Бейне және хабарлама платформаларымен IELTS дайындығы

Youtube және Telegram платформалары арқылы студенттерді халықаралық IELTS емтиханына дайындау

Алтынбекқызы Айжан

студент 4 курс, шет тілі:екі шетел тілі

Е.А Букетов атындағы Қарағанды зерттеу университеті

Айтбай Арайлым

студет 4 курс, шет тілі:екі шетел тілі

Е.А Букетов атындағы Қарағанды зерттеу университеті

Email:[email protected]

[email protected]

“Youtube and Telegram platforms as a tool for preparing students for International English language exams.”

Abstract:The article explores the effectiveness of Telegram and YouTube platforms in preparing students for the international English language exam, IELTS. Telegram allows students quick access to study materials, communication with teachers, and collaborative learning. YouTube serves as a valuable visual learning tool by offering free video lessons, practical examples, and personalized preparation strategies. The combined use of these platforms simplifies the preparation process and helps students achieve higher results in the IELTS exam.

Keywords: IELTS exam, educational platforms, Telegram, YouTube, online preparation, English, exam preparation, students, free resources, visual learning.

Аннотация:Мақалада студенттердің халықаралық ағылшын тілі емтиханы IELTS-ке дайындалуында Telegram жəне YouTube платформаларының тиімділігі қарастырылады. Telegram мессенджері оқушыларға дайындық материалдарына жылдам қол жеткізуге, оқытушылармен байланысуға, сондай-ақ ұжымдық дайындыққа мүмкіндік береді. YouTube платформасы тегін бейнесабақтар, практикалық мысалдар жəне жеке дайындық стратегиялары арқылы визуалды оқу құралы ретінде маңызды рөл атқарады. Бұл екі платформаның үйлесімді пайдаланылуы студенттердің дайындық процесін жеңілдетіп, жоғары нəтижелерге қол жеткізуіне көмектеседі.

Кілт сөздер: IELTS емтиханы, білім беру платформалары, Telegram, YouTube, онлайн дайындық, ағылшын тілі, емтиханға дайындық, студенттер, тегін ресурстар, визуалды оқу.

Білім беру платформалары: Telegram жəне YouTube студенттердің IELTS емтиханына дайындалу құралы ретінде. Оқу процесін ұйымдастыру үшін барлық оқытушылар мен студенттерге электронды платформаларға қол жетімділік беріледі. Құрал ретінде бейне сабақтар, дербес және онлайн жұмыс, онлайн курстар және т.б. қолданылады. Бізде бірнеше керемет жүйелер бар: "Bilimland", "Google Classroom", "MOODLE", "Telegram", "Platonus", "Youtube", "Daryn.online" және т.б. «Coursera» платформасы сонымен қатар курстарға кіруге мүмкіндік ашты, «ZOOM» қызметі сабақ өткізуге ақысыз қол жетімділікті қамтамасыз етті» деп Қазақстан Республикасының Білім және ғылым министрі Асхат Аймагамбетов айтқандай платформаларды қолдану арқылы оқу поцесстерін ұйымдастыру тиімді болып саналады.

Соңғы жылдары цифрлық технологиялар білім беру саласында үлкен өзгерістер алып келді. Әсіресе, қашықтан оқыту форматында қол жетімді ресурстардың көбеюі студенттердің білім алу мүмкіндіктерін кеңейтті. Осындай платформалардың ішінде YouTube және Telegram ерекше танымалдыққа ие болып отыр. Бұл екі платформа студенттерге халықаралық IELTS емтиханын дайындық кезінде маңызды құралдарға айналды. Қазіргі уақытта көптеген оқытушылар мен білім беру орталықтары осы платформаларды пайдалана отырып, студенттерді емтиханға тиімді дайындап, олардың білімін жақсартуға ықпал етуде. Ағылшын тілі халықаралық қатынас тілі ретінде барлық салаларда, əсіресе білім беру мен кəсіби даму салаларында үлкен маңызға ие. Əлемнің көптеген студенттері IELTS (International English Language Testing System) емтиханын тапсырып, ағылшын тіліндегі білімдерін растауды мақсат етеді [1]. Бұл емтиханнан жоғары нəтиже алу көптеген студенттердің шетелде оқу, жұмыс немесе көші- қон мүмкіндіктерін кеңейтеді. Осыған байланысты, білім беру платформалары, əсіресе Telegram мен YouTube, IELTS-ке дайындалу барысында тиімді құралдарға айналды [3].

YouTube платформасының артықшылықтары.

YouTube – әлемдегі ең ірі бейнемазмұндық платформа, онда түрлі оқу ресурстары қолжетімді. IELTS емтиханына дайындық үшін YouTube мынадай артықшылықтарды ұсынады:

- Көрнекі оқу материалдары: IELTS дайындық сабақтары, бейне дәрістер, емтихан форматтары және кеңестер туралы видеолар көптеген арналарда қол жетімді. Мысалы, IELTS Liz, E2Language, IELTS Simon сияқты танымал арналар студенттерге тиімді дайындық курстарын ұсынады. [4]

- Тегін қолжетімділік: Студенттерге IELTS емтиханына дайындық материалдарын тегін қарауға мүмкіндік береді. Бұл, әсіресе, жеке репетитор жалдай алмайтын студенттер үшін тиімді.