Бастауыш сынып мұғалімдеріне арналған сабақ материалы

Тақырыбы: Сыңғырла, соңғы қоңырау!

Жүргізуші: Құрметті ата-аналар,аяулы ұстаздар,қымбатты оқушылар, және бастауышты бітіруші түлектер!

Міне,бүгін қызығы мен қиыншылығы мол,әр оқу жылы қайталанбас тарихқа толы мектептің мерекесі,оқушылардың сыныптан –сыныпқа көшіп,асыға күткен

жазғы демалысқа шығарып салатын соңғы қоңырау салтанаты. Баршаңызда қош келдіңіздер!

Биылғы 2014 жылдың 17 қаңтары күні Елбасымыз Н.Ә.Назарбаев «Қазақстан жолы – 2050: Бір мақсат, бір мүдде, бір болашақ» атты жолдауын жариялады.

Елбасының «Қазақстан жолы - 2050: бір мақсат, бір мүдде, бір болашақ» атты Жолдауы бойынша Президенттің жалпыұлттық идеясы - болашақ табыстардың негізі екені баса айтылды. Ал ең бастысы - еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясы жарияланды. «Мәңгілік ел» идеясы - елімізді өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.

Думанды дүбір, ән жырлы

Жайқалған өмір жас бағы.

Мінеки, тағы бір жылды

Сырғытып кейін тастады.

Ұстаздардың – жаны нұр

Шаттық күйін бөліскен.

Аяқталды тағы бір

Оқу жылы жеміспен.

Жайнаса бал-бұл бүлдіршін

Бір сынып тағы өрлеген

Түлектер тұйық, кім білсін

Сезім бе қимас кернеген.

Кеше ғана тұлымдары желбіреп,жүректері лүпілдеп,мектеп қабырғасын имене аттаған ұл-қыздарымыз ойы толып,бойы өсіп,бастауыш буынмен қоштасқалы отыр.Бұл күн-мектеп тарихында,бастауышты бітіретін 4 сынып оқушылары

есінде мәңгі өшпесі анық.

Жүргізуші:

Жас жүректің өмірлік құштары- гүл

Бағбан- ұстаз баулыған құстары –бұл

Қоштасып бүгінгі күн бастауыштан

Сол құстардың бір тобы ұшқалы тұр, деп бастауышпен қоштасқалытұрған 4 сынып оқушыларын ортаға шақырамыз

1.4 «а»сыныбы Сынып жетекшісі

Ажмуратова Саида Орынбасарқызы

2.4 «ә»сыныбыСынып жетекшісі

Сайнова Нұрлы Сайнқызы

3 4 «б»сыныбы Сынып жетекшісі

Жунусова Шолпан Тыныштыбайқызы

4.4 «в»сыныбыСынып жетекшісі

Масалимова Рысгүл Ерғазықызы

Жүргізуші: Көптен күткен көк Байрақ желбіреді,

Күннің көзі көктемдей елжіреді.

Мұнан ыстық,жалын-от бар ма,сірә,

Отан-әнмен жүрегім тербеледі.

ҚР мемлекеттік Әнұраны орындалады

Туды көтеру рәсімі 4 а сыныбының оқу озаты Сарсенғалиева Айнұр мен 4 в сыныбының оқу озаты Айтен Диасқа беріледі.

Елбасы Жолдауында білім саласы қызметкерлерінің алдына үлкен міндеттер қойды. «Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3 - 6 жас аралығындағы балаларды мектепке дейінгі біліммен 100 пайыз қамту жоспарлануда. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс», деп атап көрсетті.

«Қазақстан жолы- 2050» Стратегиясимволының негізі мемлекеттік елтаңба, шаңырақ, кереге, дархан дала көкжиегі, теңіздің шексіздігі, ағайынды жұрттың қол ұстасуы мен ел бірлігі. Белгінің мазмұны бірлік пен қуатта.Аталмыш белгі Қазақстан халқына етене таныс және жақын болып келетін дөңгелек шеңбер түріндегі қиылысқан жартылай мөлдір сәулелерден тұрады.

Елбасының әр Жолдауы - толғауы терең қайталанбас дүние. Биылғы Жолдау да Президентіміздің өзіндік стиліне сәйкес көптеген ерекшеліктерімен ел есінде қалады деген сенімдемін.

Ән: « Бақытты балалық шақ»

Орындайтындар: 4 сынып оқушылары Алталиева Дильназ, Қосжанова Мира

Сөзін жазған:

Әнін жазған: