Балаға жүрек жылуы тақырыбындағы төртінші сынып презентациясы

Тексерілді: _______________ «____»______________________

Пән: Өзін – өзі тану

Мектебі: _______________

Күні: _______________

Мұғалімі: _________________________

Сыныбы:

Оқушылардың саны:

Тақырыбы: Балаға жүрек жылуы

Құндылығы: Сүйіспеншілік

Қасиеттері: Адамдарға риясыз қызмет ету, жанашырлық, шынайылық.

Мақсаты: Сүйіспеншілік құндылығының мәнін ашу.

Міндеттері:

Білімділік: Оқушыларға адамдарға риясыз қызмет жасау мәнін түсіндіру.

Дамытушылық: Оқушылардағы шынайылық қасиеттерін дамыту.

Тәрбиелік: Оқушыларды жанашыр болуға тәрбиелеу.

Ресурстар:

(материалдар, дереккөздер)

http://kz-minusovki.ucoz.kz

bilim-all.kz

Baq.kz

Сабақтың барысы:

Ұйымдастыру кезеңі.

5 Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

«Жағымды тілектер алқасы»

Алдын ала топтағы оқушы санына сай ұзын (70 см) және көбірек түрлі-түсті қысқа (10 см) жіптер дайындалады. Жағымды әуен арқылы барлық қатысушылар бір шеңберге топтасады. Мұғалім қолындағы жіптерді көрсетіп: «Менің қолымда түрлі-түсті, ұзын-қысқа жіптер бар. Шын мәнінде, бұлар жай жіптер емес, біздің шығармашылығымыздың ұшқындары. Аңызға сүйенсек, егер таза жүректі адамдар бір жерге жиналса, бұл ұшқынды әдемі алқаға айналдырады екен. Қазір ұзын жіптерді әрқайсысың алып, өз мойындарыңа тағып, ұшын байлауларыңды сұраймын. Содан соң түрлі-түсті қысқа жіптен алып бір-біріңнің мойындарыңдағы алқаға жағымды тілек айтып байласаңдар. Осылайша қысқа жіптер алқамыздың моншақтарына айналады.»

Барлығы байлап болған соң, осы күннен естелік ретінде сақтап қою ұсынылады.

2. Үй тапсырмасын тексеру.

3. Сабақтың дәйексөзі.

«Жақсылық істеуден жалықпа, Істеген жақсылығыңа өкінбе!»

Кабуснама

Мейірімді, қайырымды, сезімтал адам әрдайым жақсылық жасауға дайын тұрады. Ақ ниетпен жақсылық жасау адамның ішкі дүниесінің байлығын, жан сұлулығын көрсетеді. Адамдар бір-біріне жақсылық жасаудан жалықпаса, өмірде сыйластық, қамқорлық, достық, сүйіспеншілік қарым-қатынаста болады, ал қоғамда татулық, бірлік, ынтымақ орнайды. Адамның өзге адамдарға шын пейілімен жақсылық жасауынан жомарттықты да байқауға болады. Адам бойындағы сезімталдық, қамқорлық қасиеттер риясыз көңілмен өзінде барымен бөлісуге жетелейді.

Сұрақтар:

Жақсылық жасау дегеніміз не?

Өз бойларыңда қандай ізгі қасиеттеріңді дамытып жүрсіңдер?

Дәйексөзден қандай ой түйдіңіз?

4. Оқиға айту (Мұғалім сыйы)

Мейірімділік – асыл қасиет. Бейнебаян.

5. Шығармашылық жұмыс, топпен жұмыс.