Ойын арқылы баланың шығармашылығын дамыту мақаласы

Сыни тұрғыдан ойлау технологиялары арқылы оқушылардың білім сапасын арттыру

«Еліміздің білім беру саласында жүріп жатқан реформаның ең басты мақсаты – елдің ертеңі өресі биік, дүниетанымы кең, кемел ойлы азаматтарын өсіру үшін бүгінгі ұрпаққа ұлттық рухани қазынаны әлемдік озық ой-пікірімен ұштастырған сапалы білім мен тәрбие беру»,- деп Елбасымыз Н. Ә. Назарбаев өз Жолдауында ерекше атап көрсеткен.

Оқушы білім ала отырып ауызекі сөйлеу, ойын жазбаша сауатты жеткізуі, кез-келген қиындықдықтың себеп-салдарына байыппен қарап, өз бетінше шеше білуге үйренеді. Әрбір сабақ оқушының тіл байлығын, әдеби сауаттылығын, шығармашылығына жол ашатын, сыни тұрғысынан ойлауын дамытатындай негізде құрылуы керек.Балалардың ойлауын дамыту туралы М.Жұмабаевтың "Ойлау-жанның өте бір қиын терең ісі". Жас балаға ойлау тым ауыр, сондықтан мұғалім баланы ойната отырып ойлануға , жүйелі сөйлей білуге ұмтылдырып отыруы керек.

Сабақ барысында мұғалім барлық оқушыны барынша ынталандырып, оқу үдерісіне қызу араластырып, назарын сабаққа аударып отыру керек. Сабаққа жоспар түзгенде мұғалім мыналарды ескеру керек:оқушылардың жас ерекшелігіне, психологиялық жай күйлеріне, әдіс-тәсілдердің тиімділігіне қарай реттеп орындалуына назарда ұстауы керек.Бастауыш сыныптарда ойын элементтерін пайдалану оқушылардың ынтасы мен мүмкіншіліктерін пайдалануға, сабақта алған білімін өмірде қолдана білуге өз көмегін тигізетіні анық.Сабақта ойындарды қолдану, балалардың ойлау, есте сақтау, шығармашылық қасиеттерін оятады.Ойын арқылы жүзеге асатын дағдылар:бірлесе оқу және жеке ерекшеліктерді мойындау, ұжымдағы басқаның үлесін бақылау, жолдастары, сыныптастары алдындағы жауапкершілік, қалыптан тыс сыни ойлап, шешім қабылдау дағдысы, көзқарастарды бөлісу, түсіну мен тәжірибе арқылы есте сақтауды жетілдіру, ұжымның құрылуы және сезімнің дамуы, өзінің бағасын көтеру, өзін-өзі және басқаларды құрметтеу. Осы сыни тұрғыдан ойлау стратегияларының әрқайсысының өзіндік ерекшеліктері бар:

- оқушы белсенділігін арттыру, қойылған проблемалық сұрақты жеке шығармашылықпен шешу;

- оқу еңбегін түрлендіріп ұйымдастыру,қызықты түрде өткізу;

- шамадан тыс оңай, шамадан тыс күрделі материал қызығушылық туғызбайды, тақырып қиын болғанмен оқушы оны қызығып меңгере алатындай оқыту әдісін таба білуі;

- оқу материалының түсініктілігі, мұғалімнің сабақты түсіндірудегі сөйлеу мәнері оқушылардың пәнге қызығушылығын арттырады ;

Сабақтардың тартымды өтуі, балалардың назары ауатындай тақырыпқа сай суреттер, көрсетілімдер балалардың сыни тұрғыдан ойлануын көздеген әдіс-тәсілдер жақсы нәтиже көрсетеді. Нәтижесінде оқушылар мәліметтерді есте сақтай отырып,өз ойларын жеткізе біледі.