Бақылаушы сарбаз тақырыбына сабақ жоспары, 10-сынып

«Бекітемін» Мектеп директоры: ________ М.Оспанов «__» ______ 20 ж. IІI-Тарау. Тактикалық дайындық

Сабақтың тақырыбы: Бақылаушы сарбаз, бақылау жасауға арналған орынды таңдау және арналған орынды таңдау және жабдықтауға қойылатын талаптар, жергілікті жерде бақылау жүргізу тәсілдері және түрлі нысандарды айқындау белгілері бойынша табу, бақылау жүргізу нәтижелері бойынша мәлімдеу тәртібі.

1. Сабақтың мақсаты: Оқушыларды бақылаушы жауынгердің міндеттерімен таныстыру.

2. Уақыты: 40 минут.

3. Өткізілетін орны: Тактикалық алаң.

4. Көрнекілік құралдар. АӘД оқулығы, оқпана.

5. Сабақтың барысы:

а) Ұйымдастыру кезеңі – 2 минут. Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрінісін тексеру.

ә) Өтілген тақырыпты сұрау кезеңі – 6 минут. - бақылаушының міндеттері қандай? - бақылаушы қайда орналасады? - бақылау үшін белгіленетін орын қандай талаптарға сай болуы керек?

- бақылаушы жергілікті жерді қалай зерделейді? - бақылаушы қарсыластың пайда болуын қалай баяндайды?

б) Негізгі бөлім – 25 минут. Бақылаушы сарбаз, бақылау жасауға арналған орынды таңдау және арналған орынды таңдау және жабдықтауға қойылатын талаптар, жергілікті жерде бақылау жүргізу тәсілдері және түрлі нысандарды айқындау белгілері бойынша табу, бақылау жүргізу нәтижелері бойынша мәлімдеу тәртібі.

в) Қорытынды бөлім – 7 минут. Сұрақтар мен тапсырмалар: - бақылаушының міндеттері қандай? - бақылаушы қайда орналасады? - бақылау үшін белгіленетін орын қандай талаптарға сай болуы керек?

- бақылаушы жергілікті жерді қалай зерделейді? - бақылаушы қарсыластың пайда болуын қалай баяндайды?

ТД. Т8. Бақылаушы сарбаз, бақылау жасауға арналған орынды таңдау және арналған орынды таңдау және жабдықтауға қойылатын талаптар, жергілікті жерде бақылау жүргізу тәсілдері және түрлі нысандарды айқындау белгілері бойынша табу, бақылау жүргізу нәтижелері бойынша мәлімдеу тәртібі.

Мотоатқыш бөлімшесінде қарсыласқа бақылау жүргізу үшін бақылаушы тағайындалады. Бөлімше командирі бақылаушыға келесі міндеттерді жүктейді: бақылау орнын бүркемелеу және жабдықтау; бақылаудың көрсетілген секторындағы жергілікті жерді және заттарды зерттеу; бағдар мен жергілікті заттарға дейінгі қашықтықты өлшеу және жергілікті жердің сызбасын құрастыру; қарсыласты байқаған сәтте оның жергілікті жердегі орнын анықтап бөлімше командиріне баяндау және оны бақылау журналына жазу.

Бақылаушы бақылау нәтижелерін дауыстап баяндау үшін командирге жақын орналасады. Оның қолында бақылау аспаптары (дүрбі, стереотүтік немесе перископ), жергілікті жердің картасы немесе сызбасы, бақылау журналы, құлабыз(компас) және сағат болуы керек. Бақылау үшін өзі қарсыласқа көрінбейтіндей, бірақ мүмкіндігінше көбірек естіп, көре алатындай болып орналасуы керек.

Бақылау үшін белгіленетін орын - бақылау аймағын жақсы шолу мен сенімді бүркеніш болатындай; авиация, артиллерия атысынан және ядролық қарудың зақымдағыш факторларынан қорғанатындай болуы қажет. Егер жергілікті жердің жекелеген заттары бақылау үшін ыңғайлы болса, онда оның жанына көлеңке тұстан орналасу керек. Бақылаушының негізгі тасаланатын орны – оқпана. Оқпана жергілікті жер заттарымен бүркемеленеді. Жергілікті жерді бақылау тиімді болу үшін бақылаушыға бекітілген сектор қашықтығына қарай 2-3 аймаққа бөлінеді. Аймақ шекаралары бағдар немесе жергілікті жер бойынша белгіленеді. Бақылаушы, ең алдымен өзіне берілген сектордағы жерді асықпай зерттеуі және барлық жергілікті жер заттарының санын, мөлшерін, формасын, өлшемін және өзара орналасуын еске сақтауға міндетті.