Еңбек бәрін жеңбек, 2-сыныпқа ашық сабақ жоспары

Өзін-өзі тану сабағының жоспары

Бекітемін: Мерзімі: 07.02.2017 ж.

Тақырып: Еңбек – бәрін жеңбек

Құндылық: Дұрыс әрекет

Қасиеттер: Еңбекқорлық, адалдық, табандылық.

Сыныбы: 2 «ә» Оқушы саны: 20

Сабақ мақсаты: Оқушыларға адал еңбектің адам өміріндегі маңыздылығын түсіндіре отырып, дұрыс әрекет құндылығының мәнін ашу.

Міндеттері:

Оқушыларға өмірде адал еңбек ете білудің маңыздылығын түсіндіру;

Оқушылардың еңбекқорлық, адалдық, табандылық қасиеттерін дамыту;

Оқушыларды адал еңбек етуге, табанды болуға тәрбиелеу.

Ресурстар: (құралдар, мәліметтер) Оқулық,дәптер, пенал, суреттер,плакат, АКТ құралдары, you.tube желісі.

Сабақ барысы:

Ұйымдастыру кезеңі (1-1,5 минут)

а) Оқушылардың сабаққа қатысуларын және оқу құралдарын тексеру ( Балалар, мен сендерді бүгінгі сабақта көргеніме қуаныштымын. Сендердің күлімдеген жүздеріңді көріп сүйсініп тұрмын. Бүгін біздің сабағымыз аптаның бастапқы күндерінің бірі- сейсенбіде өтіп жатыр. Сондықтан сабағымыз сәтті өтсін деп тілейік).

ә) 5 «Т»-ны еске түсіру.

1. Тәртіп

2. Тыныштық

3. Татулық

4. Тазалық

5. Талап

2. Тыныштық сәті (Жағымды күйге ену)(3 минут) Су асты патшалығына ойша саяхат

(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз, денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз… бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

- Қандай әсер алдыңдар?

3. Үй тапсырмасын тексеру(5 минут)

Б. Әділовтің «Еңбексіз өмір-сүреңсіз» мысал әңгімесі

Қара пышақ дүкеннен шығып, ас үйге келген соң тыным таппады. Нан турады, пияз аршыды, әйтеуір тамақ дайындалып, ас қамдалса, қолдан түспейтін болды. Ол жалқау еді. Бала кезіндегі «шалқайып жатсам» деген арманы есіне түсіп, жылап та алатын. Бір күні Қара пышақ ауыр еңбектен құтылудың оңай жолын тапты. Иесінің көзін ала беріп, еденнің жырығына қойды да кетті. «Болды»,- деді ол қуанып. – Енді еңбекті желкемнің шұқыры көрсін!... Ай өтті, жыл өтті. Қара пышақ орнынан қозғалған жоқ. Оның қайда жатқанын ешкім білмейтін еді. Бір күні:- Әй, туысқан, - деген дауысқа елең етіп…