Балаңыз мектепке дайын ба психологиялық тренинг

ТРЕНИНГ

«Балаңыз мектепке дайын ба?»

Мақсаты: Ата – ана мен мектеп арасындағы байланысты нығайту. Ата-анамен бірлесе отырып, бала тәрбиесіне байланысты мәселелерге көңіл аудару. Ата – ананың бала тәрбиесіне қатысты педагогикалық білімдерін толықтыру.

Міндеті: Отбасы тәрбиесінде баланы тануға, өзіне мақсат қоя білуге баулу. Білімге, құштарлыққа тәрбиелей отырып, жас ұрпақты жеке тұлға етіп тәрбиелеу. Баланы тәрбиелеу, дамыту және білім беруде отбасы мен балабақшаның бірлескен өзара тығыз байланысты қалыптастыру.

Ұйымдастыру кезеңі.

Психолог: Сәлеметсіздер ме, құрметті ата-аналар! Бүгінгі біздің «Балаңыз мектепке дайын ба?» атты семинар - тренингімізге қош келдіңіздер!

Ата-ананың тілегі – баласының жақсы адам болуы, еңбексүйгіштігі, еңбектегі оқудағы табыстары. Балаға білім, тәрбие беруде басты тұлға тәрбиеші болса, оны жалғастырушы, демеуші – ата-ана.

1. Шағын дәріс: «Балаңыз мектепке психологиялық тұрғыдан дайын ба?»

2. Тест: «Сіздің балаңыз мектепке дайын ба?»

3.Танысу жаттығуы

Өтінемін, бір шеңбер құрып отырыңыздар. «Мен баламды сүйемін» деп алақаныңызды жүрегіңізге қойып, балаңыздың және өзіңіздің есімдеріңізді айтасыздар.

4. Ой қозғау

1. Бала деген кім? (ата-аналар жауабы)

2. «Мейірімділік шуағы». Ғалымдардың айтуынша, баланың таңертеңгі ұйқыдан қандай көңіл-күймен тұруы – бүкіл бір күндік көңіл – күйіне әсер етеді екен. Олай болса, сіз балаңызды таңертеңгі ұйқыдан қалай оятасыз? (ата-аналар жауабы)

3. «Күн». Бала – ата-ананың үміті, өмірінің жалғасы. «Баламның табанына кірген шөңге менің маңдайыма кірсін» деп перзентін әлпештеп өсірген ата-ананың жатса-тұрса тілейтіні баласының алдыңғы қатарлы азамат болып өскені. Ендеше сіз балаңыздың бойынан қандай қасиеттерді көргіңіз келеді? Олай болса, «жағымсыз мінез» деген сөзге мән беріп көрейік. Қандай жағымсыз қылықтарды балаңызға тілемейсіз? (ата-аналар жауабы)

5. Ойын: «Кім мәреге бірінші жетеді?»Сіздің балаңыз сізді қатты қуантты.. (бір ісімен). Сіз не айтасыз? Қалай қолдайсыз? (әр ата-ана ортаға шығып, балаға мадақтау сөздерін айтып, мәреге бірінші жетуге тырысады).

6. Ситуациялық сұрақтар

Балаңыздың сабағы, тәртібі жайлы білгіңіз келіп, мектепке келіп тұрсыз. Сынып жетекшісі сізді қатулы қабақ, ашулы күймен қарсы алды. Сіздің әрекетіңіз?

Биыл сіздің балаңыздың сыныбында оқитындардың бәрінде ұялы телефон бар, тек сіздің балаңызда жоқ. Күнде «әпер» деп, мазаңызды алады, сабаққа барғысы келмейді. Сіз жұмыссызсыз, не істейсіз?

Балаңыз түнімен теледидир көріп, ұйқысы қанбай қалды. Балаңыз: «Басым ауырып тұр, сабаққа бармай-ақ қояйыншы»,- деді. Сіздің әрекетіңіз?

«Балаңыз мектептен шағым айтып келді. Мұғалім ұрысқанын, енді сабаққа барғысы келмейтінін айтты. Сіз қандай әрекет етесіз?

7. Психологиялық жаттығу: «Ну ормандағы жаңбыр»

Нұсқау: Кәнекей, бір - біріңізбен тығыз тұрыңыздар. Өздеріңізді ну ормандағыдай елестетіңіздер. Ауа - райы алдымен күн ашық, өте ыстық және қапырық болатын. Міне, кішкене жел тұрды. Алдыңызда тұрған адамның арқасын қолыңызбен жеңіл қимылдар жасаңыздар. Жел күшейіп, қол қимылы да жылдам бола түседі. Дауыл басталады, қол қимылдары да айналдыра жасалып, күшейді. Сосын ақ жауын жауды, жұбыңыздың арқасын жеңіл түрде қағасыз. Міне, нөсер басталды, саусақтарымен қимылдар жасап алақанмен жоғары - төмен жүргізесіз. Нөсер үдей түсті, барлық саусақтарыңызбен қатты қағасыз. Қайта нөсерлетті, ақ жауын жауды, дауыл тұрды, ол қайта басталды. Сосын табиғатта барлығы тынышталды. Қайта…