Бақ дәулет және аман ашық сабақ жоспары

Пән

Әдебиеттік оқу

Сынып

4 Б сыныбы

Мектеп

Орта білім беретін №1 Красный Яр орта мектеп

Мерзімі

Мұғалім

Кудайбергенова С.Р

Сабаққа қатысқан оқышылар саны –

Сабаққа қатыспаған оқышылар саны – 0

Сабақтың тақырыбы

Бақ, Дәулет және Аман

Сілтеме

Оқулық, кесте

Сабақтың мақсаттары

Мәтін мазмұнын терең ашады, жаңа сабақтың авторымен танысады, тақырыптың неге былай аталғанын ұқтыруға жағдай жасалады, қызығушылықтарын оята отырып, оқушылардың өздеріне тақырыптың мазмұнын ашуға топпен және жеке жұмыс түрлері жүргізіледі.

Оқушылардың жеке ойлау қабілеттерін ашуға, өз пікірлерін ашық-анық айтуға мүмкіндік жасалады, пікірлерін дәлелдей білуге дағдыланады.

Топта тыныштық сақтауға, бірін-бірі тыңдауға, жағымсыз қылық қылттан арылуға, адамгершілік қасиет пен білімге тәрбиеленеді.

Сабақтың міндеттері

Оқушыларды сыни тұрғыдан ойлау арқылы өздіктерінен ізденуге, проблеманы бірлесіп шешуге үйрету, өз идеясын ұсынуға дағдыландыру. Балалардың жауаптарын бақылау.

Тілдік мақсат

Барлық оқушылар жасай алады:

– сабақтың тірек сөздерін есте сақтайды;

– «Бақ, Дәулет және Аман» мәтінімен танысады.

Көпшілік оқушылар жасай алады:

– өздерінің бақылау жазбаларын жасау дағдыларын жетілдіреді;

– сұраққа жауап таба біледі;

– мәтінді жан-жақты мазмұндайды.

Кейбір оқушылар жасай алады:

– сабақта алған білімін қолдана алады;

– эссе жазады;

– сюжетті сурет салады;

– проблемалық сұрақтарға жауап беріп, өз ойларын ортаға салады.

Тілдік мақсат

Негізгі терминдер мен сөз тіркестері: Жаратқанымыз бақ, дәулет берсін! Аман-сау болу, мол дәулет, кеңшілік, мол байлық, амандық – мол байлық.

Тірек сөздер:

Дәулет, амандық, бақ

Сабақта диалог/жазуға қолданылған тіл:

Талқылауға арналған сұрақтар: «Бақ» деген сөзді қалай түсінесіздер? «Амандық» деген сөз қандай мағына береді? «Дәулет» деген сөз қандай мағынада қолданылады?

Алдыңғы білім

Оқушылардың аңыз, әңгіме, миф, ертегі және мақал-мәтелдер туралы түсініктері бар.

Табыс критерийлері

Мәтінді жүргізіп оқи алады.

Сұрақтарға жүйелі, нақты жауап береді.

Түйінді идеялар

Критериалды бағалау кезінде бағасының әділдігіне көз жеткізеді.

Қолданған модульдер:

*Сыни тұрғыдан ойлау.

*Диалогтік оқыту

*Оқыту үшін бағалау

*Білім беру және білім алудағы жаңа әдістер

Әдіс-тәсілдер

Сұрақ-жауап, түсіндіру, қайталау, «Түртіп алу» әдісі, «Кубизм» әдісі, «Әріптер сыр шертеді» әдісі, «Автор орындығы» әдісі,

Тапсырмалар wiki беттерінен жүктел-ген дереккөздер

Тапсырмалар, сюжетті сурет, оқулық

Сабақтың барысы бойынша мұғалімнің жазбалары

Мұғалімнің іс-әрекеттері

Уақыт

Оқушылардың іс-әрекеттері

І. Мұғалім оқушылармен амандасады. Жағымды психологиялық ахуал тудырады (1-слайд).

Мұғалім оқушыларды сабаққа көңілдерін аудартып, сабаққа дайындайды.

Алдарыңдағы қағазға, әрқайсысы өз бойларындағы жаман қылықтарыңды, жағымсыз қасиеттеріңді жазып, қобдишаға салып қоюларын тапсырады. Мысалы: еріншектік, жалқаулық, т.б. Бойымыздағы осындай жаман қылықтан арылып, жақсы көңіл күймен жаңа сабақты бастауға әрекет етеді.

2 минут

Оқушылар мұғаліммен, сыныптастарымен амандасады. Төмендегі өлеңді хормен айтады.

Күнде сабақ алдында

Амандасып апаймен.

Бастаймыз біз оқуды,

Санаға білім тоқуды.

Оқушылар мұғалімнің айтуымен өз бойларындағы жаман қылықтарын, жағымсыз қасиеттерін қағазға жазып, қобдишаға салады.

ІІ. «Әріптер сыр шертеді» әдісі бойынша сынып оқушылар үш топқа бөледі. Мұғалім оқушыларға «А», «Б», «Д» әріптерін ұсынады. «А» әріпті алған оқушылар – Амандық тобына, «Б» әріпті алған оқушылар Бақыт тобына, «Д» әріпті алған оқушылар Дәулет тобына отырады.

(2-слайд).

1 минут

Оқушылар үш әріпті таңдай отырып үш топқа бөлінеді.

«А» тобы – Амандық тобы, «Б» тобы – Бақыт тобы, «Д» тобы – Дәулет тобы.

IІI. Мұғалім үй жұмысын, Ақселеу Сейдімбек туралы білімдерін, өткен тақырыптарды «Кубизм» әдісімен тексереді.

Кубтың әр қырында сан жазылған. Сол санның астында үй тапсырмасының сұрақтары берілген. үйге берілген тапсырма бойынша сұрақтарға жауап беретіндіктерін ескертеді. Бірден жауап қайтарған оқушыларды бірден бағалайды. Әр топқа екі сұрақтан қояды.

1. Ақселеу Сейдімбек қай жылы дүниеге келді, қай өңірде?

2. Фариза Оңғарсынова кім?Ол туралы не білесіңдер?

3.Ақселеу Сейдімбектің қандай шығармаларын білесіңдер?

4. Ақселеу Сейдімбектің балалық шағы қалай өтті?

5. Фариза Оңғарсынованың туған жері?Оның алғашқы өлені?

6. Ақселеу Сейдімбек қандай адам болған?

(3-слайд).

5 минут

Оқушылар кубты лақтыра отырып, түскен сандар бойынша үш топтан екі-екі оқушыдан алты сұраққа жауап береді.

1. Ақселеу Сейдімбек қай жылы дүниеге келді, қай өңірде?

2. Фариза Оңғарсынова кім? Ол туралы не білесіңдер?

3. Ақселеу Сейдімбектің қандай шығармаларын білесіңдер?

4. Ақселеу Сейдімбектің балалық шағы қалай өтті?

5. Фариза Оңғарсынованың туған жері? Оның алғашқы өлені?

6. Ақселеу Сейдімбек қандай адам болған?

IV. Мағынаны тануға дайындық кезеңі. Мұғалім үш топқа үш түрлі шығармашылық тапсырма орындауға береді.

(4-слайд).

5 минут

1-топ. «Бейбітшілік» тақырыбына сурет салады.

2-топ. «Денсаулық» туралы мақал-мәтелдер айтады.

3-топ. «Менің отбасым» эссе жазады.