Бастаулардың бастауы тақырыбына арналған сабақ жоспары

Мектеп: ҚОЖББМ

Мерзімі: 20.11.19ж

Тақырып: №11 « Бастаулардың бастауы»

Құндылық: Тыныштық

Қасиеттер: сыйластық,сыпайылық,сабырлылық,төзімділік,жауапкершілік

Мұғалiм: Бердібекова.М.Ж.

Сынып: 3 Оқушылар саны:17

Сабақ мақсаты: Оқушыларды қарым-қатынас мәдениетіне үйрету, олардың әдеп, әдеп сақтау ұғымдары туралы түсініктерін кеңейту.

Міндеті:Білімділік: Оқушылар әдеп, әдеп сақтау туралы түсініктерін тереңдету;

Дамытушылық: Оқушылардың этикалық қарым-қатынастарын дамытуға ықпал ету;

Тәрбиелік:Оқушыларды ізетті, ілтипатты, сыпайы болуға тәрбиелеу

Сабақ барысы:

1.Ұйымдастыру кезеңi. 2 мин.

Сәлемдесу, оқушылардың көңіл-күйін сұрау, сабаққа қатысуды тексеру. 5-Тережесін еске түсіру.

2.Тыныштық сәтi. 3 мин.

«Арманымның суреті». Барлығымыз көзімізді жұмып, қандайда бір арманымызды көз алдымызға елестетеміз. Ең маңызды армандарыңды таңдаңыздар. Енді көзімізді ашып өздеріңнің армандарыңның суретін саламыз.Соңында суреттері бойынша өз ойларын сұрап шығамын.

3.Үй тапсырмасын тексеру. 5 мин.

«Мейірім » әңгімесін сұрау.

Сабақ барысын талқылау:

4.Дәйексөз.

«Отбасы- жылықтың ұясы».

5.Әңгiмелеу (сұхбат). 3мин.

Қастек Баянбайдың «Үйің» әңгімесін тыңдату.

Туған үй несімен қымбат?

Туған үйі адамға не үйретеді?

Туған үйге оралғанда адамдар қандай әсерге бөленеді?

Туған үйіңді қалай қадірлейсің?

Жаңа ақпарат

Әрбір адамның өз туған үйі бар. Әркімге өз туған үйі бәрінен де ыстық. Сондықтан адам қашанда өз үйін аңсап тұрады. Туған үй жаныңды жылытады, қуаныш сыйлайды, көңіліңді көтереді. Туған үйде өзіңді сағына күтетін адамдар бар. Туған үйдің жылуы адамға қуат береді.

Туған үй- береке- бірліктің, татулықтың ордасы.

6.Шығармашылық жұмыс, топтық жұмыс. 12 мин.

1- тапсырма. Туған үйге қатысты жылы сөздерді топтастырып жазыңдар.

2- тапсырма. Көп нүктенің орнына қажетті сөзді қойып, мақал-мәтелдерді оқыңдар.

3- тапсырма.Өз үйлерінің суретін салыңдар.

4-тапсырма.Суреттерге қарап, әңгіме құрастырып айтыңдар.

5- тапсырма.Отбасы ережесін құрастырып жазыңдар.

6-тапсырма.Өз отбасыңдағы жақындарыңның бойындағы жақсы қасиеттерді тізіп жазыңдар.

7.Дәптермен жұмыс дәптердегі 1-тапсырманы тексеру.

8.Топпен ән айту. 3 мин.

«Қошақаным қайда екен» Өлеңі: Сабырхан Асанов.

Әнін жазған:Әсет Бейсеуов

9.Үй тапсырмасы. 2 мин.

Қасым Қайсенов«Үйді сағындым»әңгімесін оқып келу.

10.Қорытындылау,соңғы тыныштық сәтi. 3 мин.

Балалар, енді бір сәт тынышталайық.