Бейнелеу өнері бойынша сабақ жоспары 4 сынып 6 бет

Сабақтың тақырыбы:

Тік жазықтықтағы қозғалыс.

Сабақтың мақсаты:

а) Білімділік: Оқушыларға тік жазықтықтағы қозғалыстар жайлы жалпы

мағлұмат беру, заттарды қағазға ретпен орналастыруға

жаттықтыру, қағаз бетіне затты үйлестіріп бейнелеуге

үйрету, білімдерін қалыптастыру.

ә) Дамытушылық: Оқушылардың сабаққа қызығушылығын арттыратын әдіс-

тәсілдер, ойын, т.б. пайдалана отырып оқушылардың

ой-өрісін дамыту.

б) Тәрбиелілік: Шапшаңдыққа, дұрыс ойлауға, тез шешімге келуге,

уақытты тиімді пайдалануға, сауаттылыққа тәрбиелеу.

Құрал-жабдықтар, көрнекті құралдар: Түрлі қарындаштар, өшіргіш, қағаз көркем суретті альбомдар, дидактикалық құралдар және т.б.

Сабақтың өту барысы:

Ұйымдастыру кезеңі.

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Үйге тапсырма.

Сабақтың барысы:

Саған жардан секірген немесе биік мұнарадан суға секірген адамды бейнелеу керек болды дейік. Тағы да барлығы суреттің мазмұнына байланысты. Егер адамның қандай биіктіктен секіргенін көрсету керек болса, қозғалушы денені жоғарғы сол жақ бұрышқа орналастырған дұрыс. Денені диагональ бойынша орналастыру қозғалыс әсерін күшейте түседі. Ал денені төменгі оң жақ бұрышқа орналастырсаң, онда дененің суға немесе жерге түскен сәтін бейнелейсің. Дененің диагональ бойына емес, парақтың дәл ортасына орналасуы ең сәтсіз композиция болып табылады. Дене қозғалмай қалғандай әсер туғызады.

Ал енді жоғарыға секірген немесе ұшуға ұмтылған адамды бейнелеу керек болса ше? Мына суреттердегі үш түрлі композицияны қарастырып, олардың әрқайсысына мінездеме бер.

Композицияда қозғалысты көрсету үшін, ондағы адам денесінің әсерлілігі, оның барлық дене бөліктерінің орнығуы аса маңызды. Екінші сыныпта әр түрлі қимыл мен қозғалыстағы адам денесінің суретін қалай салғаныңды есіңе түсір, бұл саған динамикалық композиция кұруда кажет болады. Мына фотосуреттерге назар аудар. Фотографтар қозғалысты неғұрлым әсерлі көрсету үшін, олар сондай сәтті жалықпай, ұзақ таңдайды. Қалай ойлайсыңдар, олар ойдағыдай әсерлі фотография түсіре алды ма? Себебі неде?

Қозғалысты бейнелеу үшін қозғалушы дененің алдынан кеңістік қалдыру керек. Яғни композициядағы басты кейіпкерді қозғалысқа қарама-қарсы жаққа орналастырады. Диагональды құрылымдар композицияның динамикалық әсерін күшейте түседі. Солдан оңға бағытталған қозғалыс жылдамырақ болып көрінеді (неліктен?). Орыс суретшісі Николай Рерихтің «Теңіздің арғы жағынан келген қонақтар» туындысын қарастырайық. Контрасты, қанық түстер гаммасы көтеріңкі, мерекелік көңіл күйді білдіреді. Композиция аса динамикалы. Суретші қозғалысты өте әсерлі көрсеткен. Қызыл желкендермен безендірілген қайық теңіз айдынында диагональ бойымен солдан оңға қарай екпінмен жылжып келеді. Суретші қозғалысты бейнелеудің барлық ережелерін бұлжытпай орындаған.