Балаларға арналған тұрмыстық заттар сабақ жоспары

Бөлімі: Қоршаған ортамен таныстыру

Сабақтың тақырыбы: Тұрмыстық заттары.

Мақсаты: Т-б.м.: тұрмыста кеңінен қолданатын электротехникалық заттар туралы білімдерін кеңейту;

Т-д.м.: Балалардың сөздік қорын байыту. Ой-өрісін кеңейту, ойлау қабілетін дамыту.

Т-т.м.: Ұқыптылыққа, жинақтылыққа тәрбиелеу.

Әдіс-тәсілдері: көрсету, түсіндіру, сұрақ-жауап, ойын, әңгімелесу.

Құрал-жабдықтар: тақырып бойынша суреттер, қарындаштар.

Сабақ барысы:

Ұйымдастыру кезеңі. Сәлемдесу.

Психологиялық дайындық.

Қуан, шаттан, алақай,Қуанатын күн бүгін.Қайырлы таң, қайырлы күн,Күліп шықты күн бүгін.

Балалар, шаңсорғыш деген не? Оның бізге қажеті қанша? Ал тоңазытқыштың не пайдасы бар?

Шаңсорғышпен үйдің шаңын, қоқыстарды сорып тазалайды. Ал тоңазытқышты түрлі өнімдері бұзылмас үшін пайдаланады.

Педагог шаңсорғыштың тазалықты сақтау үшін көмектесетінгдігін, оның шаңды соратын арнайы түтігі (шлангасы) болатындығын, шаң, қоқысты жинайтын дорбасы болатындығын, диван т.б. заттарды тазартуға арналған бірнеше щеткасы бар екендігін және шаңсорғыштың алуан түрлі болатындығын айтып ақпарат береді.

Ал тоңазытқыш – үлкен, көбінесе ақ түсті болады. Тоңазытқыштың ішінде тамақтар қояды.

Не үшін тамақтарды тоңазытқышқа қоямыз?

Тағамдар бұзылып кетпес үшін оларды тоңазытқышта сақтайды.

Тоңазытқышты тоққа қоссаң ғана суытады, шаңсорғыш та тоқ арқылы жұмыс істейді.

Балмұздақ пен балды тоңазытқышта сақтауға бола ма?

Әрине, болады.

Жұмбақ жасыру. «Осы зат не үшін керек?» дидактикалық ойыны.

Төбемізде тұрағы,

Пайдасы мол ұққанға.

Түнде жанып тұрады,

Сөнеді Күн шыққанда (Электр шамы)

Аязға толы жәшігім,

Ішінен тамақ тасыдым. (Тоңазытқыш)

Қызып кетсе табаны,

Бар жалғыз-ақ алаңы,

Бар жалғыз-ақ шатағы:

Іздей бастар матаны. (Үтік)

Тәбетін ашсаң,

Тамағы лас, шаң. (Шаңсорғыш)

Сергіту сәті.

Тұрмыстық электротехникалық заттарды атайды, балаларға оларды қимылмен келтіруді ұсынады. (Әр заттың қалай қолданатынын қимылмен көрсетеді (шаңсорғышта – еңкейіп, қолын алға, артқа тартып тазалағандай болады.)

«Сөйлемдерді жалғастыр» дидактикалық ойыны.

Дымбілмес қонаққа келеді. Балалар онымен амандасады.

Дымбілмес, сен неге бұл заттардан қорқасың – бұлар тұрмыстық электротехникалық заттар ғой. Олар адамдардың достары – адамның еңбегін жеңілдетеді. Бұл заттар не үшін керек екендігін балалар айтып береді.

Шаңсорғыш, үтік, теледидар, кір жуу мәшинесінің суреттерін көрсетіп тұрады. Балаларға олардың не үшін керектігін айтуды ұсынады. Мысалы, шаңсорғыш бізге .... керек.