Бастауыш сынып оқушыларының креативтілігін арттыру

Аннотация

 Бұл жұмыста оқыту мен тәрбиелеудің тиімділігін арттыратын,

оқушылардың жоғары шығармашылық деңгейін қамтамасыз ететін шығармашылық - зерттеу жұмыстарының нәтижесі анықталады. Жұмыста шығармашылыққа баулудың әдіс-тәсілдері мен жағдайларының жолдары, сабақтан тыс уақытта оқушылардың шығармашылық қабілетін дамытудың жұмыс түрлері ұсынылады.  Шығармашылыққа баулудың нәтижесі, алған білімін толықтырып,

кеңейтіп, жоғары деңгейде ойлайтын, өзіндік идеясын жүзеге асыруда пікірі мен тұжырымын дәлелдей білетін, саналы түрде рефлексивті әрекетке түсе алатын, креативтілік қабілеті дамыған тұлға шығатынын айғақтайды.

Аннотация

 В этой работе определяются результаты развития исследовательской

деятельности учащихся в целях повышения обучения и воспитательного процесса, где учитываются высокие творческие способности. В работе предоставлены методы и способы воспитания к творческой деятельности, виды работ во внеурочное время для развития творческих способностей учащихся.  Результатом воспитания к творчеству выявляется та личность, который

дополняет и расширяет свой знания, у которого мышление на высоком уровне, который может претворять в жизнь свои идеи и доказать свои выводы, осознанно вступая в рефлексивные действия и у которого креативные способности.

Кілттік сөздер:

Мінездеме, мағлұмат, салыстыру, менін, менің, креативтік, шумақтар, салыстыру, кейіпкер, ертегі, мәтін, ой шапшаңдығы.

Бастауыш сынып оқушыларының креативтілік қабілеттерін

арттыру бағытындағы жұмыстар

Бүгінгі күннің талабы бойынша оқушыларды жаңа ақпараттық технологиямен және оқыту мен тәрбиелеудегі ең озық, ең тиімді әдістерді қолдана отырып, оқушыладың креативтілік қабілеттерін арттыру білімнің сапалы болуына ықпал етеді. Креативтілік – ағылшынның «Creativity» сөзінен аударғанда шығармашылық деген мағынаны береді. Шығармашылық дегеніміз – адамның өмір шындығына, өзін-өзі тануға ұмтылуы, ізденуі. Өмірде дұрыс жол табу үшін дұрыс ой түйіп, өздігінен сапалы, дәлелді шешімдер қабылдай білуге үйренуі.

«Өткенге қарап басымызды иеміз, ертеңге қарап білек сыбанамыз» демекші, бүгінгі бала-ертеңгі азамат. Сондықтан мектептің, мұғалімнің ең басты міндеті – рухани бай, жан-жақты дамыған тұлға қалыптастыру. Әр мұғалімнің алдындағы ізгі мұраты-өз пәнінен білім беріп қана қоймай , әр баланың «менін» ашу, сол «менді» креативті тұлғаға жетелеу. Креативтілік дегеніміздің өзі іздемпаздықтан туады. Кереативтілікті баулу, қалыптастыру процесі нақ мектепте басталады. Кез-келген оқушы мұғалімнің басшылығымен орындаған шығармашылық жұмысының нәтижесінде өзінің ішкі мүмкіндіктерін дамытады. Уақыт талабына сай оқушылардың креативтілік қабілетін дамыту үшін, оқытудың жаңа ақпараттық технологиясын пайдаланған жөн деп ойлаймын. Шығармашылыққа үйрету үшін мынадай жағдайларды ескеру тиіс.

Мұғалім ең алдымен: - сыныпта шығармашылық көңіл-күй тудыру үшін баланың назары бір нәрсеге бағытталуы керек; - әрбір шығармашылық тапсырманы оқушыға ұсынудың мазмұны жеткіншектердің жас ерекшелігіне, қызығушылығына үлесуі тиіс; - оқушылардың шығармашылықпен айналысуына мектепте, сабақ үстінде, үйде қолайлы жағдай туғызу; -шығармашылық бағытқа баланы жүйелі, сапалы түрде қалыптастырып отыру қажет.

Оқушыларды шығармашылық жұмысқа баулып, олардың белсенділіктерін, қызығушылығын арттыра түсу үшін, шығармашылық қабілеттерін сабаққа және сабақтан тыс уақытта дамытуда әр түрлі әдіс- тәсілдерді қолдануға болады.

Олар мыналар: 1.тақырыпты мазмұнына қарай жинақтау; 2.арнаулы бір тақырыпта пікірталас тудыру; 3. логикалық ойлауын дамытатын ойындармен берілген тапсырмаларды шешу /ребус, сөзжұмбақ, құрастырмалы ойындар т.б./

4.берілген тапсырманы түрлендіру бағытындағы жұмыс / кері есеп құрастыру, мәтін мазмұнын өңдеу, шығарма, шағын әңгіме, мәтін құру,т.б.

5.әңгіменің ұқсастығын салыстыру, бөліктерге бөлу, ат қойғызу;

6.ұнатқан кейіпкеріне мінездеме беру;