Барлық елдің балалары достықта ойын сауық сценарийі

Балаларды қорғау күні

«Барлық елдің балалары достықта!» музыкалық мерекесінің сценарийі

Жүргізуші: Құрметті қонақтар, қадірлі балалар! Бүгінгі Балаларды қорғау күні құтты болсын! Балаларды қорғау күні «Бала Қазақстан болашағы!» музыкалық мерекесін Қазақстан Республикасының Әнұранымен ашамыз.

Қазақстан Республикасының Әнұраны. (Хормен шырқалады.)

(Сөзін жазғандар:Ж.Нәжімеденов пен Н.Ә.Назарбаев.Әнін жазған: Ш.Қалдаяқов.)

Жүргізуші: Міне, сендер еліміздің Әнұранымызды шырқадыңдар! Жаңарған елдің жас болашағы сендерсіңдер! Конституция - Қазақстан Республикасының ең негізгі Ата Заңы. Осы Ата Заңымыз Балалардың құқығын қорғау туралы айтылған.

Бүгінгі мерекеге арналған тақпақтарын айтуға балдырғандарды ортаға шақырамыз.

1-бала.Күнде қаулап өсеміз,

Гүл-мәуедей бақшада.

Бағымызды көрсеңіз,

Секілді бір жақсы ана.

2- бала.Мейірімді, балажан,

Бағады ылғи аялап.

Еркелейміз біз оған,

Бауырына саялап.

3- бала.Таңнан тосып алады.

Бізді бақыт бағымыз.

Алаламас баланы

Қандай жақсы Заңымыз.

4- бала.Ал, бүгін міне жарқырап,

Нұрын шашты Алтын Заң.

Заң болғанда қандай Заң

Көрмеген бұрын ешбір жан.

5- бала. «Еңбек ет те, міндет ет,

Демал!»-деген осы Заң.

«Сансыз халық достасып,

Өсе бер!» деген осы Заң!

6- бала.Жарқын болса күніміз,

Жарқын шығар үніміз.

Елін сүйіп ер жетер,

Біз болашақ гүліміз!

7- бала.Жақсы менен жаманды,

Ажырата білеміз.

Ата-баба жолымен

Алға қарай жүреміз.

Жүргізуші:Күміс күй мен әнге толып тұла бой,

Қуанышқа кенелтеді асыл ой.

Шаттандырған баласы мен бабасын,

Балаларды қорғау күні бүгін – ұлы той!

Ән: «Достық әні»

Қожанасыр:Армысыңдар, балалар?Армысыңдар, халайық!

Мен Қожамын, Қожамын,

Шегі жоқ бұл даңқымның өмірімді арнармын,

Ақпейілмен дос болам, жамандарға қас болам.

Жүргізуші: Қожеке, амансыз ба? Мұнда не істеп жүрсіз?

Қожанасыр:Ой, балаларым ай, бұрынғыдай бірге жүру қайда... Қазір Алдардан да өткен, Алдарды алдап, қалтасын қағатын алаяқтар көбейген жоқ па?Бұрынғы Алдар байларды алдап, кедейлерге көмектесетін, қазір Тазшадан өткен пысықтар көбейген кезде, Тазшаның да күн көрісі адам сенгісіз болып қалды. Оларды көрмегелі де көп болды.

Жүргізуші:Қожеке, мұңаймаңыз. Бүгін біз балалармен бірге Балаларды қорғау күнін тойлаудамыз, дәл келдіңіз. Біздің балалармен ойнап көңіліңізді көтеріңіз.

Қожанасыр (қалтасынан асықтарды алып ойын ойнатады): Балалар мен қызық бір ойын білемін, ал қане балақайлар асықтарды кім тез жинайды екен?

«Хан талапай» ойыны. (Асықтар мен екі көз байлайтын орамал)

Бұл ойында тәсіл көп,

Кім мол алса асықты.

Ептілігі басым боп,

Сол баланың женгені.

Ойын шарты бойынша ортаға әр топтан бір баладан шығады.Олардың көздері орамалмен байланады.Балалар шашылып жатқан асықтарды тездетіп жинауы керек.Асықты кім көп жинаса, сол жеңіске жетеді.

(Ойын аяқталысымен, музыка әуенімен қарны қайқайып, Шығайбай келеді)