Бауырсақ ертегісі бойынша математикадан ашық сабақ

Қорытынды ашық ұйымдастырылған оқу қызметі

Білім беру салалары: Таным, қатынас, шығармашылық.

Бөлімі: Математика негіздері.

Тақырыбы: «Бауырсақ ертегісі математика елінде».

Мақсаты: Өткен ұйымдастырылған оқу қызметтерін қайталай отырып, балалардың білім деңгейін, ой-қиялын өсіру, дамыту. Танымдық қабілеттерді, математикалық және логикалық ойлауды

қалыптастыру. Тақпақтар арқылы тілдерін дамыту, ұсақ қол моторикасын дамыту. Қарапайым математикалық ұғымдар қалыптастыруға бағытталған оқу қызметі баланың қарапайым бақылаушыдан белсенді қатысушыға айналуына ықпал ету.

Міндеттері: Танымды дамыту, зейінін, қабылдау, шығармашылық қабілеттерін, қиялын, ойлау вариативтілігін; ақыл-ой іс-әрекетінің тәсілдерін (талдау, жинақтау, салыстыру, қорытындылау, жіктеу, модельдеу, құрастыру, себеп-салдарлы байланыстарды анықтау) үйрету, қарапайым математикалық ұғымдарды қалыптастыру.

Әдіс-тәсілдері: Көрсету, түсіндіру, сұрақ-жауап, мадақтау.

Күтілетін нәтижелер:

– жиынның құрамдас бөліктерін анықтауды үйренеді;

– 10 көлеміндегі сандар мен цифрларды және оларды тура және кері санауды біледі;

– қарапайым мысалдар мен есептерді шешеді, сөйлеген кезде заттардың саны мен

шамасы бойынша арақатынастарын көрсететін математикалық терминдерді пайдаланады;

– геометриялық пішіндерді және денелерді біледі және ажырата алады;

– кеңістікте және қағаз бетінде бағдарлайды;

– апта күндерін, айларды, жыл мезгілдерін кезектілігі бойынша атайды;

– заттарды салмағы бойынша анықтайды, заттың салмағы оның өлшеміне байланысты

емес екендігін біледі.

Мотивациялық қозғаушылық:

Шаттық шеңбері:Қайырлы таң, достым,

Қайырлы күн болсын.

Жұманың күні ,

Сәттілікке толсын.

Біздің алар бағамыз,

Кілең бестік болсын!

Қонақтармен ең алғаш,

Иіліп сәлем болсын

Саламатсыздарма

(Жүрек)

Тәрбиеші:Қане, балалар жүрегімізден шығарып жылы сөздер айтайықшы:

Балалар:Аспанымыз ашық болсын

Еліміз тыныш болсын

Ауырмайық, денсаулық болсын

Нанымыз көп болсын

Ата-анамыз аман болсын

Балабақша көркейіп жайнай берсін!

Апайлар аман болсын

Тәрбиеші:Қазір жылдың қай мезгілі

Балалар:Көктем мезгілі

Тәрбиеші:Көктем мезгілдерінің айларын атайықшы

Балалар:

Жамалиддин:Наурыз

Жавохир: сәуір

Мирас: мамыр

Тәрбиеші:Бір аптада қанша күн бар

Балалар: 7 күн

Тәрбиеші:Балабақшаға қанша күн келеміз

Балалар: 5 күн

Тәрбиеші:Демалыс күндерін атайықшы

Балалар: Сенбі, жексенбі

Тәрбиеші: Осы апта күндеріне сәйкес тақпағымызды айтып берейікші

Балалар:

Сәл демалып тыным ал

Тақпақ тыңдап ұғып ал

Апта деген ағайдың

Жеті бірдей ұлы бар

Азель: Біріншісі Дүйсенбі

Валерия:2-сі Сейсенбі

Бота: 3-сі Сәрсенбі

Томирис: 4-сі Бейсенбі

Альвина: 5-сі Жұма

Абдірасыл: 6-сі Сенбі

Балалар: 7-сі Жексенбі

Тәрбиеші:Жарайсыңдар балалар, мен сендерге жұмбақ жасырайын:

Оң жағымда бес сарбаз,

Сол жағымда бес сарбаз (он саусақ)

Бес алманың үшеуін

Досың сұрап алды

Айтшы сонда нешеуі

Өз қолыңда қалды (Екі)

Әр түрлі табақтар

Легендер, медальдар

Олар адамдарға өте керек

Атым менің (дөңгелек)

Алдымен көктем, ал содан кейін ...

Алдымен күндіз, ал содан кейін ...

Алдымен 2, ал содан кейін ...

Салмағы бойынша піл ауыр ма қоян ауырма.....

Тәрбиеші:Ендеше ұйымдастырылған оқу қызметімізге дайын екенбіз. Орнымызға жайғаса қояйық.

Ұйымдастыру-Іздестіру

Тәрбиеші:Балалар біз өзіміз жақсы көріп тыңдайтын ертегілерімізді еске түсірейік.Ерте, ерте, ертеде..........Шалқан, Жетілақ, Қызыл телпек, Үйшік, Түлкі мен тырна, Мақтақыз бен мысық т.б.

(Бауырсақ музыкамен кіріп келеді)

Тәрбиеші:Ой, балалар қараңдаршы біздің топқа кім қонақ болып келгенін

Бауырсақ

Сәлеметсіңбе, бауырсақ

Бауырсақ: сәлеметсіздерме, мен ата-әжемнен қашып сіздерге келдім, мен де сіздермен мектепке барғым келеді. Бірақ ормандағы аңдардың мені көріп тәбеттері ашылып кетеді емес па, сондықтан маған көмектесіздерме, ендеше мені ормандағы аңдардан қорғауға, олар тапсырма беріп жатса дұрыс орындауға дайынсыздарма.

Балалар: Әрине көмектесеміз

Тәрбиеші:балалар ендеше бауырсақ ертегісінде бауырсақ қай аңдармен кездесетінін еске түсіріп, мына жолақтар арқылы жүретінімізді көзімізбен бір шолып өтейік.

Балалар ертегіде Бауырсақ ең бірінші қандай кейіпкермен кездеседіҚоян, қасқыр, аю, түлкі. (көз жаттығуы)

Музыкамен қоян кіріп келеді (қоян музыкамен келеді)

Қоян: Мен Қоянмын, Қоянмын.Сәбіз жесем тоямынҚасқырдан мен қорқамын,Бауырсақты жеп қоямын.

Бауырсақ, бауырсақ мен сені жеймін

Балалар: жемеші, жемешіҚоян: ендеше мен сендерге тапсырма берейін, сендер дұрыс орындасаңдар бауырсақты жемеймін.Қоян: қандай көкөністі жақсы көремін?

Балалар: СәбізҚоян: Сәбіздің пішіні неге ұқсайды?

Балалар: Үшбұрыш

Қоян: Балалар менің бақшама сәбіз егіп беріңдер

Тәрбиеші: Ендеше балалар сандар жазылған сәбіздерді мына бақшаға егіп шығу керек, тура рет-ретімен, (балалар сәбізді тура және кері санап береді)

Тәрбиеші: Қоян саған біздің балалардың жауабы ұнады ма?Қоян: балалар мен сендерге ризамын. Сендер менің сәбіздерімді егіп бау-бақшамды жайқалтып бердіңдер. Сау болыңдарТәрбиеші: Жарайды балалар сендер қоянның тапсырмасын жақсы орындадыңдар. Енді Бауырсаққа орманда қай аң кездеседі. (қасқырдың даусы музыка) Қасқыр: бауырсақтың иісі қандай тамаша шығып тұр. Бауырсақ бауырсақ мен сені жеймін.

Балалар: жемеші жемеші

Қасқыр: Сәлеметсіңдерме балалар мен сендерге қызықты тапсырмалар әкелдім (конверт), егер соны орындасаңдар мен бауырсақты жемеймін. Менің үйшігімнің есігін ашып беріңіздер, түсіп қалған сандарды орнына қойса үйімнің…