Бастауыш мектептегі сабақ туралы баяндама

«Жетісу облысы білім басқармасының Сарқан ауданы бойынша білімі» мемлекеттік мекемесінің «К.Ушинский атындағы орта мектебі мектепке дейінгі шағын орталығымен» коммуналдық мемлекеттік мекекмесі

(білім беру ұйымының атауы)

«Бастауыш мектептегі сабақ, басымдылықтар және жетілдіру стратегиялары»

Баяндаған : Мамрай А.А

2022 - 2023 оқу жылы

Инклюзивті білім беру жалпы білім беру кеңістігінде ерекше білім беруді қажеттіліктері бар балаларды оқыту дегенді білдіреді Алайда, бұл қарапайым мектепте ерекше білім беруді қажет ететін оқушының анықтамасы ғана емес, керісінше, бұл бейімделген оқу жоспарын, бейімделген оқыту әдістерін, бағалаудың түрлендірілген әдістерін және қолжетімділікті қамтитын бірқатар арнайы жағдайды жасау болып табылады.

- баланың сабақта өзін-өзі ұстау ережелерін орындауға қабілетсіздігі: партада отыра алмайтын, тұрып, сынып ішінде жүретін; мұғалімнің ескертулерін, талаптарын орындай алмайтын (елемейді); мұғалімнің талаптары мен нұсқаулықтарын қиын түсініп және қабылдайтын; белгілі бір іс-әрекетті орындау үшін мұғалімнің үнемі жекелік көмегін және қолдауын қажет ететін балалар; - сабақта өзін-өзі ұйымдастыру және өзін-өзі бақылау қиындықтары: баланың өзі сынып жұмысына қосылмайды және сынып тапсырмаларын ересек адамның көмегінсіз орындамайды; - мінез-құлық және эмоциялық ерекшеліктері: дауыстап сөйлейді, себепсіз күлкі, айқайлап, жылап, басқа балаларға және сынып жұмысына кедергі келтіреді, мұғалімге агрессия көрсетеді. Мұның барлығы инклюзивті сыныпта жұмыс істейтін мұғалімнің қолдауын қажет етеді.

. Инклюзивті білім беруді дамытудың қазіргі кезеңінде арнайы білім беру қажеттіліктерінің келесі анықтамасын қолдану ұсынылады – бұл оқушылардың психологиялық, педагогикалық, әлеуметтік және басқа көмекке деген қажеттіліктері, онсыз сапалы білім алу мүмкін емес. Инклюзивті білім беру баланы емес, жүйені өзгертуді көздейді.

Ол барлық баланың әртүрлі екенін және мектептер мен білім беру жүйесі барлық оқушылардың жеке қажеттіліктеріне бейімделуі керек екенін мойындайды... инклюзив... барлығын бірдей етуге ұмтылу ... дегенді білдірмейді.

Оның түйінді құрамдас бөлігі – икемділік, яғни балалардың әртүрлі жылдамдықта оқитынын және мұғалімдердің оқыту үдерісін икемді етуі үшін нақты дағдылардың қажет екенін мойындайтын икемділік болып табылады.

Көп жағдайда балаларға жақсы, түсінікті, қолжетімді оқыту қажет. Ал бұл, өз кезегінде, баланың жеке қажеттіліктеріне, қабілетіне және даму ерекшеліктеріне сәйкес келетін әртүрлі әдістерді…