Балаға жылулық сыйлайық ата-анамен жұмыс материалы

Тақырыбы: Балаға жылулық сыйлайық

Мақсаты:

Бала тәрбиесіндегі ата- ананың алатын орнының ерекше екендігін түсіндіру;Отбасы мүшелінің арсындағы бауырмалдық, қайырымдылық,достық қарым- қатынасты қалыптастыру,ата-аналарды пікірлесуге шақыру.

Түрі: Топтастыру

Көрнекілігі:

карточка,дөңгелектер, нақыл сөздер,«кірпіш тапсырмасы бар қағаз ,қалам».

Жоспар:

1. Тренинг: шаттық шеңбері

2. Кіріспе сөз: Балалы үй базар,

Баласыз үй қу мазар

3. Ата аналамен ойын .

4. Жағдайаттар талдау

Барысы:

Сәлеметсіздер ме құрметті ата-аналар!

Адамзаттың бәрі де анадан туып, соның бауырында өсіп ер жетеді. «Сүтпен кірген сүйекпен кетеді» дейді халқымыз. Ендеше, жаны таза, денсаулығы мықты, ақылды, сұлу бала тәрбиелеуді басты назарға ұстайық . «Бұтағымен ағаш сымбатты, ұрпағымен адам қымбатты» деген аталы сөзден алыстамайық .Қазақ ұлтын аспандататын ұрпақ тәрбиелеу – баршамыздың еншімізде екендігін ұмытпайық!

Бір жылын ойлаған күріш егеді, он жылын ойлаған ағаш егеді, жүз жылын ойлаған бала тәрбиелейді.”

Балаға баланың көзімен қарап, өз заманына сай тәрбие беру – біздің мақсатымыз.

Тренинг

Ата аналар ортаға дөңгеленіп тұрып, бүгінгі кездесуден не күтетіндерін айтады

«Бала деген кім?»

Бауыр етіміз,мұрагеріміз,үмітіміз, т.б

Жағдаяттар

1. Түскі ас кезі. Отбасы жиналып, тамақтануға отырды. Бір кезде телефон шырылдады. Тұтқаны баласы көтерді. Әке шешесі баласына өздерінің жоқ деп айтуын өтінді.

2.Оқушы ата-аналар жиналысына шақыруға бірінші анасына келді

-Ана сізді мұғалім жиналысқа шақырып жатыр

-Балам қолым тимей жатыр әкеңе айт

-Әке сізді мұғалім жиналысқа келуіңізді сұрады?

-Балам менің шұғыл шаруам шығып қалды.

Тапсырма: Ата-анаға балаға қарым-қатынасында баланың үмітіне балта шабатын,кіналайтын сөздер беріледі.Осы сөздерді олардың өз күшіне сенім тудыратындай,жақсы қолдау көрсете алатындай сөздермен алмастыру керек.

1.Сенен ешқандай жақсылық шықпайды

2.Неге сен басқа балалардай емессің?

3.Немене ұсқынсыз болып кеткенсің,шашың таралмаған?

4.тағы осылай істесең,менен таяқ жейсің?

5.Сенің кесіріңнен өмірі жолымыз болмайды

Былай қарасаң көңіл аударатын нәрсе емес,бірақ «Ойланбай сөйлеген,ауырмай өледі»деген сөздің мәнін білуіміз керек.ата-ананың әрбір ойланбай сөйлеген сөзі баланың өмір сүру ағысын өзгертіп жіберуге әкеп соғады.Осының алдын алу үшін мына сөздерді алмастырып көріңіздер.кіналамай сенім тудырыңыз.