Балабақшадағы жаңартылған білім мазмұнына арналған семинар

Педагогикалық семинар

Педагогикалық семинар тақырыбы: «Жаңартылған білім беру мазмұны балабақшада»

Күні: 12.12.2023ж

Ұйымдастырушы: Балабақша әдіскері Г.И Шакенова

Жоспары

Шаттық шеңбер

«Жаңартылған білім беру мазмұны балабақшада» теориялық түсінік

«Аяқталмаған сөйлем»

1 Қазіргі ғылым мен техниканың дaмыған заманында балалардың білім деңгейін тереңдету, ғылыми тұрғыда дамыту, өз бетімен жұмыс істеуге дағдыландыру, ойлау қабілетін дамыту, сөйлеу шеберліктерін арттыру, өз беттерімен ізденушіліктерін білу мақсатында жаңа технология әдістерін тиімді пайдалану ұстаз шеберлігінің белгісі.

Заманына қара бала тәрбие деп бекер айтпаған. Сондықтан бүгінгі педагогикалық семинарды заманауи әліс арқылы бастағым келіп тұр. Барлық педагог мамандар ортаға шықсаңыздар бір бірлеріңізге қарама қарсы тұрып нұсқаушының көмегі арқылы дене мүшелеріңізді көрсетіп тұрасыздар кез келген интернет желісін айтқанда сол желіні бірінші болып қағып алу керексіздер. (топқа бөліну)

«Жаңартылған білім беру мазмұны балабақшада» теориялық түсінік беру.

Білім беру жүйесінде заманға сай талаптар күнделікті жиі өзгерістерін енгізуде. Сол себепті де бүгінгі білім берудің мәні күрделі, тұрақсыз, тез өзгеретін әлемде өз орнын таба білетін және өзіндік дара жолын сала алатын, ішкі тұжырымымен тұлғалық қасиеттері мен қабілеттеріне сай дағдылары дамыған тұлғаны қалыптастыруды қажет ету педагогтар мен отбасының рөлін жетекші орынға шығарып отыр. Заман ағымынан қалмай, заманауи жаңалықтармен етене бірлікте даму үшін ең алдымен баланың дене, зияткерлік және эмоциялық қажеттіліктерін қанағаттандыру, оның әлеуметтік дамуын қамтамасыз ету, тиісті мінез-құлықты қалыптастыру болып табылады. Әрине бұл тұста мектепке дейінгі тәрбие мен оқыту мәселесі өзекті. Қазақ ұяда не көрсе, ұшқанда соны іледі деп бекер айтпаған. Демек бала тәрбиесі болашағы белгісіз, жылдам өзгермелі өмірге даярлауды мектепке дейінгі ұйымдардан бастау керек екенін талап ету талассыз секілді. Себебі, мектепке дейінгі тәрбиемен оқыту бұл үздіксіз білім беру жүйесінің алғашқы сатысы.

Еліміздің болашағы бүгінгі біздің бүлдіршіндеріміз екені ақиқат. Демек мектепке дейінгі тәрбие мен оқытудың сапалы болуына ертеңгі еліміздің болашағы тәуелді. Осы тұрғыда еліміздегі білім беру саласында болып жатқан реформалар мектепке дейінгі тәрбие мен оқыту саласын қамтамасыз ете отырып қамтитындығы сөзсіз.

Әр баланың қызығушылықтарын, ерекшеліктері мен қажеттіліктерін ескере отырып, жалпы адами және ұлттық құндылықтар негізінде оларды толыққанды дамыту мен әлеуетін ашу болып табылады. Мектеп жасына дейінгі балаларды тәрбиелеу мен оқыту үшін жайлы және қауіпсіз білім беру жағдайларын жасаудамыз, баланың даралығы мен субъективтілігін қолдауға бағытталған дамытушы заттық- кеңістіктік ортаны, оның ішінде арнайы орталар құрылған. Олардың жас ерекшеліктеріне сәйкес біліктері мен дағдыларын қалыптастырып, балалардың физикалық дамуы, коммуникативтік, танымдық, зияткерлік, шығармашылық дағдыларын, зерттеушілік қабілеттерін дамыту, әлеуметтік- эмоционалдық дағдыларын қалыптастыру,…