Бастауыш сынып мұғалімінің шығармашылық есеп презентациясы

Мариногорка орта мектебі КММ-нің

бастауыш сынып мұғалімі Д.М Сурашеваның

шығармашылық есебі:

Бүгінгі күн мемлекетіміздің өркениетке жету жолындағы өр талабына тұғыр боларлықтай ұрпақ оқыту, тәрбиелеу ісін жаңа сапалық өзгерістер деңгейіне көтеруді талап етіп отыр. Мектеп құрылымындағы болып жатқан өзгерістер, білім беру мақсаттарының алмасуы, оның дамытушылық сипаттарының бекітілуі сияқты мәселелер шығармашылық жұмыстың жоғары сапасын, жеке кәсіби шеберлікті талап етеді.

Мариногорка орта мектебінің 2,4 «а» сыныбы 2018-2019 оқу жылында барлығы 11 оқушымен бастадым. Олардың 4- қыз, 7 ұл бала. Ұстаз еңбегі – ұлы еңбек.Сондықтан да ұлы ақын Абайдың:

Ақырын жүріп, анық бас,

Еңбегің кетпес далаға.

Ұстаздық еткен жалықпас

Үйретуден балаға,

- деп айтуында терең мағына жатыр.

Олай болса ұстаз еңбегі қашан да шәкіртінің білімі мен біліктілігімен ерекшеленеді.

Бастауыш сынып оқушыларын оқыта отырып, менің алдыма қойған мақсатым: Бастауыш мектепте заманауи технологияларды пайдалана отырып, оқушылардың білім, білік дағдыларын жетілдіру. Оқушыларды түсініп оқуға, жазуға, санауға, дұрыс және толыққамды сөйлеуге үйрету; Әр оқу пәнінің әдіс – тәсілдерімен Отанға сүйіспеншілік, өз еліне, тіліне сыйлы қарым–қатынастарын тәрбиелеу; Оқу процесінде оқушының шығармашылығын дамытуға қолайлы жағдай туғызу; Қоғамдық өмірге бейімделген жеке тұлға қалыптастыру.

Қазіргі таңда мамандық атаулының барлығы бейімділікті, ептілікті, шапшаңдықты, ерекше ой қызметін, мол шығармашылық мүмкіндікті, өзін – өзі қоршаған түрлі жағдайларға тез икемделіп қоймай, оларды керекті бағытына шығармашылықпен бұра білу қабілеттілігін қажет етеді.

Ендеше ертеңгі күні қазақ мектебін бітірген жас ұлан қоғам алдында дәрменсіздік көрсетпеу үшін мамандықтың кез- келген саласына қажетті білік дағдыны мектептен алып шығу керек. Ал білім негізі мектептен қаланады.

Осы мақсатқа қол жеткізу үшін «Оқушылардың танымдық және шығармашылық белсенділіктерін арттыру» әдістемелік тақырыбында жұмыс жүргізудемін.

Сабақтарымда көбінесе ой толғау, терминдерден болжау жасау, «оқиға картасы», «ақпараттық сүзгі», «Ыстық орындық», өз бетімен жазу, ой – пікірлер т.б. элементтерді пайдаландым.Осы пайдаланған әдістер бойынша оқушылардың өз бетімен ойларын жазуы,айтуы, сөйлеу мәнері, қабілеті,өз ойларын дәлелдей алуы, бір-бірінің еңбегіне баға беруі тәрізді жеке қабілеттері дами түсті.

Сонымен қатар осы технология бойынша ашық сабақтар өткізіп: «білемін, білдім, білгім келеді» жүйесі бойынша оқушылар өз ойларын жүзеге асырды. Олар сабақта алған әсерлерін айтып бере білді.

Педкеңестерде, әдістемелік кеңестің отырысында, коучинг семинарларға қатысып өзіндік білімімді жетілдіріп отырдым. 2018-2019 оқу жылында бастауыш сынып апталығында осы технологияның элементтерін пайдалану арқылы жаратылыстану пәнінен «Жердің ауа қабаты» тақырыбына ашық сабақ өткіздім. Сабаққа мұғалімдер қатысып, талданды. Күнделікті сабақ барысында тапсырма түрлері өзгертілді. Мынандай білім беру технологияларының әдістерін қолдандым. СТО, диалогты оқыту, АКТ.

Оқушының шығармашылық қабілетінің дамуы басты нысана болып алынумен байланысты, оқулықтарда берілген тапсырмалардан басқа өздігінен бақылау жүргізу, қарапайым тәжірибе, мәтінмен, сызбамен, суретпен, диаграммамен жұмыс істеу, жекеден жалпыны шығару, жалпыны жекелей қолдану т.б. сияқты оқушыны іскерлікке, дербестікке баулитын, ойына түрткі болып, шығармашылыққа жетелейтін, өздігінен іздене алуға үйрететін әдіс-тәсілдер мен мазмұндық ойындар, қызықты тапсырмалардың тұрақты жүргізіліп отырылуы оқушылардың білім, білік, дағдыларының нәтижелі ететінін нақтылай түседі. Осы жұмыстар барысында жыл сайын оқушылардың жетістіктері артып келеді.

2017-2018 оқу жылында бастауыш сыныптар арасында республикалық матиматикалық олимпиадасы болды. Осы республикалық математикалық олимпиядасында -2 оқышы 1 орындарға ие болды. Сонымен қатар І республикалық 1-4 сыныптар арасындағы бірлескен пәндер арасында олимпиададан 3 оқушы қатысып- 1 орынға ие болды.

Облыстық қазақ тілінен «Айналайын» олимпиадасына 3 оқушы қатысып- 2 оқушы 3 орынға ие болды, облыстық математикадан «Малахит» интеллектуалды олимпиадасына 2 оқушы қатысып, 1 оқушы -3 орынға ие болды.

Сонымен қатар сыныптан тыс тәрбие сағаттарын өткіздім. «Ана-өмірдің гүлі», «Қош келдің әз Наурыз», «Жігіттер сұлтаны». Наурыз мерекесіне арналған ашық тәрбие сағатын өткіздім. Ашық тәрбие сағатына директордың орынбасарлары қатысты.

Дарынды және үлгерімі төмен оқушылармен жүргізілетін жұмыс жоспарларын құрадым. Кауленова Н, Зайттен Е, Сайкен А, деген оқушыларым мәтінді әңгімелеу, сурет бойынша әңгіме жазу, шығарма, мазмұндама жұмыстарын өте жақсы орындайды. Математика пәнінен мысалдарды шығару, есеп шығару, теңдеуді шешу, логикалық есептерді шығаруға өте зерек.