Балаларға көктем мезгілін таныстыру сабақ жоспары

Күні:

Пән: Сөйлеуді дамыту.

Сынып: 0 а даярлық тобы.

Тақырыбы: Көктем.

Қатысқандар саны: 18

Қатыспағандар саны:

Сабақтың оқытылу мақсаты:

1.Балалардың көктем мезгілі туралы білімдерін кеңейту.

2. Сөздік жұмыстары арқылы сөздік қорларын байытумен бірге есте сақтау қабілеттерін дамыту, берілген сұраққа нақты жауап беруге үйрету.

3.Құстарға, ағаштарға ,қамқор және еңбекқор болуға тәрбиелеу.

7 модульдің қолданылуы.

«Оқыту үшін бағалау және оқуды бағалау »

Қолданылатын әдіс –тәсілдер

Түсіндіру,әңгімелесу,сұрақ- жауап, ойын.

Сабақ бөлімдерінің мақсаты.

Мұғалімнің іс- әрекеті

Оқушы іс- әрекеті.

Ресурстар.

Кіріспе

1. Ұйымдастыру кезеңі

Амандасу .Оқуш- ды түгендеу. Сабаққа назарларын аудару.

2. Шаттық шеңбері.

Мына сұлу әлемде,

Адам өмір сүреді.

Үлкен менен кішіге ,

Күн сәулесін төгеді.

Күнге қол бұлғайық !

Әрбір адам күннің көзіне қарап қуанады. Ол бізді өзінің жылуымен жылытып,біздің тезірек өсуімізге көмектеседі.

Суреттер арқылы топқа бөлу.

Жыл мезгілі нешеге бөлінеді ?

Ендеше жыл мезгілдерін атаңдар ?

Дұрыс айтасыңдар ,балалар! Назарларымызды интерактивті тақтаға аударайық .

Суреттен қандай жыл мезгілін көріп отырсыңдар ?

Көктем екенін қайдан білдіңдер ?

Амандасады.

Шаттық шеңберін жасайды.

Суреттер арқылы топқа бөлінеді.

Жыл мезгілі төртке бөлінеді.

Күз, қыс ,көктем жаз .

Бұл көктем мезгілі.

Өйткені ,жердегі мұз ,қарлар еріп жатыр . Ағаштар бүршік ата бастаған. Балалар құстарға ұя жасап жатыр .

Гүлдердің суреттері.

Интерактивті тақта.

Суреттер.

Жарайсыңдар , қандай ақылды балаларсыңдар !

Біз бүгінгі сабақта «Көктем » тақырыбында әңгіме жүргіземіз.

Негізгі бөлім.

Топтық жұмыс.

Көктем мезгілін жақсы көресіңдер ме ?

Көктем мезгілін мен де жақсы көремін. Сондықтан да :

Көктем нұры қуатты ,

Қарлар еріп ,су ақты.

Күн күлімдеп төбеде.

Төгіп тұр ғой шуақты .

Құстар келді ән салып ,

Дала толды гүлдерге .

Осы шақ аңсадық ,

Ғажап қой бұл білгенге ! – деп жырға қосамын.

Көктем – жылдың төрт мезгілінің бірі .Көктем наурыз ,сәуір, мамыр айларын қамтиды. Қыз мезгілінен кейін келетін жазға дейінгі кезең. Көктемде күн ұзарып ,ауа райының жылынуынан мұздар ,қарлар еріп, су болып ,сай –салаға аға бастайды. Жануарлар да қысқы ұйқыларынан оянып ,тіршілігін бастайды. Жыл құстары тұған өлкеге қайта оралады.Ағаштар бүршік жарып,гүлдене бастайды. Көктемнің алғашқы гүлі бәйшешек, қызғалдақ, сарғалдақ. (гүлдердің суреттерін слайдан көрсету.)

1 топ . Көктемде ұшып келетін құстарды жапсырады және өздерінін постерларын қорғайды.

2 топ. Көктемнің табиғат құбылыстарын тауып жапсырады.

3 топ. Көктемнің егін шаруашылығы, адамдардың еңбектері туралы постер жасасау. Көктемдегі еңбек туралы постер .

Иә, жақсы көреміз.

Бізге көктем мезгілі ұнайды.

Мұғалімді тыңдайды.

Оқушылар постерларын қорғайды.

Әліппе- дәптермен жұмыс.

Тұманбай Молдағалиевтін «көктем » өлеңін оқып беру, жаттату.

а ) Күн жылына бастады ,дала гүлдеп

Ақыл айтты: «Қозыңды баға біл », - деп.

Қуанады Қожан да : «Атаға еріп

Қой айдасып келуге жарадым » ,- деп.

Күн жылына бастады құстың бәрі .

Ұшып келді : «Кетті ,-деп ,- қыстың қары ».

Сөздік жұмыс жүргізу.

Баға біл- малды жайылымға апарып бағу, баптап – күту.

Қой айдасып – қойды екеулеп айдау, көмектесу.

б) Бәйшешектің суретін салады.

Сурет салады.

Сергіту сәті.