Бастауыш сыныпта ақылды технологияларды пайдалану

БАСТАУЫШ БІЛІМ БЕРУДЕ СМАРТ ТЕХНОЛОГИЯНЫ ҚОЛДАНУ

Алипкалиева Гульфия Бекетовна

БҚО, Орал қаласы, «Өрлеу» біліктілікті арттыру ұлттық орталығы» акционерлік қоғамының филиалы «Батыс Қазақстан облысы бойынша педагогикалық қызметкерлердің біліктілігін арттыру институты»

Жаратылыстану және гуманитарлық пәндерді оқыту әдістемесі кафедрасының аға оқытушысы

Білім беру мазмұнын жаңарту білім берудің қазіргі заманғы үрдістерін және қазақстандық білім берудің үздік практикасын кіріктіруге бағытталған. . Оқушылар барлық пәндерді оқу кезінде ақпараттық-коммуникациялық технологияларды қолдану дағдыларын дамытады.

Қазақстан Республикасының «Білім туралы» заңының 8-бабында «Білім беру жүйесінің басты міндеттері: ақпараттандыру, оқытудың жаңа технологиясын енгізу, халықаралық коммуникациялық желілерге шығу»-деп көрсетілген /1,б. 3/

Егеменді еліміздің тірегі – білімді ұрпақ. Қазіргі кезде біздің қоғамымыз дамудың жаңа кезеңіне көшіп келеді, бұл кезең ақпараттық кезең, яғни компьютерлік техника мен оған байланысты барлық ақпараттық коммуникациялық технологиялар педагогтар қызметінің барлық салаларына, оның табиғи ортасына айналып отыр.

«СМАРТ оқыту» – оқытудың жаңа түрі, уақытқа, кеңістікке шектелмей, ыңғайлы білім алу үдерісі. Бұл әлеуметтік желілер арқылы білім алу, алмасу, жеке тұлғалық ерекшеліктерді ескере отырып оқыту қызметі оқушыға бағытталған, бағдарланған оқыту ортасы.

«ХХІ ғасыр – технология ғасыры» болғандықтан, Қазақстан әлем бойынша ең жаңа деген оқу формаларын зерттеп, білім саласында үнемі жаңарту жасап келеді. Сұранысқа орай технология дамып келеді.

Технологияның қарқынды дамуы біздің сөздік қорымызға жаңа ұғымдарды енгізді.

Қазіргі заманғы ақпараттық қоғам біртіндеп СМАРТ қоғамға қадам басып келеді. Бүгінгі таңда смарт технологияларды пайдаланудың маңызы зор. Қазіргі кезде оқушылар үшін жай ғана сауаттылық және оларды белгілі біліммен ғана қамтамасыз ету жеткіліксіз. Оқушының өзбетінше білім алуына, ізденуіне көп мән берілуі тиіс. Олардың кәсіптік білім алуымен қатар ізденімпаз, тапқыр, ой-өрісі жоғары, өз пікірін ашық білдіретін жаңашыл ұрпақ етіп тәрбиелеу. Осы аталғандарды іске асыру үшін сабақта смарт технологияларды пайдаланудың маңызы зор болмақ.

Смарт технологиямен жұмыс істеу — компьютерді пайдалануға, модельдеуге, электрондық оқулықтарды, интерактивті тақтаны қолдануға, интернетпен жұмыс істеуге, компьютерлік оқыту бағдарламаларына негізделеді.

Білім беру жүйесін ақпараттандыру мақсаты:

оқушылардың ойлау қабілетін жетілдіру,

сабаққа деген қызығушылығын арттыру;

білім сапасын арттыру;

оқушыларды ақпараттық сауаттылыққа тәрбиелеу.

Міндеті:

Заман талабына байланысты ақпараттық қоғамның шарттарына сәйкес оқушыларды тұрмыстық және қоғамдық және кәсіптік өмір салаларына толық әрі тиімді араластыру болып табылады.

Осы мақсаттарға жету үшін мынадай әдіс-тәсілдерді пайдаланамыз:

модульдік оқыту;

тұлғалық бағдарлау;

даралық және топтық оқыту.

Күтілетін нәтиже:

оқушының ұстаз дәрісін жалыға тыңдаушыдан белсенді ойлаушы, ізденімпаз шәкіртке айналуы;

қабылдаған жаңа ақпаратты саралап, мәселені өзі шеше алуға мүмкіндігі бар оқушы дайындау;

оқушының тіл байлығын, шығармашылық қабілетін арттыру.

әртүрлі ақпарат көздеріне жол ашу;

оқушылардың өздік жұмыстарының тиімділігін арттыру;

оқытудың жаңа формалары мен әдістерін іске асыруға мүмкіндік беру.

СМАРТ технологияның мұғалім үшін тиімділігі:

мұғалім уақытын үнемдейді;

мұғалімнің оқу материалын жүйелі түсіндіруге мүмкіндігі ашылады;

оқушылар өз бетімен жұмыстанады;

оқушы сабақ барысында өз білімін көтереді;

оқушыда қабылдау күшейеді.

Ғалымдардың зерттеуіне сүйене отырып, компьютерлік бағдарламалардың қолданылуының үш негізгі формасын бөліп алуға болады:

компьютерлік қолдаумен жүретін сабақтар;

оқушылардың бағдарламамен өздік жұмысы;

қашықтан оқыту (мұғалім мен оқушының компьютерлік торап арқылы өзара іс-әрекеті).

Бастауыш сыныпта смарт технологиясы оқу бағдарламаларды жүзеге асыру үшін қолданылады, ол тек қана оқыту үрдісін құралдық технология бойынша жүргізу емес, сондай-ақ инновациялық оқу бағдарламалар мен пәндерді қамтиды. Сонымен қатар, СМАРТ технологиялар оқу әдістемелік материалдарды жаңаша құрастырып әзірлеуге, оқушыларды белгілі бір бағытта оқытуға мүмкіндік береді. Бүгінгі күні, сабақ барысында мультимедиялық презентацияларды қолдану, Microsoft Power Point сияқты бағдарламалық пакеттер арқылы жұмыстану кеңінен қолданылады. Әдеттегі презентациялық технологиялардан бөлек, білім саласына интерактивті технологиялар еніп, жаңашыл үрдістік бағытқа көшіп отырмыз.…