Балабақшаға арналған жақсы көңіл-күй туралы мақала

Тақырыбы: «Ойлайық та, ойнайық!»

Мақсаты: Балалардың танымдық үрдістерін дамыта отырып, ақыл-ойын, жылдам логикалық ойлауын, қиялын, ептілігін, есте сақтау қабілетін дамыту. Баланың бойындағы мүмкіндігімен қабілетін анықтау, балалардың сөздік қорын молайту, жағымды психологиялық ахуал орнату.

Керекті құралдар: Арнайы ақ парақшаларда боялмаған қонжық, түлкі, мысық, балапан, кірпі, ботақан, бақа, ат суреттері, арнайы саусаққа арналған бояулар.

Психологиялық сәт:

Күлім қағып қолымды!

Бір,екі,үш деп соғайын!

Қарап тұрған көршіме,

Қолымды мен бұлғайын,

Жылы жылы жүзбенен,

Мандайынан сипайын!

Жылы жылы сөзбенен,

Жүрегімді сыйлайын,

Психолог: Енді балалар жылулық шеңберін жасап, бір-бірімізге жылы лебізімізді білдірейік.

Мейірімді болайық!

Әрқашан әдемі болайық!

Аналарымыз аман болсын!

Күніміз жарық болсын!

Балабақшамыз жайнай берсін!

Бәріміз дос болайық!

Психолог: Балалар, сендердің көңіл-күйлерің өте жақсы екен, онда мен осы сәтті пайдаланып ойын арқылы сендердің қабілеттеріңді тексерейін.

«Ойыншықты сипатта!»

Мақсаты: топта жағымды көңіл-күй орнату.

Психолог: балалар қазір мен сендерге мына қолымдағы ойыншықты әрқайсысына ұсынамын. Сендер осы ойыншықты ұстап тұрып, бір сөзбен сипаттауларың керек. Мысалы, жұмсақ, әдемі т.б. Содан кейін айтқан сөздеріңді есте сақтап қалып, сол жақтағы көршіңе сол сөзді айтасын, шеңбер бойынша жалғасып кете береді.

«Сиқырлы қоржын» жаттығуы

Балаларды шеңбер жасай отырғызып жүргізуші олардың алдындағы кішкентай үстел басына отырады. Үстелдің басында сиқырлы қапшық тұр. Ішінде әртүрлі ұсақ ойыншақ тұр. Балаларды кезекпен шақырып, қапшықтың ішіндегі екі бірдей затты тауып алуды талап етеді. Мысалы. Екі доп, екі машина т.б Балалар қолымен заттарды сипап, бірдей затты тауып алганан соң сипаттап айтады. Айтқанын тексеру үшін заттарды сыртқа шығарады, ойын осылайша жалғасады.

«Сөздерді жаттап ал!» жаттығуы

Психолог: Балалар мен қазір сендерге сөздер оқимын. 1 минут ішінде еске сақтап қалуларың керек. Естеріңе сақтай алмасаңдар 2 мәрте тағы оқимын. Осылай балалардың есте сақтау қабілеттерін дамытуға болады.

Алма Балмұздақ

Сағат Өшіргіш

Кітап Қалам

Айна Ауыл

Ауа Су

Алақан Гүл

Доп Машина

«Суреттерді есте сақтап ал»

«Түстер» жаттығуы

Психолог: балалар мен сендерге қазір қызыл, көк, сары немесе жасыл түстерді көрсетемін. Қай балаға жасыл түс кездессе, ол жасыл түсті 3 заттың атын атау керек. Айтқан затты қайталап айтуға болмайды. Мысалы, жасыл түсті алған бала жапырақ деп айтуға болады.

«Жұптап бояп шығайық»

Мақсаты: түстерді қабылдату,бірігіп жұмыс істеуге үйрету.

Жүргізілу барысы: Ұқсас түстерді жұптап шығу. Арнайы қолмен салатын бояуды саусақ ұштарына жағып шығады. Бас бармақпен саусақтарын жұптай отырып,төмендегі өлең жолдары арқылы…