Бейімбет Майлин шығармашылығына арналған ашық сабақ, 7 сынып

Пәні: Қазақ әдебиеті

Сынып: 7 "В"

Күні: 29.01.2016

Сабақтың тақырыбы: Бейімбет Майлин

Сабақтың мақсаты: Білімділік: Мағжан Жұмабаев туралы өткен тақырыбы бойынша оқушылардың білім, сөз қорларын пысықтау. Шәкіртерге Бейімбет Майлинның өмірі мен шығармашылығымен таныстыру. Дамытушылық: Өткен сабақта алған білімдеріне сүйене отырып, Бейімбет Майлиннің өмірі мен шығармашылығы туралы оқушылардың білімдерін тереңдету. Шәкірттердің ой-өрісін, тіл байлығын дамыту және сөйлеу,жазу шеберліктерін арттыру. Сыни тұрғысынан ойлауға, өзінше ой түюге баулу, танымдық түсініктерін дамыту. Тәрбиелік: Шәкірттердің бойында прозаға, жазушылық өнерге құрметін сүйіспеншілігін ояту, өнерге баулу.

Сабақтың әдіс-тәсілдері: әңгімелесу, сұрақ-жауап, түсіндіру, интербелсенді тақта.

Пәнаралық байланыс: қазақ тілі, орыс әдебиеті, тарих.

Сабақтың барысы:

І. Ұйымдастыру кезеңі:

Амандасу.

Кезекшіден сабақта жоқ оқушыларды анықтау. Оқушылардың көңілін сабаққа бейімдеу, ыңғайлау.

ІІ. Үй тапсырмасын сұрау.

Мағжан Жұмабаевтың өмірі мен шығармашылығы туралы өткен тақырыбы бойынша оқушылардың білімдерін тексеру, үйге берілген үй тапсырмасын тексеру.

ІІІ. Жаңа сабақ.

Балалар, сендер Мағжан Жұмабаевтың репрессияға ұшырағанын білесіндер. Одан басқа тағы қандай жазушылар ұшырады? Қазақстан тарихынан есімізге түсірейік. (Балалар жауабын тыңдау).

Дұрыс айтасыңдар! Ендеше біз бүгінгі сабақта Бейімбет Майлиннің өмірі мен шығармашылығымен танысамыз. Бейімбет Майлин кім? Қандай шығармаларын білесіңдер? (Оқушылардың жауаптары бойынша кластер құрастыру).

Бейімбет Майлин

Дұрыс, балалар!

Бейімбет Майлин 1894 жылы Қостанай облысының Таран ауданында дүниеге келген. Ол 15-ке тарта повесть, "Азамат Азаматович" атты роман жазған. Оның "Қызыл жалау", "Қоңсылар" атты романы аяқталмай қалған. 25 пьеса, либретто, сценарийлер авторы.

"Садақ" қолжазба журналында, "Айқап" журналында, "Қазақ" газетінде жұмыс атқарған. 1916-1919 жылдар аралығында мұғалімдік қызметте болған. "Сауаттылығы төмендерге арналған оқу кітабын", "Күш", "Жаңаша оқы және жаз" деген еңбектердің авторы.

"1937 жылы 6 қазанда ұсталады. 1938 жылы 26 ақпанда Алматыда атылады. Сүйегі қайда жатқаны белгісіз. Талғар ауданына қарасты Жаңалық ауылының маңына жерленген деген дерек бар." Тоқтар Бейісқұлов. "Бейімбетті атқан кім?".

Әйелі - Гүлжамал, үлкен ұлы (16 жаста) - Әукен, қыздары (12 жаста) - Разия мен Мереке, кіші ұлы (6 жаста) - Еділ.