IELTS емтиханындағы жоғары нәтиже туралы мақала, 11 сынып

IELTS-тан 9.0:17 жасар қазақстандық қыз қалай үздік нəтиже көрсетті? Ағылшын тілін меңгеру – заманауи білім мен мансап жолында үлкен мүмкіндіктерге жол ашатын маңызды дағдылардың бірі. Осы бағытта халықаралық деңгейде танылған IELTS (International English Language Testing System) емтиханы ағылшын тілі деңгейін дəл анықтайтын ең беделді тесттердің қатарына жатады. Бұл емтиханнан жоғары балл алу – көптеген талапкерлер үшін үлкен жетістік саналады, ал ең жоғарғы 9.0 балл жинау – сирек кездесетін нəтиже.Жақында 17 жасар қазақстандық Сая дəл осы жетістікке қол жеткізді. Ол өзінің Instagram парақшасында 9.0 балл жинағанын хабарлап, бұл жаңалық қазақстандықтар арасында үлкен қызығушылық тудырды. Оның IELTS-тен үздік нəтиже көрсетуінің құпиясы неде? Бұл жетістікке қалай қол жеткізді? Осы сұрақтарға жауап іздеп, Саяның оқуға деген ынтасы мен табандылығын зерттеп көрелік.

Саяның IELTS емтиханынан 9.0 балл жинағаны – үлкен жетістік. Оның емтихан нəтижелері бойынша тыңдалым (Listening), оқу (Reading) жəне сөйлеу (Speaking) бөлімдерінен ең жоғарғы 9.0 балл, ал жазу (Writing) бөлімінен 8.0 балл алғаны белгілі. Бұл – нағыз мінсіз көрсеткішке жақын нəтиже.Алайда, бұл əлемдік рекорд болып саналмайды. Себебі, бұған дейін барлық төрт бөлімнен 9.0 жинаған адамдар болған. Мысалы, пакистандық Ситара Брудж Акбар 15 жасында дəл осындай нəтижеге қол жеткізген. Дегенмен, Саяның жетістігі Қазақстан жастары үшін үлкен мотивация жəне оның ағылшын тілін жетік меңгергенін көрсетеді. Сая Алматы қаласындағы №116 мектепте білім алады. Ол ағылшын тілін 6 жасынан бастап үйрене бастаған. Ерекше қабілетінің арқасында 5-сыныпта 10–11-сынып оқушыларына сабақ беру мүмкіндігіне ие болған. Бұл оның тілге деген қызығушылығы мен білімі жоғары деңгейде екенін көрсетті.Саяның мектептегі жетістіктері тек ағылшын тілімен шектелмейді. Ол математикаға ерекше қызығушылық танытып, 2-сыныпта-ақ теңдеулер шешуді үйренген. Бала кезінен білімге құштар болған