Бата туралы тәрбие сағаты 4 сыныпқа арналған

Сабақтың тақырыбы: "Бата менен ел көгерер, жаңбырменен жер көгерер"

Сабақтың мақсаты: Оқушылардың баталы сөздердің тектен тек айтылмайтынын түсіндіру. Үлкендерден бата алып жүруге баулу.

Сабақтың көрнекілігі: баталар жинағы, газет журнал.

Сабақтың түрі: Тәрбие сағат

Сабақтың барысы:

Ұйымдастыру кезеңі. Оқушыларды тынышталдырып, партада дұрыс отырғызу.

Оқушылар бата дегенді естідіңдер ме ?

Ол қайда айтылады ?

Қандай баталардың түрлерін білесіңдер ?

Ия дұрыс айтасыңдар тамақ жеп болған соң, жолға шығарда, жақсылық болғанда т.б. жағдайларда берілетін баталар бар екен.

Негізі баталардың түрлері: Дастархан, Ас қайыру, Шілде хана, бесік тойда, Туған күнде, Тілашар тойында, Жастарға, Жас жұбайларға, Наурыз мейрамда, Сапарға шығарда, Сүндет тойда т.б. тойларды, Қоныс тойда, Айт мерекесінде, Жарапазан айтқанда, т.б. баталардың түрлерін атайберсең өте көп.

- Үлкендер әрдайым жастардың аман есен болуы үшін, жұмысы дұрыс жүруіне, тойдың той болып жалғасуына, дастарханның мол болуына байланысты бата тілектерін айтып тілеулес болып отырады.

Мысалы: Алтын ерлі ақ боз ат

Астыңда жүріп арысың !

Таңдап алған бұраң бел.

Қасыңда жатып қартайсың!

Желінің о шетімен бұ шетіне,

Оқ шаптырса жетпесін

Тәәңірі берген кебісің

Тепкілесе кетпесін

Сабақ жиылмасын, Үркітің басылмасын.

Жанторсығың жаныңнан кетпесін

Қойың өрістен кетпесін

Биең желіден кетпесін

Сауғаның бие болсын

Дастарханыңа кетпестей байлық қонсын!

Шәйің қызыл болсын

Ғұмырың ұзын болсын

Несібең таса болсын

Дұшпаның қаша болсын

Құдайым ұзақ ғұмырды жаза берсін

Жортқанда жолың болсын,

Жолдасың Қыдыр ата болсын

Әулие әмбиелер қолдасын

Қоржының олжаға толсын

Аман барып сау қайт

Үйіңде жазсын дәміңді аллаң!

-А,құдай, жас нәрестеге ұзақ ғұмыр бер!

Жас нәрестенің күлкісі бұлақтай болсын!

Ойыны секірген лақтай болсын!

Қыдыр дарып, әулие-әмбиелер ққолдап,

Бақ пен дәулет басына қатар қонсын!

А,құдай жомарттың қолые бер,

Сапарлының жолын бер!

Судың тұнығын бер.

Жолбарыстың жүрегін бер.

Асаудың арынын бер,

Түнгі оттың жалынын бер.

Асқар таудың паңдығын бер

Бұл-бұлдың таңғы үнін бер!

Даланың жазықтығын бер.

Гүлдің нәзіктігін бер.

Теңіздің тереңдігін бер.

Қыранның көрегендігін бер.

Ердің көңілін бер.

Серінің серілігін бер.

Сабақты пысықтау: