Бата халық тілегі тәрбие сағаты 6 сынып

Ғ.Мұстафин атындағы №83 орта мектеп

«Бата – халық тілегі де тірегі»

(сыныптан тыс шара 6а; 8б сынып оқушылары)

Дайындаған: қазақ тілі мен әдебиет пәндерінің мұғалімдері: Гайнуллина М.А; Нұрлыбаева З. Л.

Қарағанды

Тақырыбы: «Бата – халық тілегі де тірегі»

Мақсаты: Батаның пайдалы мағынасын түсіндіру.

Бағыттары: Бата-тілек тілеуі және дәстүрлі мәдениет екенін түсіндіру.

Оның есте сақтау қабілеттілігін тәрбиелейтіндігі.

Үлкенге құрмет көрсету дәстүрін көрсету екендігінің маңыздығы.

Барысы: Дүйсенбек Қанатбаевтың «Наурызтал» өлеңімен ашылуы. (Көрініс-ағашты бір ыдысқа отырғызуы)

Мейірлан 8 сынып

Кәрі қыстың зәрі сынып,

Басылғанда дауылы сәл-

Отырғызған нәлі шыбық

Сенің атың-Наурызтал.

Өзгеруге өте бейім,

Ақ жұмыртқа, сары уыз хәл-

Бесіктегі бөпедейін

Мәпелейін, Наурызтал.

Аймаласа сәуегей жел,

Жақсылыққа бәрі мысал.

Тамыр тартып,әуелей бер,

Мәуелей бер, Наурызтал.

Бітер ғасыр жиырма бірінші,

Сабыр табар сабылма хәл.

Тек бойды үсік шалмасыншы,

Наурызтал, Наурызтал...

2.«Тойбастар»

Ұлан 8 сынып

Ал, қанеки, ағайын,

Асқақ әнге салайын,

Басы болсын бұл тойдың,

Шырқап-шырқап алайын.

Кеңейтейін әніммен

Көңіліңнің сарайын.

Жырым менің жылытсын

Жүректердің талайын.

Лера 8 сынып

Той кезінде, жас құрбым,

Жалтақтама, тайынба.

Тартқан күйің тамылжып,

Тіл бітірсін қайыңға.

Жасырынып қалмасын,

Жанындағы ағайың да,

Салт-дәстүріңді көрсетіп,

Бата түрін дайында.

3. «Ұзату» көрінісін көрсетіп, ән шырқалады.

Люфт Ж 8 сынып

Әлпештеген ортаңда

Бір бала едім, жар-жар,

Балалықпен бал дәурен

Құрған едім, жар-жар,

Құшағыңнан шынымен,

Мені ұшырып, жар-жар,

Қаламысың қол бұлғап,

Туған елім, жар-жар.

(Алдынан бір кісі шығып бата береді.)

Денис 6 сынып

Осыменен тамаша

Жетті дейік, жар-жар,

Ақ сұңқар құс ұшты да

Кетті дейік, жар-жар.

Даша М 6 сынып

Ал күн туып алдыңнан

Екеуіңнің, жар-жар,

.«Қосағыңмен қоса ағар!»-

Деп тілейік, жар-жар.

Лев 6 сынып

Барған жеріңе тастай батып,

судай сің, қарағым, Әумин.

4.Шілдехана тойының көрінісі

(Бала- қуыршақты көтеріп өлең оқылады, қуыршақты әр бата берген адам қолына алып тұрып батаны айтады).

Наум 6 сынып

Келді өмірге бір бөбек,

Кеудесіне гүл бөлеп.

Бүгін шығар үн де ерек.

Ақ жүзінен сәбидің

Аймаласын күн де кеп.