Бауырсақпен ертегілер еліне саяхат ашық сабағы

Маңғыстау облысы, Ақтау қаласы

№26 «Қарлығаш» бөбекжайы тәрбиешісі

Отарбаева Ақмарал Абдуллақызы

Бауырсақпен ертегілер еліне саяхат.

Білім беру саласы: Таным, қатынас.

Ұйымдастырылған оқу қызметі: математика, сөйлеуді дамыту, құрастыру, көркем әдебиет.

Мақсаты:

1.Ертегілер арқылы арқылы балалардың тілін дамыту, өткен тақырыптар бойынша тілімдерін қорытындылау;

2. Геометриялық пішіндерді ажыратып сұрақтарға жауап бере отырып, есте сақтау, ойлау қабілетін дамыту;

3. Сөздік қорын молайту. Ұйымшылдыққа, ұқыптылыққа, әдемілікке тәрбиелеу;

Әдіс-тәсілдер: саяхат, әңгімелесу, сұрақ-жауап, салыстыру, көрсету;

Іс-әрекет барысы:

Шаттық шеңбері:

Қуанамын менде,

Қуанасың сенде.

Қарсы алайық достарым,

Келді қонақтар бірге.

Сәлеметсіздер ме, балалар «Бүгінгі күндеріңіз сәтті өтсін» деймін.

Рахмет.

Балалар сіздер қандай ертегілерді білесіздер?

Жеті лақ, шалқан, бауырсақ.

Өте жақсы. Балалар таңертең мен қандай ертегі кейіпкерін көргенімді білгілеріңіз келе ме?

Ендеше жұмбақ жасырайын:

Қашып кеткен атадан,

Қашып кеткен ападан.

Орманда кеше жүреді,

Домалап шықты алдымнан.

Бұл не?

Бауырсақ.

Жарайсыздар. Міне біздің бауырсағымыз. Ол қандай пішінде тұр, дұрыс па?

Жоқ.

Ол қандай пішін?

Төртбұрыш

Ал бауырсағымыздың пішіні қалай қалай білу керек еді?

Дөңгелек

Міне, енді дұрыс па?

Ал енді балалар бауырсақпен ертегілер еліне саяхаттағыларыңыз келе ме?

Ия

Саяхатқа біздің пойызымызбен аттанамыз.

Ал пойызға отыруымыз үшін билет алуымыз керек.

Ал кәнекей билеттерімізді алып, қолымызды жоғарыға көтерейік.

Балалар билеттерімізде әртүрлі пішіндер бар. Сол пішіндерге сәйкес орындықтарға барып орналасайық.

(Балалардан пішіндер туралы сұрау)

Ал енді орналасып саяхатқа аттанайық.

Чух-чух-чух-чух,

Вагондар,вагондар.

Рельспен жүреді,

Балаларды мінгізіп,

Ертегілер еліне келеді.

Балалар міне біз ертегілер еліне келдік. Балалар сендер ненің суретін көріп тұрсыңдар?

Орманның.

Орманда нелер бар

Ағаштар,шөптер, гүлдер, аңдар.

Ал ағаштар қандай болады?

Биік-аласа.

Ал ағаштар жел соқса, қандай болады?

Тербеледі.

Ендеше бірге:

Тербеледі ағаштар,

Алдымнан жел еседі.

Кіп-кішкентай ағаштар,

Үлкен болып өседі.

Балалар жарайсыңдар. Тақтаға қарайықшы сіздер бауырсақ ертегісің қандай кейіпкерлерді қөріп тұрсыңдар?

Аю, түлкі,қоян, қасқыр,мысық.

Мысық бауырсақ ертегісінде кездесе ме?

Жоқ

Өйткені ол қандай жануар?

Үй жануары.

Ал аю, қасқыр, түлкі, қоян қандай жануарлар?

Жабайы жануарлар.

Ендеше мысықты алып тастайық.

Дұрыс па?