Балаға отбасы туралы түсінік қалыптастыру баяндамасы

«Таран балабақшасы» МКҚК

«БАЛАҒА ОТБАСЫ ТУРАЛЫ ТҮСІНІКТЕРІН ҚАЛЫПТАСТЫРУ»

Әдіскер:Бейсенова И.А.

2017 жыл

Жас ұрпақ біздің өміріміздің тікелей жалғастырушы ғана емес, еліміздің тірегі,мызғымас болашағы. Адамзаттың өмірдегі ең қымбаттысы, көз қуанышы – бала. Бала – дербес тұлға. Оның бойындағы табиғи қасиеттер, адамгершілік құндылықтары отбасында, мектепте, әлеуметтік ортада нәрленеді. Баланың бас ұстазы – ата – ана.

Бала тәрбиесi – игiлiктi iс. Берерi де, сұрауы да, жемiсi де мол тәрбие саласының ең өзектiсi.Халықта «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Сондықтан баланың бойына жастайынан ізгілік, мейірімділік, яғни адамгершілік құнды қасиеттерді сіңіріп, өз-өзіне сенімділікке тәрбиелеуде отбасы мен педагогтар шешуші роль атқаратыны белгілі. Бүгінгі ұл – ертеңгі әке, ол әкеге қарап өседі.Бүгінгі қыз –ертеңгі ана,ол шешеге қарап өсіп, бой түзейді. Балаға білім,тәрбие беруде басты тұлға ұстаз болса, оны жалғастырушы, демеуші – ата –ана.

«Отбасы» тақырыбына байланысты көптеген сабақтар өткіздім. Мысалы: Білім беру саласы: «Таным». Кіші сала: «Жаратылыстану». Тақырыбы «Менің отбасым». Балаларға үйде кім қандай жұмыс атқаратынын түсіндіріп, олармен бірге сюжеттік- роль ойын ойнау арқылы түсініктерін қорытындыладық. Үйдің отағасы- балалардың әкесі. Ата - ананың бала өсірудегі басты мақсаты - қоғамдық өмірге көпшілікпен қатар «түзу кірпіш» қалау. Үйде анасы жұбайын құрмет тұтып, оның абыройын балаларының алдында көтеріп ұстаса, бала да әкесіне ұқсап, беделді болып өсуге ұмтылады. Керісінше, әке де зайыбына жылы сөйлеп, оны «ана» деп құрметтесе, балалар ананың өмірдегі құдіретін түсініп, оның көңіліне қаяу салмауға тырысады. «Әкеге қарап ұл өсер, шешеге қарап қыз өсер» дейді дана халқымыз.

Дана халқымыз: «Адамның бақыты - еңбекте» деп бекер айтпаған. Шынында да, адам өз қадірін, құрметін сол адал еңбегі арқылы алады. Ата - аналар балаларын жастайынан – ақ еңбек етуге, қандай қиыншылықтар болса да төзіп, оны жеңуге үйретіп келген. Біздің шығармашылық сабағымызда «Әжеге кесені әшекелейміз» атты тақырыбына байланысты кесені әшекелеуге үйретуді мақсат еттім. Бала кішкентай кезінен - ақ әр нәрсеге…