Көбелек - ұшады, қонады, жүреді, отырады.

Балық - жүзеді, тыныс алады, құйрығымен қозғалтады.

Қасқыр - жүреді, жүгіреді, күтіп жатады, отырады, секіреді.

Шегіртке - отырады, секіреді, ұшады, жорғалайды, сүйрейді.

Бүркіт - ұшады, қалқиды, қонады, отырады, жүгіреді.

Адам - тұрады, жатады, отырады, жүгіреді, секіреді, билейді, еңкейеді, шалқаяды, әндетеді.

(сөйлеуді дамыту, қоршаған ортамен танысу)

Таңертеңгі жаттығу

Жалпы дамыту жаттығулары (жалаушалармен).

1. Бастапқы қалып: аяқ алшақ, дене тік, қол төменде.

1.1. Балалар жалауларын оң жаққа сермеп, "Желбіре!" деген сөзді айтады.

1.2. Бастапқы қалып.

1.3. Балалар жалауларын сол жаққа сермеп, "Желбіре!" деген сөзді айтады.

1.2. Бастапқы қалып.

1.4. Бастапқы қалып (жаттығу 4-5 рет қайталанады).

2. Бастапқы қалып: аяқ арасы алшақ, дене тік, қол төменде.

2.1. Қолдарын жоғары көтеріп, жалауды сермеп "Жаса!" деген сөзді айтады.

2.2. Бастапқы қалып (жаттығу 4 рет қайталанады).

3. Бастапқы қалып: жерде отырады, аяқ арасы алшақ, жалаулар тізе үстінде.

3.1. Жерге шалқасынан жатып, жалауды жоғары желбіретіп "Тербе!" деген сөзді айтады.

3.2. Бастапқы қалып (жаттығу 3 рет қайталанады).

4. Бастапқы қалып: аяқты бірге ұстау, дене бос, қол төменде.

4.1. Жалауды көкірек тұсында ұстап, бір орында тұрып секіру.

4.2. Бастапқы қалып (жаттығу 3 рет қайталанады). (мәдени-гигиеналық дағдылар, дербес әрекет, дене шынықтыру)

Таңғы ас

Тамақтану мәдениетін қалыптастыру: қасықты дұрыс ұстау, сорпаны төкпеу, нанды үгітпеу, майлықты дұрыс қолдану, тамақ ішкенде сөйлемеу. (сөйлеуді дамыту, көркем сөз, мәдени-гигиеналық дағдылар)

Мақсат-міндеттері. Өзін-өзі күту, тамақтану, мәдениетті қарым-қатынас негіздерін дамыту.

Асты шашпай, төкпей іш,

Сораптамай, баппен іш.

Келген асты алдыңа

Тауысып іш, қалдырма.

Тәрбиеші балалардың үстел үстінде дұрыс отыруларын қадағалайды.

Ұйымдастырылған іс-әрекетке дайындық

"Аққала жасайық" дидактикалық ойыны.

Мақсат-міндеттері. Зейінді, кеңістікті бейнелеуді дамыту; сөйлеуді жетілдіру.

Барысы: әр баланың алдында әртүрлі көлемдегі 3 шеңбер таратылады. (үлкен, орта және кіші). Балалар олардан үлгі немесе өз ойлары бойынша аққала жасайды. Олар қандай бөлшектердің жетіспейтінін айтады және сипаттайды. (сөйлеуді дамыту)

"Керісінше" дидактикалық ойыны.

Мақсат-міндеттері. Танымдық қабілеттерін дамыту.

Барысы: педагог логикалық жағынан қате сөйлемді айтады, балалар сөйлемнің дұрыс немесе бұрыстығын табады. Мысалы, "Қардың түсі қара ("Жоқ, қардың түсі ақ"), "Аққала ыстық" ("Жоқ, аққала суық"), "Аю орманда жүр" ("Жоқ, аю апанда ұйықтайды"). (танымдық дағдылар, сөйлеуді дамыту)

"Қыста не болады?" дидактикалық ойыны.

Мақсат-міндеттері. Қыстың белгілері туралы ойларын дамыту.

Барысы: ойын "Жыл мезгілдері" үстел ойыны арқылы ойналады. Балалар қыста бейнеленген үлкен суреттерге жылдың осы уақытының белгілері бар кішкентай суреттерді алады.

(сөйлеуді дамыту)

Балаларға эмоционалды жағымды көңіл күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Қуанамын мен де, қуанасың сен де.

Қуанайық достарым, арайлап

атқан күнге.

Бүгінгі күніміз сәтті өтсін.

Бәріңе сәттілік тілеймін! (сөйлеуді дамыту, әлеуметтік-эмоционалды дағдылар)

"Бұл қай мезгілде болады?" дидактикалық ойыны.

Мақсат-міндеттері. Балаларға жыл мезгілдерін белгілеріне қарай атауды үйрету; ойлауды, есте сақтауды, зейінді дамыту.

Барысы: педагог балаларға жыл мезгілдері туралы жұмбақтар айтады, балалар жұмбақтың шешімін тауып, суреттерден сәйкес мезгілдерді тауып, тақтаға қатармен іледі.

(сөйлеуді дамыту)

Білім беру ұйымының кестесі

бойынша ұйымдастырылған іс-әрекет

Дене шынықтыру

"Ұйқыдағы аю".

Мақсат-міндеттері. Балаларды бірінің артынан бірі арақашықтық сақтап, бағытты өзгертіп, саппен жүгіруді үйрету; сапқа өз еріктерімен тұру қабілетін жетілдіру; таяқ астынан тізе мен саусақты жерге тіреп, төрттағандап еңбектеу қабілетін дамыту.

"Аю қалай жүгіреді?" қимылды ойыны.

Мақсат-міндеттері. Белгіленген межеге дейін бірінің артынан бірі арақашықтықты сақтап, бағытты өзгертіп, саппен жүгіруді үйрету.

Дене шынықтыру

"Қорбаңдаған аю".

Мақсат-міндеттері. Балаларды бірінің артынан бірі арақашықтық сақтап, бағытты өзгертіп, саппен жүгіру дағдыларын дамыту; таяқ астынан тізе мен саусақты жерге тіреп, төрттағандап еңбектеу қабілетін жетілдіру; балалардың бір бағытта бір-бірімен соқтығыспай жүру және жүгіру қабілеттерін бекіту.

"Қорбаңдаған аю" қимылды ойыны.

Мақсат-міндеттері. Балалардың бір бағытта бір-бірімен соқтығыспай жүру және жүгіру қабілеттерін бекіту.

Музыка

"Қыс қызығы".

Мақсат-міндеттері. Балалардың басқа ұлт өкілдерінің әніне қызығушылығын арттыру; әннің мазмұнын әуен арқылы эмоционалды қабылдауды үйрету; музыкалық жетекшімен бірге ән айту қабілетін жетілдіру; әннің ырғақты әуенін сезіне білу қабілетін дамыту; тыныс алу жаттығуларын орындау кезінде дұрыс тыныс алу дағдысын үйрету; музыкадағы контрастық бөлімдерді ажырата білуді үйрету.

"Аю" ойыны.

Мақсат-міндеттері. Қыс қызығына жататын суреттерді табуды үйрету.

Дене шынықтыру

"Бағытты өзгертіп жүгіреміз".

Мақсат-міндеттері. Балаларда сапта бір-бірлеп, бірінің артынан бірі, аяқтың ұшымен, аяқ-қол қимылдарын үйлестіру; таяқ астынан тізе мен саусақты жерге тіреп, төрттағандап еңбектеу қабілетін пысықтау.

"Белгіні тыңда" қимылды ойыны.

Мақсат-міндеттері. Жүрудің әртүрлі түрлерін жаттықтыру.

Қазақ тілі "Қыс қызығы".

Мақсат-міндеттері. Қыс мезгілініне тән белгілерді, ойын-сауық атауларын қазақ тілінде жалпылау және жүйелеу, қыс мезгілі туралы білімдерін кеңейту; сұрақтарға дұрыс жауап беру керектігін үйретуді жалғастыру.

"Қалың қардың астында не жатыр?" дидактикалық ойыны.

Мақсат-міндеттері. Көру арқылы затты қабылдауын дамытып, сөздік қорын белсендіру.

2- таңғы ас

Балаларға тамақ ішер алдында қолды жуу, тамақтану кезінде дұрыс отыруларын қадағалау, ескерту жасау; орындыққа сүйенбей, шынтақты дұрыс қойып отыруларын қатаң қадағалау; тамақ ішер алдында балалардың бір-біріне астың дәмді болуын тілеп; тамақтан соң алғыс айту. (мәдени-гигиеналық дағдылар, дербес әрекет)

Серуенге дайындық

Балаларды серуенге ынталандыру; серуенге ойын жабдықтарын іріктеу; балалармен жеке әңгімелесулер; шалбарын, бас киімі мен бәтеңкесін реттілікпен киюін қадағалау. (мәдени-гигиеналық дағдылар, дербес әрекет)

Серуен

Кішкентай балаларды бақылау. (қоршаған ортамен танысу, сөйлеуді дамыту, көркем сөз)

Мақсат-міндеттері. Балалардың жазда қалай киінетіндеріне назар аудару: жеңіл көйлектер, шолақ шалбар, бас киімдер – орамалдар, жеңіл қалпақтар (күннің көзі басты қыздырмас үшін), жазғы киімдер ашық түсті болуға тиіс екеніне көңіл аудару. Балалар арасында достық қарым-қатынасты қалыптастыру. Ізгілік және қамқорлық сезімін тәрбиелеу.

Тақпақ.

Ермек Өтетілеуұлы "Іні".

"Бір ісіме қапа ма?" -

Деп қарайды апама

Сипаттырып басынан

Еркелейді атама.

"Жұппен жарыса жүгіру" қимыл-қозғалыс ойыны. (дене шынықтыру)

Мақсат-міндеттері. Балаларды белгі бойынша қол ұстасып, жұппен жарыса жүгіруге дағдыландыру; күнделікті белсенді қозғалыс қызметінің қажеттілігін қалыптастыру.

Еңбек әрекеті: ойыншықтарды жөндеу.