Жақсы көңіл-күй жан азығы педагогтерге тренинг

«Жамбыл облысы Шу ауданы Төле би ауылдық округі әкімдігінің аппараты» КММ «Раушан» бөбекжай-бақшасы» коммуналдық мемлекеттік қазыналық кәсіпорны

«Жақсы көңіл-күй жан азығы» атты педагог-тәрбиешілеріне арналған тренинг.

Тақырыбы: «Жақсы көңіл-күй жан азығы».

Өткізілетін күні: 29 қазан 2018 жыл

Жұмыс түрі: Балабақшалардың педагог- тәрбиешілеріне арналған психологиялық тренинг.

Мақсаты: Балабақшадағы педогог, қызметкерлердің психикалық көңіл-күйлерін көтеру. Педагогтардың рухани өсуіне психологиялық жағдай жасай отырып, адамгершілік, сыйластық, әдептілік, адалдық құндылықтарын ұсынуға көмектесу.

Көрнекілік: А3 және А4 парағы, слайдтар, жылдам әуенді диск, түрлі-түсті қағаз бен қалам,арқан.

Тренинг барысы:Психолог: Сәлеметсіздер ме, қадірлі қонақтар! Қош келіпсіздер! Олай болса бүгінгі тренингімізді көңіл-күйімізді көтеруге арнайық. Адамның қарым-қатынасы оның көңіл-күйіне байланысты. Көңіл-күй – адамның ішкі дүниесінің құбылысы, көңіл-күй – адамның айнасы. Адамдармен қарым-қатынас жасау шеберлігі адамның ішкі мәдениетіне, біліміне, тәрбиесіне байланысты болады. Бір-бірімізбен сыйластық қарым-қатынаста болуға арналған тренингке ұйымшылдықпен қатысуға шақырымын.

«Халқымыздың дәстүрлі амандасу» сәлемдесу әдебінің қалыптасу жолдарын, әдептілік пен әдепсіздік тайталасын, өмірлік міндетің, яғни, дұрыс амандаса білудің сипатын ашу.

Ендеше қарым-қатынасқа түсу үшін шеңбер жасайық.«Бір күнгі танысына, қырық күн сәлем» дегендей, біз бүгін бір-бірімізбен халқымыздың дәстүрімен амандасудың түрлерін көрсетейік.1.Жастар иіліп сәлем салу.2.Орта жастағы педагогтар қол беріп амандасу.3.Үлкендер құшақтасып амандасу.

Сәлемдесу,амандасу адамның бір-біріне ізет, сый құрмет көрсетуі болып есептеледі. Күнделікті өмірде біз қанша адаммен кездесіп, қанша жұртпен ұшырасамыз. Солардың бәрінде де бірінші кезекте арамызда сәлемдесу, амандасу жүреді.Адам баласы қашаннан бейбіт, тыныш өмір сүруді аңсап, армандаған. Сол арманның негізінде қолы жеткен зор игілігі сәлемдесу әдебінің қалыптастырылуы.Сәлемдесудің кереметі сонда- адамдардың бір-біріне жылы мейірім кең пейіл көрсетуінде, достықты, жақындықты бейнелеуінде.

Қорыта келгенде, әр кіммен,қай жерде, қандай жағдайда жолығып тұрғанынан жаңылмай, салт-дәстүрімізден айнымай, барынша сыпайы, әдепті сәлемдесіп үйренгені абзал. Сәлем беру- өткінші міндет емес, өмірлік міндет. Ендеше одан жаңылуға да, жалығуға да қақымыз жоқ.

Тренинг ережесі:

Өз ойын ашық айту;

Өзгелердің пікірін құрметтеу;

Белсенді әрекет ету;

Шынайылық;

Топтасып жұмыс жасау.

Ал, енді сіздерге сәттілік тілей отырып, тренингімізді бастауға рұқсат етіңіздер.