Балықтардың кәсіптік маңызы ашық сабағы

Сабақтың тақырыбы: §42,43. Балықтардың кәсіптік маңызы. Кәсіптік балықтардың негізгі топтары: майшабақтар, сетінектер, көзауықтар, тұқы балықтар т.б. Балықтар байлығын үнемді пайдалану,оларды қорғау және көбейту.

Сабақтың мақсаты:

а) білімділігі: Балықтардың кәсіптік маңызы туралы майшабақ, треска, камбала, тұқы балықтарын мысалға ала отырып, білімдерін қалыптастыру.Алған білімдерін саралай отырып бір жүйеге келтіру, тақырыпты есте сақтау.

ә) тәрбиелігі: Балықтарды қорғауға, көбейтуге, ысырапсыз пайдалана білуге тәрбиелеу. Оқушыларды өзбетінше ізденімпаздыққа, шығармашылық қабілеттерін дамытуға,еңбектенуге,өзара білімдерін тексеріп бағалауға тәрбиелеу.

б) дамытушылығы: Балықтардың адам өмірінде алатын маңызы зор екендігін тереңдете түсіндіру.Оқушылардың сабаққа белсенділігін арттыру,сызбанұсқаны толтыруға машықтандыру, білімін нақтылау және қисынды ойлануын дамыту.

Сабақтың типі: Жаңа білімнің берілу сабағы

Сабақтың түрі: Дәстүрлі сабақ

Сабақтың әдісі: Сөздік ( әңгімелесу, түсіндіру), көрнекілік, сұрақ- жауап

Көрнекілігі: Слайд, плакаттар, сөздік,кесте

Қолданылған әдебиеттер: Биология. 7- сынып

Пәнаралық байланыс: Ағылшын, орыс тілі

Сабақтың жоспары:

I. Ұйымдастыру кезеңі

II. Жаңа сабақты түсіндіру

III. Бекіту

IV. Үй тапсырмасын беру

V. Бағалау

Сабақтың барысы:

І. Ұйымдастыру кезеңі

- Амандасу .

- Оқушыларды түгендеу.

II. Жаңа сабақ

Балық майы көру қабілетін жақсартады.

Балық еті – адам ағзасы үшін пайдалы тағамдардың бірі. Оның құрамында адамға аса қажетті белок, май, дәрумен, протеиндер, көптеген минералды заттар бар. Ал сүйегімен жейтін майшабақ, арқан (лосось) балықтарында фосфор және фтор көп мөлшерде кездеседі. Кальций сүйекті қатайтса, фосфор ағзаның атқаратын барлық қызметіне қатысады.

Балықтың пайдасы:

– балықтағы амин қышқылдары адам ағзасына сіңімді. Бұл қышқылдардың құрамында ағзаға аса пайдалы метионин көп;

– бауыр ауруларының алдын алады;

– балық белогында бой өсіруге ықпал ететін лизин қышқылы да мол;

– балық майының құрамында А және Д дәрумені көп. Сондай-ақ, менолен және арахидон қышқылдары да бар.

– балық өнімдерінен жасалған тағамдар ас қорыту бездерінің жұмысын жақсартады;

– балық құрамында иод, фтор, мыс, кобальт секілді химиялық элементтер бар;

– балықтан жасалған тағамдар жүрек жұмысын жақсартуға көмектеседі.