Жақсы көңіл күйдің бақшасы психологиялық тренингі

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-балабақшасының педагог-психологы

«Жақсы көңіл-күйдің бақшасы»

Тәрбиешілерге арналған психологиялық тренингтер

Мақсаты: Адамдардың бір-бірімен қатынасын оңтайландыру, өзара іс-

әрекет дағдыларын дамыту, басқалардың пікірі, көзқарасымен

санаса білу, жеке басты демалдыру арқылы өзіндік талдау

жасауын қалыптастыру

Көрнекілігі: сылдырмақ ойыншық, ақ бет, фломастер, жіп, кеме, қалам,

музыка

Түрі: топтық жұмыс

Қатысушылар: Балабақша ұжымы

Барысы:

Ұйымдастыру бөлімі

Қадірлі әріптестер! Бүгін сіздердің көңіл-күйлеріңізді көтеруге, өз-өздеріңізге құрметпен қарауға, бір-бірімізбен сыйластық қарым-қатынаста болуға арналған тренингке ұйымшылдықпен қатысуға шақырамын. Барлығыңызға сергек көңіл-күй тілеймін.

1.«Амандасып алайық»

Мен алақанымды соғамын, сіздер бір-біріңіздің қолдарыңызды қысасыздар. Мен сылдырмақ ойыншық соғамын, мұрындарыңызбен амандасыңыздар.

2. «Менің балабақшадағы көңіл-күйім қандай?» тақырыбында сурет салады.

3.Сергіту сәті

«Біріміз – бәріміз үшін, Бәріміз - біріміз үшін» ұранын айта отырып, жіппен ойынға қатысушылар қаламды түсіріп алмай ақ кемеге ұйымшылдықпен жеткізу керек. Ақ кемеде сіздерді жағымды тілектер, жылы сөздер күтіп тұр.

4. «Жасырын хат, ойлан тап!» Қатысушылар 3 топқа бірігіп отырады. Ерте-ерте ертеде әлі адамдар әріп танымаған уақытта да олар бір-біріне хат жазған екен. Қалайша? Олар сурет салуды біліпті. Бүгін біз соны үйренеміз. Өз қарсыластарыңызға сурет арқылы қысқаша ғана ойларыңызды жеткізіңіздер. Әрбір топқа белгілі бір сөйлемдер беріледі.

1-топқа арналған хат:

Бүгін маған кешкі сағат 6-да телефон соқшы.

2-топқа арналған хат:

Жексенбі күні сағат 15.00-де менің туған күніме кел.

6. «Көңілді күн»

1.Теріп едік жемісін сезім бақтың,

Сыйластықтың алауын өзің жақтың.

Сенің думан тойыңның әнін естіп,

Есігіңді шыдамай өзім қақтым.

Қ-сы: Бүгін қандай тамаша

Көңілді күн 3-рет

Сені қуанышыңмен құттықтаймын

Бақытты бол, жан досым!

2. Бір тамаша отырдың өмірге еніп,

Жүзің бал бұл жадырап көңілденіп.

Есігіңнен мен кіріп келгенімде,

Қуандың ау балаша мені көріп.

Қорытынды:

Құрметті әріптестер! Сыйласымды қарым-қатынасымыз бұзылмасын, алдарыңызда отырған балаларыңызға деген мейірімдеріңіз күннің шуағындай болсын деп тренингімізді аяқтаймыз. Қатынасқандарыңызға өз ризашылығымды білдіремін!!!