Бәрін жүрегіңмен өлше 4 сынып ашық сабақ

Түркістан облысы Шардара ауданы адами әлеуетті дамыту бөлімі

Құрманғазы Сағырбайұлы атындағы жалпы орта мектебі

Өзін – өзі тану

пәнінен ашық сабақ

тақырыбы:

«Бәрін жүрегіңмен өлше»

2020 – 2021 оқу жылы

Өзiн-өзi тану сабағының жоспары

Мектеп: Құрманғазы Сағырбайұлы атындағы ЖОМ

Мерзiмі: 11.02.2021 жыл Сабақ түрі: Ашық сабақ

Тақырып: Бәрін жүрегіңмен өлше

Құндылық: Сүйіспеншілік

Қасиеттер: Сүйіспеншілікке,өзіне деген сенімділікке, қамқорлыққа, мейірімділікке

Мұғалiм: Г.Е.Абуева Сынып: 4 «а» Оқушылар саны: 19

Мақсаты: Оқушыларды «мейірімділік», «қамқорлық» туралы түсініктерін кеңейту арқылы «сүйіспеншілік» құндылығының мәнін ашу.

Оқыту мен тәрбиелеудің міндеттері:

Оқушылардың мейірімділік,қайырымдылық туралы түсініктерін кеңейту;

Оқушыларды қайырымды қарым-қатынас жасау іскерліктерін дамыту;

Оқушыларды сүйіспеншілікке,өзіне деген сенімділікке, қамқорлыққа, мейірімділікке тәрбиелеу.

Ресурстар:

Үнтаспа,

бейнеролик,

суреттер,

жүрекшелер

I. Сабақтың барысы:

І. Ұйымдастыру кезеңi.

А) Оқушылардың сабаққа қатысуларын және оқу-құралдарын тексеру.

Ә) 5 Т –ны еске түсіру.(тәртіп,талап,тыныштық,тазалық,татулық)

1) Тыныштық сәтi. Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздіңәр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздіңқауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздіңқолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

-Нұрға бөлене алдыңыздарма?

Сабақ барысын талқылау:

Оқушылардың емін – еркін қатысуын қадағалау

3. Дәйек сөз.

«Жақсылықтан жақсылық туады»

Мақал

- Ұл балаларға және қыз балаларға бөлек айтқызу.

- Осы дәйексөздің мағынасын қалай түсінесіздер?

- Оқушылардың жауаптары негізінде дәйексөздің мағынасын толық ашып қорытындылау.