Барыс септігі бойынша 4-сыныпқа сабақ жоспары

Тексерілді: Оқу-ісінің орынбасары:Б.Р.Дүйсембаева

Мұғалiм: Васиханова Ж

Күні:14.01.19 пәні: қазақ тілі Сынып: 4«Б»

Сабақтың тақырыбы: Барыс септік.Сабақтың мақсаты:

Білімділік: Барыс септігі туралы мағлұмат беру,етістіктен болған мүшемен тікелей байланысатынын ұғындыру,және оның сұрақтары мен жалғауларын таныстыру. Дамытушылығы: Сөйлем ішінен ілік,барыс септіктегі сөздерді сөз құрамына талдап, оларды өздері байланысатын сөздермен теріп жазу арқылы олардың жалғауларын ажырата білу дағдыларын қалыптастыру.

Тәрбиелік: Оқушыларға сабақ барысында адамгершілік,экологиялық тәрбие беру.

Сабақтың түрі: жаңа сабақ Сабақты ұйымдастыру түрі: таныстыру,түсіндіру, сұрақ-жауап,талдау-жинақтау. Сабақтың дидактикалық қамтамассыз етілуі: кесте, суреттер.

Сабақтың барысы: I.Ұйымдастыру кезеңі. - Оқушылар назарын сабаққа аудару. Үлкенге де сіз, кішіге де сіз

Сәлемдестік бәріңе әдеппенен біз.

Қуансаңыз сіз, қуанамыз біз

Сізге де, сізге де, сізге де

Саулық тілейміз біз!

ІІ. Оқушының субьекті тәжірибесін өзектілеу кезеңі.-Үйге берілген тапсырманың орындалуын тексеру.

-Септік жалғаулары туралы сұрақ-жауап арқылы білімдерін пысықтау.

-Атау септік нені білдіреді?

-Атау септік сұрақтары қандай? Кім? Не? Кімдер? Нелер? Кімі? Несі?

-Ілік септік нені білдіреді?-Ілік септіктің сұраұтары қандай? Кімнің? Ненің? -ның, -нің, -дың, дің, -тың, -тің,. ІІІ. Жаңа сабақты оқып білу кезеңі.

1.Сабақ тақырыбын таныстыру.

Барыс септігі және оның сұрақтары мен жалғауларын таныстыру. Барыс септігі іс-қимылдың бағытын ,мекенін,мезгілін білдіретінін ұғындыру.

3.Дәптермен жұмыс.

Күн ретін,сынып жұмысын,көркем жазу жаздыру.

Көру диктантын жазу (сурет бойынша)

4.Оқулықпен жұмыс.

1-жаттығу. «Менің балғын достарым» .С.Жиенбаев.

-Өлеңді мәнерлеп оқу.

-Қарамен жазылған сөздердің түбірі мен қосымшасын табу.

Ережені оқытып,таныстыру.

2-жаттығу.

-Мәтінді түсініп оқу.

-Мәтіннен ілік,барыс септіктегі сөздерді тауып,өзі байланысатын сөздерімен бірге теріп жазу.

3-жаттығу.

- Жұмбақтарды көшіріп жазу.

-Барыс септіктегі сөздерді тауып,сұрақ қою.

-Жұмбақтарды жаттату.

4-жаттығу.

-Мақалдарды көшіріп жазу.

-Барыс септіктегі сөздерді тауып,қосымшасын белгілеу.

-Мақалдың мәнін түсіндіру.

5-жаттығу.

-Мәтінді оқу.

-Барыс септіктегі сөздерді өзі байланысатын сөздерімен теріп жазу.

ІV.Жаңа білім іс-әрекет амалдарын қорытындалау кезеңі.-Бүгінгі сабақ не туралы болды?

-Ілік септік нені білдіреді екен?

-Ілік септіктің сұрақтары қандай ?

-Атау септігінен айырмашылығы неде?

-Барыс септігі нені білдіреді?

-Барыс септігінің сұрақтары мен жалғауларын ата.

-Барыс септігі қандай мүшемен тікелей байланысады екен?