Бастауыш сыныпқа арналған Құстар – біздің досымыз тәрбие сағаты

Күні:

Тақырыбы: «Құстар біздің досымыз» «Құстар»

Құстар қозғалысын бейнелеп,дене бөліктерін ажырата білуге үйрету. Құстардың бейнесін сала білуге үйрету, сурет салуға деген қызығушылықтарын арттыру.Құстарға қамқорлық жасап, қорғай білуге тәрбиелеу.

Қолданылатын көрнекі құралдар: Демонстрациялық материалдар.

Әдіс-тәсілі: Құстар,қамқорлық.

Әрекет

кезеңдері

Тәрбиешінің іс-әрекеті

Балалардың іс-әрекеті

Мотивациялық – қозғаушы

Тәрбиеші балаларды терезе алдына шақырып, даладан естіліп тұрған көктемгі құстардың сайрағанын тыңдатады. Терезені жауып, орындарына отырғаннан кейін көктемде құстардың жылы жақтан келуі, балалардың құстарға арнап ұя жасап жатқан суреттерін көрсете отырып көктемдегі құстардың тіршілігі туралы әңгімелейді.Балаларға құстардың қалай ұшатынын,дыбысын, қимыл-қозғалысын көрсетеді.Құстарды қорғап, қамқор болу керектігін түсіндіреді.

Терезе алдынан көктемдегі құстардың сайраған дыбыстарын естігендерін айтады.Суретке қарап өздеріне таныс құстарды атайды.Құстардың қанат жайып ұшуын, жем шоқып жеуін,торғай сияқты секеңдеп жүруін қимылмен көрсетеді. «Құстар», «торғай» сөздерін қайталап айтады.

Ұйымдастырушылық ізденістер

Тәрбиеші балаларға құстардың бейнесін салуды ұсынады.Дайын сурет үлгісі бойынша құстардың денесі сопақша, дөңгелекке,тұмсығы, қанаттары, құйрығының үшбұрышқа ұқсайтындығын түсіндіреді. Торғайдың бейнесін ауада салып көрсетеді. Балаларға дайын торғайдың суреті салынған дәптерді таратады. Дәптердегі торғайдың суретін бояуды тапсырады. Бояу қарындашпен тегіс, біркелкі бояу тәсілін көрсетеді. Сергіту сәті:

Торғай болып ұшайық,

Ұшып-ұшып алайық.

Бүркіт болып аң аулап,

Қыран құс боп самғайық.

Балалар суретке қарап құстардың дене бітімін сипаттап айтады. Ауада торғайдың бейнесін салып көреді. Сурет дәптеріндегі торғайдың дайын суретін түрлі түсті қарындашпен сызықтардың шетіне шығармай бояйды.

Өлең жолдарына сәйкес қимылдар жасайды.

Рефлексивті-коррекциялаушы

Тәрбиеші балалардан қазір жылдың қай мезгілі екендігін, қандай құстарды білетіндерін сұрайды. Құстарға әрдайым қамқор болу керектігін айтады.Еңбек нәтижесіне балалармен бірлесе талдау жасап, қандай құстың суретін салғанын сұрап, жақсы сурет салған балаларды мадақтайды.

Қазір жылдың қай мезгілі екендігін, өздері білетін құстарды атап айтады.Кім қандай сурет салғаны жайында өз ойларын айтады.

Күтілетін нәтиже:

Біледі: Құстарды қорғап, қамқорлық жасау керектігін;

Игереді: Құстардың көктемгі тіршілігі жайындағы түсініктерді;

Менгереді: Құстың суретін сызықтың сыртына шығармай біркелкі бояуды.