Баланың өзін-өзі бағалауын анықтауға арналған сабақ

Ақмола облысы

Целиноград ауданы

Ыбырай Алтынсарин ауылы

МКҚК «Күншуақ» балабақша психологы

Сейдахметова Алтынай Қамшыбекқызы

Тақырыбы: «Графикалық тест» әдістемесі

Ұйымдастырылған оқу қызметінің түрі: Баланың өзін-өзі бағалауын анықтайды

Мақсаты:

Білімділік: Баланың өзін-өзі бағалауын анықтауға, (өзі туралы, қоршаған адамдар мен ұмтылыстары, қалай әрекет ететіні, қуаныш және қорқыныш т.б.) көрнекі және символикалық мәндерін түсінуге көмектеседі.

Дамытушылық: Балалардың өзін-өзі бағалауын және қабылдау, ойлау сезімдерін дамыту.

Тәрбиелік: Баланы өзін-өзі бағалауға үйрету, ынтымақтастыққа тәрбиелеу.

Көрнекі құралдар: түрлі-түсті қарындаштар, А4 парақта берілген шеңбер суреттері.Әдіс- тәсіл: әңгімелесу, көрсету, түсіндіру.Әрекет –кезеңдері: Психологтың әрекеті. Балалардың әрекеті.

Оқу қызметінің

кезеңдері

Психологтың іс-әрекеті

Балалардың іс-әрекеті

Мотивациялық-қозғаушылық

Сабақты қандай көңілмен бастасаң, солай аяқталады.

Балалар шаттық шеңберін құрып, бір-біріне психологиялық көңіл-күй сыйлайды.

Ұйымдастырушы-лық-ізденістік

Жүргізілу барысы: Мына төмендегі 8 шеңбердің біреуін таңдап ішін бояңыз немесе белгі қойыңыз.

Интерпритациясы:

Алғашқы екі шеңбердің біреуін таңдаған бала өзін жоғары бағалайды.

Ең соңғы екі шеңбердің біреуін таңдаған бала өзін төмен бағалайды.

Ортасындағы төртеуінің біреуін таңдаған бала өзін адекватты немесе дәл бағалайды.

Балалар, енді бойымызды бір сергітіп алайық!

Сергіту сәті:

Балалар, «Көңілді күн» атты бейнероликте көрсетілген қимылдарды қайталайық

«Санамақ» ойыны.

Мақсаты: кіші моториканы және сөйлеу ырғағын дамыту.

Оң қолымда бес саусақ (оң қолының саусақтарын көрсету)

Сол қолымда бес саусақ (сол қолдың саусақтарын көрсету)

Бәрін қоссақ – он саусақ (екі қолының саусақтарын қосу)

Оң аяқпен секіремін (екі аяқпен кезек секіру)

Сол аяқпен секіремін (орында жүру)

Балалар алдарында берілген 8 шеңбердің біреуін таңдап ішін бояйды.

Балалар бейнероликте көрсетілген қимылдарды қайталайды.

Балалар тақпақты айта отырып, қимылдарды қайталайды.

Рефлексиялық-түзетушілік

Қорытынды:

- балалар, сендерге тренинг ұнады ма?

- балаларды мадақтау.

Күтілетін нәтиже:

Түсінеді: Балалар өздері ұнатқан түрлі түсті қарындаш арқылы өздерін бағалауды түсінеді.

Жаңғырта алады: Тренинг арқылы өздерін жаңа қырынан жаңғырта алады. Мысалы, қабылдау және ойлау сезімдерін дамытады.Қолданады: Түрлі-түсті қарындаштың көмегімен геометриялық фигураларды бояуды үйренеді.