Бейнелеу өнері арқылы балалар шығармашылығын дамыту мақаласы

«Бейнелеу өнері арқылы балалардың шығармашылық қабілетін дамыту»

Балаларымызды бейнелеу өнерінің әдіс тәсіліне үйрету эстетикалық тәрбиенің ең басты міндеті болып табылады. Эстетикалық тәрбие алған балалар жарқын әсем атаулының бәріне жәй ғана ұмтылып қана қоймай, сұлулықты жан дүниесімен қабылдайтын болады. Шығармашылық бүкіл тіршілік көзі.

Мақсаты: Бейнелеу өнері оқу қызметтерінде, үйірмелерінде әр түрлі әдіс тәсілдерді қолдану арқылы балалардың іскерліктері мен дағдыларын қалыптастыру.

Міндеттері:

Бейнелеу іс әрекетіне қажетті негізгі техникалық дағдыларды меңгерту.

Қызығушылығын ояту.

Көркемдік талғамын ояту.

Іскерлік дағдыларын меңгерту.

Ұлттық және әлемдік көрме өнері негіздерімен таныстыру

Бейнелеу өнері арқылы балаларды Отанын сүюге тәрбиелеу.

Жинақталған іс тәжірибиемнің болжамы: Балабақшада бейнелеу өнері оқу қызметтерінде, үйірмелерінде әдіс тәсілдерді тиімді қолданса , балалардың іскерліктері мен дағдылары қалыптасып, бейнелеу өнеріне деген қызығушылықтары арта түседі.

Мектеп жасына дейінгі балалардың жан жақты дамуы үшін бейнелеу өнерінің маңызы ерекше. Балалалар бейнелеу өнері арқылы әсемдікке, сүйіспеншілікке тәрбиеленеді, жаңа заттармен, өмір құбылыстарымен танысады, таным қабілеттері дамиды, саусақ бұлшық еттері жетіледі, эстетикалық талғамдары оянады.

Балалармен жүргізілетін жұмыс:

I, II сәбилер, ортаңғы, ерекек топтары аралығындағы оқу қызметтері

Ұйымдастырылған оқу қызметтері : сурет салу , мүсіндеу, жапсыру. Сурет салу бөлімі бойынша балалар жас ерекшеліктеріне байланысты сурет салу технологиясын үйренеді. Мүсіндеу мен жапсыру бөлімдерінде бұйымдарды кезең бойынша жасап, мүсіндеп көрсетеді.

«Көңілді саусақтар» үйірмесі . Үйірмеде балалар бейнелеу өнерінің негізгі үш түрлерімен : сурет салу, жапсыру, мүсіндеу, жапсыру әрекеттерімен араластырып шұғылданады. Сонымен қатар «Эбру» техникасын қолданады.

Қорыта келгенде бейнелеу өнерінде әр түрлі жастағы балалардың дербестігі, белсенділігі, көркемдік талғам қабылдауы дара әрі әр түрлі таңдамалы.Балалар табиғаттағы, заттық дүниедегі әсемдікке,адамдардың мейірбан сезіміне үн қосады. Мұның өзіне сәбидің басынан кешкен талпынысының, толғанысының маңызы өте зор деп білеміз.