Бастауышым – балбұлағым тәрбие сағаты, 4-сынып

Тақырыбы: « Бастауышым балбұлағым»

Мақсаты: 1. Білімнің сара жолының бастауыштан басталатынын, бастауышта алған білімнің негізі болып қалатынына көз жеткізу;

2. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында сабақ беретін ұстаздармен таныстыру, әр баланың ерекшеклігін таныта отырып, сәт - сапар тілеу;

3. Білім берер ордасы мектепті, ұстаздарын құрметтеп, білімге деген құштарлығын арттыру. Өз Отанының адал ұлы мен қызы болуға тәрбиелеу.

Көрнекілігі: Қанатты сөздер мен тақырып, шарлар.слайд, безендірілген сахана

Мұғалімнің сөзі: Армысыздар, ұстаздар мен оқушылар, ата-аналар,ақ жаулықты әжелер, асқар тау әкелер! Армандасаң да, қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып бір жылға тағы да есейгелі отыр. Ендеше, қызықты да, ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына өз өнерлерін көрсетуге дайын.

Бағлан: Мына жердің сондай құлпырғанына жол болсын. Әсел, мұнан сенің қандай хабарың бар?

Әсел: Бағлан - ау, қандай хабарың бары не?! Бұл жерде үлкен мереке. Ой, сенің осы әдетің - ай, үнемі жаңалықтан құр қалып, кеш естисің де жүресің.

Бағлан: Олай болса, мен естімеген қандай жаңалық? – Ойхой, мына қызды қара, көңіл - күйін қара?

Мырзахметова Аружан Шығыс биі «Русалка»

Бағлан: Әсел бұл керемет билеген кім?

Әсел: Бұл бастауышпен қоштасып жатқан 4 - сынып оқушысы. Біле білсең ,біздің сыныптас достарымыз –Аружан

Әсел: Ой,Бағлан, сенің көңіл - күйің жоқ сияқты ғой?

Бағлан: Дұрыс айтасың ,Әсел қуанышпен қатар көңіліме кірбің ұялап тұрғанын- да жасыра алмаймын. Өйткені, біз бүгін білімнің бастауы болған бастауышпен, ең қиыны ең алғаш қолымызға қалам алдырып, әріптерді жаттатқызып, әліппені үйреткен алғашқы ұстазымызбен де қоштасамыз.

Әсел: Ияяя, Бағлан... мұңайма. Бұл біздің кішкене болса да есейгеніміздің белгісі. Одан да өткен 4 жылға шегініс жасап, алғашқы мектеп табалдырығын аттаған сәттерімізді еске түсірейік.

Перне тақта немесе теледидардан видео көрсетіледі «Менің мектебім – менің әлемім»

Әсел: Білім бізді қызғалдақтай гүлдетті,

Бастауышты тәмәмдайтын күн жетті.

Қошеметпен шақырамыз ортаға,

Қадам басқан шәкірттерін құрметті, - дегендей,

Әсел мен Бағлан хормен: Бастауыш сыныпты бітіруші түлектерімізді ортаға шақырайық!

Мұғалім Толқимыз, толқып тұрсыз баршаңыз да

Мұндай күй болған сірә қаншаңызда.

Қол соғып, қошеметтеп қарсы алайық,

4 «В» сыныбын ортамызға!

Музыка әуенімен бастауыш түлектері ортаға келеді.

Мұғалім: Ажырамай мектеппен бір елі сіз,

Жақсылыққа жаралған жүрегіңіз.

Сөз берелік құрметпен өзіңізге,

Түлектерге арналсын тілегіңіз, - дей келе мерекелік кешімізді ашу үшін сөз білім ордамыздың басшысы Калима Төлегеноваға беріледі.

Роза ән айтады:

Аңсаған: Бала шаққа болашақты жырлатып,

Шәкірттерге ой түзеткен сымбатты.

Күн нұрындай сәуле құйған көңілге,

Армысыздар, ұстаздарым қымбатты.

Абылайхан: Армысыздар, әжелер мен аналар,

Ұрпағыңыз күнде өзіңнен бата алар.

Ел дәстүрін мәңгі сыйлап оқы деп,

Үйреткен ғой Абай, Ыбырай бабалар.

Айдана: Армысыздар, өр тұлғалы әкелер,

Қыран құстай балапанын мәпелер,

Бүгін міне бастауышпен қоштасат,

Азамат боп кешегі сәби еркелер.

Нұрсұлтан: Армысың сен алтын ұя мектебім

Саған айтар жыр алғысым көп менің.

Жүректерге жаққан білім шырағын,

Мектебіме арналады бұл әнім.

Лаура: Дұрыс айтасыңдар! Бұл мектептен қаншама адам тәлім алған десеңші. Менің атам да, әжем де, әкем де, анам да енді міне мен де мектептен тәләм алудамын.

Әсел: Олай болса! Алтын ұя мектебімізге арнап Нұржан Қылыш ағамыздың «Аяулы әнім мектебім» әнін шырқайық

Бағлан: Ия, мектебімізге қандай жыр арнасаң да жарасады. Ендеше, мектеп жайлы бір көрініс көрсетіп жіберсек қайтеді .

Әсел Оспанхан Әубәкіров « Дүрбелең»

Бала: Бағлан

Әкесі: Ғалымжан

Шешесі: Балжан

Доктор: Әсел

Автор:

Ән: «Құттықтаймын мама туған күніңмен»

Әсел: Ортаға қобызбен

Бағлан: Назерке мен Аңсағанды хормен шақырамыз

Би: Айсұлу

Айша: «Ұстаздық еткен жалықпас үйретуден балаға», - деп Абай атамыз айтқандай, алғаш қолымызға қалам ұстап, оңымыз бен солымызды танытқан, бізбен бірге қуанып, 42 әріпті танытып, білім нәрімен сусындатқан, мектептегі анамыз – ұстаз екені бәрімізге мәлім.

Ғалымжан: Әр шәкіртін өз баласынан кем көрмей оқуға, жазуға үйреткен мұғалім еңбегі шексіз. «Мұғалім - мектептің жүрегі» - деп Ыбырай атамыз бекер айтпаған.

Гүлзат: Дұрыс айтасыңдар, балалар, ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, көкті шарлаған ғарышкер де, бәрі - бәрі ұстаздан білім мен тәрбие алған.

Каусар: Иә, бұл туралы Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді» деген екен. Олай болса шексіз алғысымызды айта отырып, жеке құндылықтарыңызды бағалай әр-түрлі номинацияларда Сіздерді медальдармен марапаттаймыз.

Әсел: «Ең сүйкімді де, сүйікті!» номинациясымен мектеп директоры марапатталады.

Зарина: Кемшілікті кезінде

Кесіп айтар өзіңе

Өнеге мол өзінде

Өсиет көп сөзінде

Көңілінің хошын –ай,

Көп шәкірттің досындай

Ақ ниетті кең пейіл,

Біздің бастық осындай!

Бағлан: «Қамқор және мейірімді» номинациясымен оқу ісінің меңгерушісі марапатталады.

Аружан Молдабаева: Қасымызда қашанда

Қамқор болып жүреді

Ақ ниетті кең пейіл,

Ғалия мұғалім осындай!