Балалар тәрбиесінде ата-ана рөлі туралы жұмыс материалы

Балалар тәрбиесінде

ата – ана рөлі

( ата - ана жиналысы )

“Аққайың” бөбек – жай бақшасы

Мақсаты: Әр отбасының бала тәрбиесіне белсене қатысуының маңызын арттыру . Баланың мейірімді сыпайы әдеттерді бойына сіңіріп өсу жолдарын ата - аналармен бірлесе қарастыру Ата - аналармен бірлесіп отбасылық тәрбиенің негізгі ережелерін талқылау, бала тәрбиесінде ата - аналардың рөлін көрсету балалармен ортақ тіл табысуға үйрету . Көрнекілік: «Менің отбасым »(буклет), бәйтерек суреті , нақыл сөздер , слайд, карточкалар .

Жиналыс жоспары . 1. Ұйымдастыру 2. Кіріспе сөз. 3. Ата - аналарға тест « Сіз қандай ата - анасыз ?» ( әр жауап үшін 1 балл) 4. Әңгімелесу - Миға шабуыл . 5. Балалық шағымызға ораламыз . 6. Жағдаяттар 7. Бақытты отбасының бәйтерегі. 8. Қорытынды: Ата - аналарға кеңестер оқылады ( тапсырылады )

Жиналыс барысы :

Ұйымдастыру. Шаттық шеңбері: Дөңгеленіп тұрайық Керегені құрайық. Уықтар боп иіліп , Шаңыраққа киіліп Киіз үйді құрайық. Ата – аналар шеңбер бойымен тұрып бір біріне тілек айтады .

Кіріспе сөз. Тәрбиеші: Құрметті ата - аналар мен сіздерді көргеніме қуаныштымын ! Ұлы Абай: « Бір ғана қуанышым бар ол - менің балаларым »- деген екен . Әрбір ата - ана баласының денсаулығы мықты, ең жақсы болуын , талапты болып өсуін арман етеді . Менің ойымша , құрметті ата - аналар , сонымен қатар оның жақсы адам болып өсуін арман ету керек , ол адамдарға және қоғамға пайда келтіріп , «Адам» деген жоғары атаққа ие болып , барлық өмір тіршілігінің сынақтарынан сүрінбей өтіп , жетістіктерге жетеді . « Біз балаларға ұқсамаймыз, балалар бізге ұқсайды» дейтін белгілі тәсіл бар. Ал баланың сізге ұқсауы үшін , сіздің қасиеттеріңізді алу үшін өзіңіз не істедіңіз ? Қане, осы орайда тәжірибе алмасайық . Өз отбастарыңызда қалыптасқан, баланың оңды қасиеттерін жетілдіруге бағытталған қандай дәстүрлер бар? Сол туралы әңгімелесейік.

Негізгі бөлім Ата - аналарға « Сіз қандай ата - анасыз ?» тест. Олар балалармен қарым - қатынас барысында неғұрлым жиі сөздерді белгілеу қажет. - Мен саған қанша рет айтамын ? - Маған кеңес бере қойшы, айналайын ! - Мен сенсіз не істер едім ?! - Бұл не тағы ? - Біз бәрін бірге ойласатын достармыз ғой? - Кімге тартқан бәлесің өзің? - Мен сендей кезімде ... - Сен менің тірегімсің , қолқанатымсың ! - Сенің жаныңдағы қандай достар осы? - Сен не ойлап отырсың ? - Ұлым (қызым ), сен қалай ойлайсың , жұрттың баласы бала сияқты , ал сен болсаң … - Ақылдымсың ғой сен менің !

Жауаптары : 7 - 8 балл - Сіз өз балаңызбен жүйелі түрде қарым - қатынас жасап отырмасаңыз да, ол сізді құрметтейді. Сіздің көзқарасыңыз оның тұлға болып қалыптасуына көмектеседі. 9 - 10 балл - Балаңыз сізді құрмет еткенімен әрқашан ашық сөйлесе бермейді . Оның тұлғалық дамуы кездейсоқ жағдаяттар ықпалынан болмақ. 11 - 12 балл – Сіздің бала тәрбиесіне мұқияттылау болғаныңыз жөн . Балаңыз сізді құрметтейді, бірақ ол , ата - ананың аялы алақанына, жылы сөздеріне зәру. 13 – 14 балл - Сіздің бала тәрбиесіне байланысты ұстанған жолыңыз дұрыс емес екенін өзіңіз де білесіз . Балаңыз бен сіздің араңызда сенімсіздік бар – оған көбірек көңіл бөлуге тырысыңыз , оның сөздеріне құлақ асыңыз . Мұғалім: Біздің тестіміз істің шын жағдайына…